I denne proposisjonen legg Regjeringa fram forslag
om endringar i løyvingar i forsvarsbudsjettet for 2009. Siktemålet
er å skape best mogleg samsvar mellom løyvingane under dei einskilde kapitla
og postane, og endringar i budsjettføresetnadene som har skjedd
sidan forsvarsbudsjettet for 2009 vart utarbeidd.
Omgrupperingsproposisjonen tek mellom anna føre
seg styrking av prioritert verksemd på budsjetta til Forsvarets
logistikkorganisasjon, norske styrkar i utlandet, fellesinstitusjonar
under Forsvarsstaben, og kulturelle og allmennyttige føremål, for
å dekkje høgare kostnader enn budsjettert. I tillegg vert lønnskompensasjonen
for 2009 og meirinntekter for 2009 foreslått formalisert. Totalt
utgjer omgrupperinga ein auke i løyvinga til Forsvarsdepartementet
på 264,415 mill. kroner.
Grunnlaget for omgrupperinga er vedtatt budsjett
for 2009, midlar ført over frå 2008 og dei seinare endringane gjort
av Stortinget. Det er òg teke omsyn til forsvarssektoren sin del
av lønnskompensasjonen for 2009 (135,397 mill. kroner).
Tabell 1.1 Faktisk løyving på utgiftssida,
før omgruppering 2009, kjem fram slik (i 1 000 kroner)
Vedteke budsjett 2009 | 33 458 296 |
Innst. S. nr.
139 (2008–2009), jf. St.prp. nr. 37 (2008–2009) – Om
endringer i
statsbudsjettet 2009 med tiltak for arbeid | 88 000 |
Innst. S. nr.
350 (2008–2009), jf. St.prp. nr. 88 (2008–2009) – Lønnsregulering
for
arbeidstakere i det statlige tariffområdet 2009 mv. | 135 397 |
Innst. S. nr.
355 (2008–2009), jf. St.prp. nr. 67 (2008–2009) – Tilleggsbevilgninger
og
omprioriteringer i statsbudsjettet 2009 (RNB) | 630 400 |
Innst. S. nr. 366 (2008–2009),
jf. St.prp. nr. 89 (2008–2009) Om endringar
i "Regulativ
for tillegg o.a. til utskrivne vernepliktige mannskap" ("soldatproposisjonen")
| 15 919 |
= Faktisk løyving før omgruppering
| 34 328 012 |
+ Midlar ført over frå 2008
| 739 134 |
= Disponible midlar i 2009
før omgrupperinga | 35 067 146 |
Tabell 1.2 Disponibel løyving på inntektssida, før
omgruppering 2009, kjem fram slik (i 1 000 kroner)
Vedteke budsjett 2009 | 787 802 |
Innst. S. nr. 355 (2008-2009),
jf. St.prp. nr. 67 (2008-2009) – Tilleggsbevilgninger
og omprioriteringer i statsbudsjettet 2009 (RNB) | 111 000 |
= Løyvingar før omgruppering
| 898 802 |
I høve til vedteke budsjett for 2009, med dei seinare
endringane gjort av Stortinget, er det ei meirinntekt på 264,415
mill. kroner som er foreslått lagt til utgiftssida. Det vert i denne
samanhengen vist til Forsvarsdepartementet sin meirinntektsfullmakt
i St.prp. nr. 1 (2008–2009) under vedtak II.
Tabell 1.3 Løyvingsbehov på utgiftssida
i samband med omgrupperingsproposisjonen vert slik (i 1 000 kroner)
Auke på utgiftssida grunna
meirinntekter førde til utgiftssida | 264 415 |
= Sum behov ved omgrupperinga
| 264 415 |
+ Løyvingar før omgrupperinga
| 34 328 012 |
= Samla løyvingar etter omgrupperinga
| 34 592 427 |
+ Midlar ført over frå 2008
| 739 134 |
= Samla disponible midlar i
2009 etter omgrupperinga | 35 331 561 |
Tabell 1.4 Løyvingsbehovet på inntektssida
i samband med omgrupperingsproposisjonen vert slik (i 1000 kroner)
Løyvingar før omgrupperinga
| 898 802 |
Meirinntekter | 264 415 |
= Løyvingar etter omgrupperinga
| 1 163 217 |
Regjeringa foreslår på denne bakgrunn, under forslag
til vedtak, at både utgifts- og inntektsramma vert auka med 264,415
mill. kroner.
