I meldinga blir det peikt på at det bustadsosiale arbeidet
har høg nasjonal prioritet. Tidlegare program og satsingar har samla
den statlege og kommunale innsatsen på området. «Prosjekt bostedsløse»
(2001–2004) og den nasjonale strategien «På vei til egen bolig»
(2005–2007) er døme på innsats der det blei funne løysingar på tvers
av sektorar og forvaltningsnivå.
Innsatsen overfor vanskelegstilte på bustadmarknaden
er stor, både i kommunane, staten og den frivillige sektoren. Gjennom
dei siste ti åra er den bustadsosiale kompetansen styrkt, og det er
etablert mange ulike butilbod til vanskelegstilte. Samstundes står
vi overfor utfordringar som må møtast. Kartlegginga av bustadlause
i 2008 viste at 6 100 personar ikkje hadde ein fast stad å bu. Bustadutvalet
(NOU 2011:15) fann at rundt 150 000 personar kan karakteriserast
som vanskelegstilte på bustadmarknaden, og kommunane melder om auka
etterspurnad etter bustader og tenester.
Regjeringa vil leggje fram ein brei og langsiktig strategi
for det bustadsosiale arbeidet. Regjeringa tek sikte på at strategien
skal gjelde frå 2014. Ansvaret for å gje folk hjelp til å skaffe
bustad og å yte ulike tenester sorterer under fleire sektorar, både
i den kommunale og den statlege forvaltninga. Samarbeid på tvers
er ei utfordring på alle nivå.
Strategien skal samle og målrette den offentlege innsatsen.
Han skal synleggjere ansvarsforholda i det bustadsosiale arbeidet
generelt og innanfor einskilde innsatsområde spesielt. Strategien
skal òg vise kva verkemiddel som kan brukast for å hjelpe dei som
slit på bustadmarknaden. I strategien vil regjeringa leggje vekt
på å førebyggje bustadproblem.
Det er Arbeidsdepartementet, Barne-, likestillings-
og inkluderingsdepartementet, Helse- og omsorgsdepartementet, Justis-
og beredskapsdepartementet og Kommunal- og regionaldepartementet
som saman er ansvarlege for strategien. KS er blant dei instansane
som vil bli inviterte med i både utviklinga og gjennomføringa av strategien.
I tillegg vil representantar for frivillig sektor og brukarorganisasjonar
bli inviterte med i arbeidet.
Husbanken skal koordinere arbeidet på direktoratnivå.
Dei direktorata som må bidra i arbeidet er Arbeids- og velferdsdirektoratet,
Helsedirektoratet, Barne-, ungdoms- og familiedirektoratet, Integrerings-
og mangfaldsdirektoratet og Den sentrale forvaltninga for kriminalomsorga.
Andre departement og direktorat vil bli trekte med ved behov.
Det går fram av meldinga at heimen og nærmiljøet
betyr mykje for oppveksten til barn og unge. Tilfredsstillande buforhold
er ein føresetnad for gode levekår for barnefamiliar.
Forsking viser at familiar i låginntektsgrupper flyttar
oftare enn andre, og at dei oftare bur trongt. Ein del barn veks
opp i kommunale utleigebustader i belasta bumiljø. Dei fleste av
familiane kjem seg likevel raskt over i tilfredsstillande buforhold,
anten på eiga hand eller med hjelp frå det offentlege.
Ei kartlegging av bustadlause personar fra 2008 viste
at om lag 200 personar hadde dagleg omsorg for mindreårige barn.
Ingen av desse familiane var utan ein stad å opphalde seg komande natt.
Den største gruppa var hjå slekt og vener, eller i krisesenter.
Rundt halvparten av barnefamiliane hadde vore utan ein fast stad
å bu i mellom tre veker og seks månader, og ein av fire hadde vore
i ein slik situasjon i meir enn seks månader.
Lov om sosiale tjenester i arbeids- og velferdsforvaltningen
skal medverke til at utsette barn og unge og familiane deira får
eit heilskapleg og samordna tenestetilbod. Barn skal ha trygge oppvekstvilkår
og høve til å delta i vanlege aktivitetar sjølv om foreldra har
dårleg økonomi.
Bustadutvalet (NOU 2011:15) meinte at det bør stillast
krav til at kommunane har beredskapsplanar i tilfelle der barnefamiliar
står i fare for å bli eller har blitt bustadlause. Høyringssvara
til NOU 2011:15 viste at fleire kommunar allereie har slike planar.
Regjeringa meiner at kommunane har eit betydeleg ansvar i tilfelle
der barnefamiliar ikkje har ein fast stad å bu.
Når barn og unge skal få eit mellombels butilbod,
gjeld det strengare krav til kvalitet på butilbodet.
