Spørsmål
Sveinung Rotevatn (V): 60 selskap i Sogn og Fjordane innan sjømatnæringa, reiseliv m.v., med ein samla omsetnad på om lag 16 mrd. kroner, fryktar for tap av arbeidsplassar og verdiskaping. Dei ber regjeringa seie nei til utslepp av gruveavfall i Førdefjorden. Selskapa viser til risikoen for at avfallet kan spreie seg, og er spesielt uroa over det potensielle omdømetapet for norsk fisk.
Er ikkje regjeringa uroa over at bergverksindustrien sitt ønske om å etablere sjødeponi i norske fjordar kan få konsekvensar for Noreg som sjømatnasjon?