Tala i tabellane nedanfor syner netto endringar på
dei ulike postane. Utgiftstabellen er inkludert fordeling av meirinntekter.
Tabell 1.5 Postfordeling utgifter (i 1 000
kroner)
Post | Føremål | Mindreutg.-/
Meirutg.+ |
1 | Driftsutgifter
| 433 809 |
21 | Spesielle driftsutgifter
| -408 |
24 | Driftsresultat
| -100 000 |
43 | Til disposisjon
for Forsvarsdepartementet | -11 640 |
44 | Fellesfinansierte
byggje- og anleggsarbeid, nasjonalfinansiert del | 13 600 |
45 | Store nyskaffingar
| 144 689 |
47 | Nybygg og nyanlegg
| -104 965 |
48 | Fellesfinansierte
byggje- og anleggsarbeid, fellesfinansiert del | -118 000 |
50 | Overføringar Statens
Pensjonskasse | -8 000 |
60 | Tilskott til kommunar
| -500 |
73 | Forsking og utvikling
| -1 300 |
75 | Fellesfinansierte
byggje- og anleggsarbeid, Noregs tilskott til
NATOs investeringsprogram for tryggleik | 6 630 |
78 | Noregs tilskott til NATOs driftsbudsjett
| 10 500 |
Sum | 264 415 |
Tabell 1.6 Postfordeling inntekter (i 1 000
kroner)
Post | Formål | Mindreinnt. -/
Meirinnt.+ |
1 | Driftsinntekter
| 320 126 |
45 | Store nyskaffingar
| 48 689 |
48 | Fellesfinansierte byggje- og
anleggsarbeid, fellesfinansiert del | -104 400 |
Sum | 264 415 |
Den totale utgiftsramma er auka med 264,415 mill.
kroner. Driftsbudsjettet er totalt foreslått auka med 322,461 mill.
kroner, medan investeringsbudsjettet er foreslått redusert med 58,046 mill.
kroner.
Nedanfor er dei viktigaste endringane forklart
på post- og kapittelnivå.
Post 1 er foreslått auka med totalt 433,809
mill. kroner.
Forsvarssjefen har tilrådd ei justering på dei ulike
kapitla for å omdisponere til meir prioritert verksemd på budsjetta
til Forsvarets logistikkorganisasjon, norske styrkar i utlandet,
fellesinstitusjonar under Forsvarsstaben, og kulturelle og allmennyttige
føremål. Ei slik justering er viktig for at forsvarssjefen skal
kunne nå dei måla som er sett for Forsvaret si verksemd i 2009.
Post 1 er foreslått tilført 320,126 mill. kroner
i meirinntekter frå dei ulike inntektskapitla på driftssida. Posten
er vidare foreslått netto tilført 87,835 mill. kroner frå post 47
Store nyskaffingar grunna omdisponering til naudsynt styrking for
å gjennomføre dei igangsette materiellinvesteringsprosjekta. Grunna
lågare utgifter enn budsjettert er det vidare foreslått å omdisponere 11,640
mill. kroner frå post 43 Til disposisjon for Forsvarsdepartementet,
8 mill. kroner frå post 50 Overføringar til Statens Pensjonskasse og
4 mill. kroner frå post 45 Store nyskaffingar. I tillegg er posten
foreslått auka med 1,3 mill. kroner ved å omdisponere frå post 73
Forsking og utvikling, 0,5 mill. kroner frå post 60 Tilskott til
kommunar og 0,408 mill. kroner frå post 21 Spesielle driftsutgifter.
Post 1 er foreslått auka med 1,3 mill. kroner.
Auken gjeld omdisponeringar grunna meirbehov knytt
til prosjekt for oppfølging av veteranar frå Gulfkrigen, og meirbehov
knytt til gjennomføring av handlingsplan for haldningar, etikk og leiing
i forsvarssektoren.
Post 1 er foreslått auka med 7,066 mill. kroner.
Auken gjeld omdisponeringar grunna meirbehov i
samband med diverse miljøoppryddingsprosjekt knytt til skyte- og
øvingsfelt, samt miljøopprydding i Marvika utanfor Kristiansand
i 2009 (5 mill. kroner). Det er viktig at forsvarssektoren følgjer
opp sitt miljøansvar og ryddar etter seg der verksemd er lagd ned.
