Kjell Ingolf Ropstad (KrF): I Setesdølen 22/8-17 kjem det fram at det ikkje er penger til vidare bygging av Rv 9. Samstundes sa komiteen "at det er behov for oppstartsmidler til Bjørnarå - Optestøyl, og at oppstart kan skje under forutsetning av at det finnes ledige statlige midler ved mindreforbruk på prosjekter innenfor rv 9, og lokal finansiering(konsesjonskraftmidler)." Statsråden og representantar frå regjeringspartia har vore tydelege på at dette betyr vidare framdrift.
Kan statsråden avklare om neste etappe kan likevel kan ha full framdrift?
Grunngiving
Det kan sjå ut som at frykt for manglande bevilgningar i 2018 og 2019 stopper vidare framdrift på Rv 9. Men statsråden - og komiteen - har vore tydelege på at Rv 9 skal få gul stripe til Hovden, og at arbeidet som har vore gjort har vore særs godt og blitt bygga billeg. I ny NTP har Rv 9 og blitt trekt fram. Ein stopp nå vil bety meir klattvis utbygging og mulig nedbygging av viktig kompetanse i Statens vegvesen. Det er viktig at statsråden er tydeleg på at arbeidet kan fortsette som planlagt slik at anbud kan korne ut i høst/vinter og framdriften kan fortsette.