År 1999 den 1. juni holdtes Odelsting, hvor da ble gjort slikt
§ 1 Føremål
Føremålet med denne lova er å regulere
forholdet til aksjelovgivinga og visse overgangsspørsmål
i samband med omdanning av forvaltningsbedrifta Noregs Kommunalbank
til aksjeselskap.
§ 2 Forholdet til aksjelovgivinga
Når denne lova trer i kraft, blir Noregs Kommunalbank
omdanna til aksjeselskap.
§ 3 Om retten til å bruke
ordet «bank» i namn (firma)
Aksjeselskapet Kommunalbanken kan utan hinder av lov 24.
mai 1961 nr. 2 om forretningsbanker § 2 bruke ordet «bank»,
med eller utan tillegg, i sitt namn (firma) og ved omtale av si
verksemd.
§ 4 Overføring av offentlege
rettar m.v.
Ved omdanning av Noregs Kommunalbank til aksjeselskap blir
eigedelar, rettar, under det offentlege løyve osv., og
skyldnader overførte til aksjeselskapet.
Omregistrering i grunnbok og andre offentlege register
i samband med omdanninga skjer ved namneendring.
§ 5 Overføring av skyldnader
Overføring til aksjeselskapet av skyldnader knytt til
forvaltningsbedrifta Noregs Kommunalbank har frigjerande verknad
for staten.
Kravshavarar og andre rettshavarar kan ikkje setje seg
imot overføringa eller gjere gjeldande at den er ein bortfallsgrunn
for rettsforholdet.
§ 6 Førerett til anna
statsstilling og venteløn
Lov 4. mars 1983 nr. 3 om statens tenestemenn m.m. § 13
nr. 2 til 6 om førerett til anna statsstilling og venteløn
skal framleis gjelde for tidlegare arbeidstakarar i forvaltningsbedrifta
Noregs Kommunalbank som blir sagde opp av grunn som nemnd i tenestemannslova § 13
nr. 1 bokstavene a, b og c, og som var omfatta av desse reglane
før omdanninga. Føreretten til anna statsstilling
og retten til venteløn etter førre punktum opphøyrer
3 år etter at lova her tek til å gjelde. Føresegna
her gjer inga innskrenking i arbeidstakars rettar etter lov 4. februar
1977 nr. 4 om arbeidarvern og arbeidsmiljø m.v. §§ 60
nr. 2 og 67.
§ 7 Overgangsreglar
Kongen kan gi overgangsreglar.
§ 8 Iverksetting
Lova her tek til å gjelde frå den tid
Kongen fastset.
§ 9 Endring av andre lover
Frå den tid lova tek til å gjelde, skal
desse føresegnene i andre lover endrast slik:
1. Lov 15. juli 1949 nr. 1 om Norges Kommunalbank blir
oppheva.
2. I lov 5. juni 1981 nr. 45 om representasjon av tilsatte
i styrende organer i offentlige virksomheter blir § 8 nr.
5 oppheva.
3. I lov 10. juni 1988 nr. 40 om finansieringsvirksomhet
og finansinstitusjoner skal § 2-2 andre ledd nytt nr. 8
lyde:
Noverande nr. 8 og 9 bli nye nr. 9 og 10.
Jorunn Ringstad, |
Olav Gunnar Ballo, |
president. |
sekretær. |