Posten er vidare tilført 2,6 mill. kroner grunna høgare kostnad
knytt til stillingar i utlandet. Posten er òg foreslått tilførd 0,5
mill. kroner i meirinntekter. Meirinntekta har ei tilsvarande ikkje-budsjettert
utgiftsside, jf. omtale under kap. 4719 post 1. I tillegg er det foreslått
tekniske justeringar som samla gjev ein reduksjon på 1 mill. kroner.
Post 1 er foreslått auka med 12,526 mill. kroner.
Det vert lågare kostnader knytt til kurs- og
reiseverksemd enn venta på budsjetteringstidspunktet (15 mill. kroner).
I tillegg er det foreslått tekniske justeringar som samla gjev ein reduksjon
på 0,1 mill. kroner.
Kapitlet vert vidare foreslått auka i samband med
overføring av budsjettansvar for eigedom, bygg og anlegg knytt til
Alliert treningssenter frå kap. 1740 Forsvarets logistikkorganisasjon
(10,6 mill. kroner). Posten er òg foreslått tilført 17 mill. kroner
grunna meirinntekter. Meirinntekta har ei tilsvarande ikkje-budsjettert
utgiftsside, jf. omtale under kap. 4720 post 1.
Post 1 er foreslått auka med 16,058 mill. kroner.
Auken er mellom anna knytt til vakt- og sikringstiltak
på Eggemoen (5,9 mill. kroner), kompetansebygging knytt til fagområda
Austen og Kina ved Forsvarets høgskole (2 mill. kroner), samt implementering
av ny hovudbok i Forsvarets rekneskapssystem SAP (3 mill. kroner). Posten
er òg foreslått tilførd 4 mill. kroner grunna meirinntekter. Meirinntekta
har ei tilsvarande ikkje-budsjettert utgiftsside, jf. omtale under kap.
4725 post 1. I tillegg er det foreslått tekniske justeringar som
samla gjev ein auke på 1,2 mill. kroner.
Post 1 er foreslått redusert med 49,850 mill.
kroner.
Hæren har lågare kostnader knytt til kurs- og
reiseverksemd enn venta på budsjetteringstidspunktet (30 mill. kroner).
Vidare gjeld reduksjonen omdisponering av identifisert mindrebehov
på posten (20 mill. kroner). Midlane er foreslått omdisponert til
høgare prioritert verksemd, mellom anna på budsjetta til Forsvarets
logistikkorganisasjon og norske styrkar i utlandet. I tillegg er
det foreslått tekniske justeringar som samla gjev ein reduksjon
på 1,9 mill. kroner.
Posten er òg foreslått tilførd 2 mill. kroner
grunna meirinntekter. Meirinntekta har ei tilsvarande ikkje-budsjettert
utgiftsside, jf. omtale under kap. 4731 post 1.
Post 1 er foreslått redusert med netto 20,028 mill.
kroner.
Sjøforsvaret har lågare kostnader knytt til
kurs- og reiseverksemd enn venta på budsjetteringstidspunktet (24,2
mill. kroner). Vidare gjeld reduksjonen omdisponering av identifisert mindrebehov
på posten (15 mill. kroner). Midlane er foreslått omdisponert til
meir prioritert verksemd mellom anna på budsjetta til Forsvarets
logistikkorganisasjon og norske styrkar i utlandet. I tillegg er
det foreslått tekniske justeringar som samla gjev ein reduksjon
på 2,8 mill. kroner.
Kapitlet vert vidare foreslått auka med 4,6
mill. kroner grunna utviding av rekruttskulen ved KNM Harald Haarfagre.
Vidare er kapitlet foreslått auka ved omdisponeringar som følgje
av at Sjøforsvaret utfører grunnleggjande rekrutt- og befalsskuleutdanning
på vegner av Luftforsvaret (15,5 mill. kroner). Posten er òg foreslått
tilført 1,9 mill. kroner grunna meirinntekter. Meirinntekta har
ei tilsvarande ikkje-budsjettert utgiftsside, jf. omtale under kap.
4732 post 1.
Post 1 er foreslått redusert med netto 27,139 mill.
kroner.
Luftforsvaret har lågare kostnader knytt til
kurs- og reiseverksemd enn venta på budsjetteringstidspunktet (24
mill. kroner). Vidare gjeld reduksjonen omdisponering av identifisert mindrebehov
på posten (15 mill. kroner). Midlane er foreslått omdisponert til
meir prioritert verksemd, mellom anna på budsjetta til Forsvarets
logistikkorganisasjon og norske styrkar i utlandet. Vidare er kapitlet
foreslått redusert ved omdisponeringar som følgje av at Sjøforsvaret utfører
grunnleggjande rekrutt- og befalsskuleutdanning på vegner av Luftforsvaret
(15,5 mill. kroner). Posten er vidare redusert med 5,7 mill. kroner
som følgje av at Heimevernet utfører utdanning av utskrive befal
på vegner av Luftforsvaret. I tillegg er det foreslått tekniske justeringar
som samla gjev ein reduksjon på 4,3 mill. kroner.
Posten er òg foreslått tilført 37,4 mill. kroner grunna
meirinntekter. Meirinntekta har ei tilsvarande ikkje-budsjettert
utgiftsside, jf. omtale under kap. 4733 post 1.
Post 1 er foreslått redusert med netto 0,149
mill. kroner.
Heimevernet har mellom anna lågare kostnader knytt
til kurs- og reiseverksemd enn venta på budsjetteringstidspunktet
(10 mill. kroner). Midlane er foreslått omdisponert til meir prioritert verksemd,
mellom anna på budsjetta til Forsvarets logistikkorganisasjon og
norske styrkar i utlandet.
Post 1 er òg foreslått tilført 5,7 mill. kroner
som følgje av at Heimevernet utdannar befal på vegner av Luftforsvaret.
Posten er vidare tilført 2 mill. kroner grunna overføring av budsjettansvar
for Kongsvinger festning. I tillegg er det foreslått tekniske justeringar
som samla gjev ein auke på 2,2 mill. kroner.
Post 1 er foreslått auka med netto 334,804 mill. kroner.
Posten er foreslått tilført 227,4 mill. kroner
grunna meirinntekter. Dette er ei endring av teknisk karakter og
skuldast i all hovudsak sal av drivstoff og tenester til allierte
og samarbeidsnasjonar på øving i Noreg. Meirinntekta har ei tilsvarande ikkje-budsjettert
utgiftsside i 2009, jf. omtale under kap. 4740 post 1.
Annan auke gjeld i all hovudsak omdisponeringar
frå andre delar av forsvarsbudsjettet for å dekkje meirbehov knytt
til den løyvingsfinansierte delen av kapitlet (114 mill. kroner).
Grunnen er eit ynskje om å styrkje Forsvarets logistikkorganisasjon
si evne til å støtte styrkeprodusentane og Forsvaret elles med tilgjengeleg
logistikk, materiell og forsyningar til operasjonar heime og ute.
Meirbehovet skuldast òg høgare kostnader knytt til årsverk samt
eigedom, bygg og anlegg enn venta på budsjetteringstidspunktet,
grunna mellom anna forseinka utrangering av eigedom, bygg og anlegg.
I tillegg er det foreslått tekniske justeringar som samla gjev ein
auke på 4 mill. kroner.
Posten er i tillegg redusert mellom anna med 10,6
mill. kroner grunna overføring av budsjettansvar for eigedom, bygg
og anlegg knytt til Alliert treningssenter til kap. 1720 Felles
leiing- og kommandoapparat.
Post 1 er foreslått netto auka med 86,052 mill. kroner.
Auken er knytt til naudsynt styrking av drifta
for å kunne gjennomføre planlagde materiellinvesteringar i 2009
(95 mill. kroner). Over tid har Forsvarsdepartementet søkt å auke
omsettingsevna i investeringsporteføljen, og situasjonen er no at omsetjing
av løyvinga på kap. 1760 post 45 har høg grad av realisme. Forsvarets
logistikkorganisasjon har behov for auka tildeling av gjennomføringsmidlar
for å oppretthalde den høge omsetjingsevna for inneverande år. Mangel
på gjennomføringsmidlar kan få konsekvensar for framdrifta i store
delar av prosjektporteføljen ved at mange nye prosjekt vil måtte
få utsett oppstart og den planlagde styrkinga av investeringsverksemda
bli bremsa tilsvarande. Posten er òg foreslått tilført 1,8 mill.
kroner grunna meirinntekter. Meirinntekta har ei tilsvarande ikkje-budsjettert
utgiftsside, jf. omtale under kap. 4760 post 1.
Posten vert vidare foreslått redusert med 10,7 mill.
kroner knytt til mindrebehov i samband med analyse, plan og utgreiingsarbeid
i 2009.
Post 1 er foreslått redusert med 14,955 mill.
kroner.
Kystvakta har lågare kostnader knytt til kurs-
og reiseverksemd (2,9 mill. kroner) og lågare drivstoffutgifter
enn venta på budsjetteringstidspunktet (11 mill. kroner). I tillegg
er det foreslått tekniske justeringar som samla gjev ein reduksjon
på 1,1 mill. kroner.
Post 1 er foreslått auka med 68,338 mill. kroner.
Auken gjeld mellom anna omdisponering frå kap.
1792 post 45 knytt til lønn i samband med utrusting og klargjering
av fregatten Fridtjof Nansen i samband med deployering til antipiratoperasjonar
utanfor Somalia (European Union Naval Force Operation ATALANTA –
EU NAVFOR ATALANTA) (4 mill. kroner). Posten er vidare foreslått
tilført 6 mill. kroner til å dekkje førebuingskostnader knytt til
innsetting av ein norsk mentoreringseining for afghansk politi i
Faryab-provinsen i Afghanistan (PMT) frå sommaren 2010. Posten er
òg foreslått tilført 23,6 mill. kroner grunna meirinntekter. Meirinntekta
har ei tilsvarande ikkje-budsjettert utgiftsside, jf. omtale under
kap. 4792 post 1. Posten er vidare foreslått auka med 0,240 mill.
kroner for å dekkje kostnader i samband med deltaking av eit fotballlag
frå Afghanistan på Norway Cup i 2009. Anna auke gjeld omdisponering
frå andre kapittel for å dekkje meirutgifter ved Noregs bidrag i
Afghanistan i 2009 (34,5 mill. kroner). Dette gjeld mellom anna
auka kostnader knytt til reservedelar som følgje av meir bruk av
pansra køyretøy, eit større ansvarsområde i Afghanistan og at kostnadene
til interntransport har auka meir enn venta på budsjetteringstidspunktet.
Post 1 er foreslått auka med 19,786 mill. kroner.
Auken gjeld mellom anna meirbehov i samband med
gjennomføring av Forsvarskonserten 2009 (5,3 mill. kroner). Posten
er òg foreslått tilførd 4,5 mill. kroner grunna meirinntekter. Meirinntekta
har ei tilsvarande ikkje-budsjettert utgiftsside, jf. omtale under
kap. 4795 post 1. Annan auke gjeld omdisponering frå andre delar
av forsvarsbudsjettet for å dekkje meirbehov i samband med etablering
av Forsvarets avdeling for kultur og tradisjon (FAKT) .
Kapitel 1735 Etterretningstenesta, post 21 vert foreslått
redusert med 0,408 mill. kroner.
Det er foreslått at Forsvarsbyggs driftsresultat vert
endra med 100 mill. kroner, frå -940 til -1 040 mill. kroner, for
naudsynt styrking av kap. 1760 Nyskaffing av materiell og nye bygg
og anlegg, post 45 Store nyskaffingar.
Løyvinga representerer ein reserve for Forsvarsdepartementet.
I 2009 er løyvinga nytta til å dekkje ymse meirbehov, mellom anna
innsetting av ei norsk mentoreringseining for afghansk politi i
Faryab-provinsen i Afghanistan (PMT), økonomisk støtte til Glomdalsmuseet
for ferdigstilling av arbeidet med å gjenreise Melgården østseter,
samt å dekkje kostnader i samband med deltaking av eit fotballag
frå Afghanistan på Norway Cup i 2009. Posten er foreslått redusert med
11,640 mill. kroner for å dekkje ymse meirbehov på andre kapittel
og postar.
Posten er foreslått auka med 13,6 mill. kroner
for å starte opp IKT-prosjektet ved Joint Warfare Centre (JWC) i
Stavanger.
Post 45 er foreslått auka med netto 144,689
mill. kroner.
Post 45 er foreslått auka med 148,689 mill.
kroner.
Auken er knytt til naudsynt styrking av materiellinvesteringsbudsjettet
i 2009 (100 mill. kroner). Arbeidet med å oppretthalde den høge omsetjingsevna
i investeringsporteføljen inneber eit behov for å styrkje kap. 1760
post 45. Dersom styrkinga ikkje vert gjennomført, vil ei rekkje betalingsmilepælar
flyttast inn i 2010. Prognosane tilseier at prosjektporteføljen
for 2010 vil bli fullt ut forplikta. Forsvarsdepartementet meiner
difor det er mest føremålstenleg, med omsyn til styring av porteføljen,
å møte betalingsmilepælane for 2009 ved å styrkje kap. 1760 post
45 som foreslått. Posten er òg foreslått tilførd 48,7 mill. kroner
grunna meirinntekter. Meirinntekta har ei tilsvarande ikkje-budsjettert utgiftsside,
jf. omtale under kap. 4760 post 45.
Post 45 er foreslått redusert med 4 mill. kroner.
Reduksjonen gjeld lønnsutgifter knytt til utrusting
og klargjering av fregatten Fridtjof Nansen i samband med deployering
til antipiratoperasjonar utanfor Afrikas horn (EU NAVFOR ATALANTA).
Midlane vert omdisponerte til kap. 1792 post 1. Grunnen er at Forsvaret
har utført arbeidet ved eigne verkstedar og midlane må såleis budsjetterast
på post 1.
Post 47 er foreslått redusert med netto 104,965 mill.
kroner.
Post 47 er foreslått redusert med 114,987 mill. kroner.
Nasjonale investeringar i eigedom, bygg og anlegg
(EBA) er foreslått redusert med 95 mill. kroner for naudsynt styrking
av gjennomføringskostnader knytt til materiellinvesteringar under kap.
1760 Nyskaffingar av materiell og nybygg og nyanlegg, post 1 Driftsutgifter.
Posten er vidare foreslått redusert med 10 mill. kroner grunna omdisponering
til kap. 1792 post 47 knytt til prosjekt for oppgradering av veg
frå Camp Meymaneh til Meymaneh by i Afghanistan. I tillegg er posten
foreslått redusert med 5 mill. kroner for å styrkje kap. 1760 Nyskaffingar
av materiell og nybygg og nyanlegg, post 75 Fellesfinansierte byggje-
og anleggsarbeid, Noregs tilskott til NATOs investeringsprogram
for sikkerheit. I tillegg er det foreslått tekniske justeringar
som samla gjev ein reduksjon på 4,9 mill. kroner.
Post 47 er foreslått auka med 10,022 mill. kroner.
Auken gjeld omdisponering frå kap. 1710 Forsvarsbygg,
post 47 Nybygg og nyanlegg knytt til prosjekt for oppgradering av
veg frå Camp Meymaneh til Meymaneh by i Afghanistan. Oppgradering
av vegen er naudsynt grunna den gjennomførde auken i Camp Meymanehs
kapasitet og den pågåande utvidinga av Afghan National Army (ANA)-leiren.
Det vert dermed lagt til rette for at den operative tryggleiken
for dei norske styrkane blir forbetra.
Posten er foreslått redusert med 118 mill. kroner.
Reduksjonen har samanheng med manglande økonomisk
godkjenning av NATO-prosjekt i Noreg, noko som igjen skuldast den
vanskelege finansielle situasjonen i NATO.
Post 50 vert foreslått redusert med 8 mill.
kroner grunna eit mindrebehov på posten i 2009.
Midlane er foreslått omdisponerte til post 1
for å dekkje ymse meirbehov.
Post 60 vert foreslått redusert med 0,5 mill.
kroner grunna eit mindrebehov på posten i 2009.
Midlane er foreslått omdisponerte til post 1
for å dekkje ymse meirbehov.
Post 73 er foreslått redusert med 1,3 mill.
kroner grunna mindrebehov på posten i 2009.
Midlane er foreslått omdisponerte til kap. 1700 post
1.
Post 75 vert foreslått auka med 6,630 mill.
kroner.
Auken er mellom anna knytt til høgare valutakurs
enn venta på budsjetteringstidspunktet.
Post 78 vert foreslått auka med 10,5 mill. kroner.
Auken er mellom anna knytt til høgare valutakurs
enn venta på budsjetteringstidspunktet, samt endra periodisering
av pensjonsforpliktingar.
Det er registrert netto meirinntekter på 264,415 mill.
kroner.
Post 1 driftsinntekter vert foreslått auka med 320,126
mill. kroner.
Post 1 vert foreslått auka med 0,531 mill. kroner.
Auken gjeld sal av køyretøy (0,1 mill kroner),
og refusjon frå straumleverandørar og andre tenesteleverandørar
knytt til utanlandsstillingar (0,4 mill. kroner).
Post 1 vert foreslått auka med 16,957 mill.
kroner.
Auken er ei endring av teknisk karakter og skuldast
refusjon av utgifter i samband med at allierte og samarbeidsnasjonar
har vore på øving i Noreg. Meirinntekta har ei tilsvarande ikkje-budsjettert
utgiftsside, jf. omtale under kap. 1720 post 1.
Post 1 vert foreslått auka med 4 mill. kroner.
Dette er ein endring av teknisk karakter og
skuldast refusjon av utgifter i samband med at Forsvarets sanitet
yter tenester til det sivile samfunn. Meirinntekta har ei tilsvarande
ikkje-budsjettert utgiftsside, jf. omtale under kap. 1725 post 1.
Post 1 vert foreslått auka med 2 mill. kroner.
Dette er ei endring av teknisk karakter og er knytt
til ikkje-budsjetterte inntekter i samband med drifta av fritidsmesser.
Meirinntekta har ei tilsvarande ikkje-budsjettert utgiftsside.
Post 1 vert foreslått auka med 1,927 mill. kroner.
Dette er ei endring av teknisk karakter og er knytt
til ikkje-budsjetterte inntekter i samband med drifta av fritidsmesser.
Meirinntekta har ei tilsvarande ikkje-budsjettert utgiftsside, jf. omtale
under kap. 1732 post 1.
Post 1 vert foreslått auka med 37,440 mill.
kroner.
Dette er ei endring av teknisk karakter og skuldast
i all hovudsak høgare inntekter knytt til ein samhandlingsavtale
med Avinor AS knytt til drift av flyplassar (20 mill. kroner), tilbakebetaling
av unytta utdanningsmidlar knytt til Foreign Military Sales i USA
(15,5 mill. kroner), og refusjonar frå allierte og samarbeidsnasjonar
i samband med øvinga Cold Response i 2009 (1,9 mill. kroner). Meirinntekta
har ei tilsvarande ikkje-budsjettert utgiftsside, jf. omtale under kap.
1733 post 1.
Post 1 vert foreslått auka med 227,366 mill.
kroner.
Meirinntektene er knytt til sal av drivstoff (122 mill.
kroner) og tenester til allierte og samarbeidsnasjonar på øving
i Noreg (37,4 mill. kroner). I tillegg er det foreslått at posten
vert auka med 68 mill. kroner knytt til avhending av materiell,
mellom anna køyretøy, personleg utrusting, klede/uniformer og verktøy
m.m., gjennom Forsvarets avhendingsprosjekt. Meirinntektene er av
teknisk karakter og har i hovudsak ei tilsvarande ikkje-budsjettert
utgiftsside, jf. omtale under kap. 1740 post 1.
Post 1 vert foreslått auka med 1,807 mill. kroner.
Dette er ei endring av teknisk karakter og er
i all hovudsak knytt til tilbakebetaling av utlegg i samband med
helikopterprosjektet. Meirinntekta har ei tilsvarande ikkje-budsjettert
utgiftsside, jf. omtale under kap. 1760 post 1.
Post 1 vert foreslått auka med 23,598 mill.
kroner.
Dette er ei endring av teknisk karakter og er knytt
til inntekter/refusjonar som følgje av forvaltningsavtalar mellom
andre samarbeidsnasjonar og FN.
Post 1 vert foreslått auka med 4,5 mill. kroner.
Dette er ei endring av teknisk karakter og er knytt
til høgare inntekter enn venta på budsjetteringstidspunktet knytt
til arrangement i regi av Forsvarets musikk og andre driftsinntekter
knytt til festningsverk og museum.
Meirinntekta har ei tilsvarande ikkje-budsjettert utgiftsside,
jf. omtale under kap. 1795 post 1.
Post 45 vert foreslått auka med 48,689 mill.
kroner.
Auken er knytt til meirinntekter grunna konvensjonalbøter
(3,7 mill. kroner) og refusjonar etter tidlegare utlegg for samarbeidsprosjekt
med andre land (45 mill. kroner).
Post 48 vert foreslått redusert med 104,4 mill. kroner.
Reduksjonen er knytt til manglande økonomisk godkjenning
av NATO-prosjekt i Noreg, noko som igjen skuldast omprioritering
av fellesressursar i NATO. Reduksjonen i inntektene på kap. 4760
post 48 er 13,6 mill. kroner lågare enn dei reduserte utgiftene
på kap. 1760 post 48. Det vert foreslått at 13,6 mill. kroner vert
nytta på kap. 1760 post 44 for å kunne starte opp IKT-prosjektet
ved Joint Warfare Centre (JWC) i Stavanger.