Barn skal ha ein trygg oppvekst uavhengig av om
familien eig eller leiger bustaden sin. For somme barnefamiliar
kan det å leige bustad gje mest tryggleik og stabilitet. Gjennom
Husbanken sin dialog med kommunane, og særleg i tildelinga av tilskot
til utleigebustader, stimulerer regjeringa til fleire kommunalt
disponerte bustader i bumiljø som er eigna for barnefamiliar. Staten
og kommunen må saman motverke konsentrasjon av sosiale problem og
opphoping av negative levekår i einskilde område.
I fleire kommunar er befolkningstilveksten stor, noko
som skaper press på bustadmarknaden. Det er viktig å sjå på kva
utviklinga på bustadmarknaden får av konsekvensar for familiar med låge
inntekter, særleg store barnefamiliar.
Det er behov for å utvikle modellar som skal førebyggje
og motverke dårlege buforhold blant familiar med låge inntekter
i pressområde. Som eit ledd i dette modellarbeidet skal Husbanken inngå
eller vidareføre samarbeid med kommunar som allereie arbeider godt
med å betre buforholda til låginntektsfamiliar. Husbanken skal trekkje
med seg andre statlege verksemder ved behov, og gjere modellane
og erfaringane med dei tilgjengelege for andre kommunar.
Husbanken skal særleg løfte fram kommunale strategiar
for å hjelpe barnefamiliar frå leige til eige. Det ser ut til å
vere eit stort potensial for flyktningefamiliar til å eige bustaden
sin. Erfaringar viser at ved hjelp av dei statlege verkemidla, som
bustøtte, tilskot til etablering og startlån, kan mange barnefamiliar
kjøpe bustad. Dette vil samstundes frigjere utleigebustader til
andre meir vanskelegstilte.
førebyggje og motverke
dårlege buforhold blant låginntektsfamiliar i pressområde
fremje kommunalt disponerte utleigebustader
i bumiljø som er tilpassa behova til barnefamiliar
gjennom Husbanken og kommunane hjelpe barnefamiliar
frå leige til eige gjennom startlån, tilskot til etablering og bustøtte
evaluere varslingsregelen i husleigelova
og greie ut om det kan vere gagnleg å innføre ei plikt for utleigaren
til å varsle Nav-kontoret når barnefamiliar står i fare for å bli
kasta ut av bustaden
Det blir i meldinga vist til at det er store
individuelle forskjellar mellom kva utfordringar og behov unge med
bustadproblem har. Det er behov for ein målretta innsats mot dei
mest utsette unge, det vil seie dei som står i fare for å miste bustaden
sin eller som ikkje har ein fast stad å bu. I tillegg er det naudsynt
at bustad er ein del av innsatsen på andre politikkområde som gjeld unge,
til dømes innsatsen overfor unge som står utanfor utdanning og arbeid.
Det å bu dårleg, eller ikkje ha ein eigen fast
stad å bu, kan føre med seg eller forsterke andre problem som utsette
unge har.
Dei nasjonale kartleggingane viser at talet
på bustadlause under 24 år har auka jamt sidan 1996. Dette er ei
utvikling ein òg ser i dei andre nordiske landa. I 2008 var 24 pst.
av alle bustadlause i Noreg mellom 18 og 24 år. Over halvparten
var avhengige av rusmiddel, og ein tredjedel hadde ei synleg eller
kjend psykisk liding. Ein relativt stor del hadde vore utan bustad
i meir enn eit halvt år.
Ei kartlegging av døgnovernattingsstader og
andre former for kommunalt disponerte bustader viser at over halvparten
av kommunane i undersøkinga hadde gjeve unge mellom 18 og 24 år
eit mellombels butilbod i 2010.
Husbanken samarbeider med Arbeids- og velferdsdirektoratet
og Helsedirektoratet om eit idéhefte om bu- og oppfølgingstilbod
til utsette unge.
Regjeringa har årleg styrkt fleire av dei økonomiske
verkemidla til Husbanken, deriblant tilskot til utleigebustader.
Erfaring og forsking fortel at det er naudsynt
å satse meir systematisk på fleire typar butilbod til utsette unge.
Sosialt entreprenørskap er entreprenørskap som blir
nytta på sosiale eller samfunnsmessige utfordringar og problem,
og inneber at entreprenørane skal finne nye løysingar som kan skape
varige forbetringar på viktige område i samfunnet. Ved å samarbeide
med ulike miljø for å finne nye måtar å bruke verkemidla på, kan ein
få fram fleire eigna butilbod til unge. I tillegg til å trekkje
med sosiale entreprenørar, er det relevant for Husbanken å søkje
råd frå byggjebransjen, bustadsosiale fagmiljø, andre aktørar innan frivillig
sektor og kommersielle aktørar.
Fleire av dei kommunane som Husbanken har langsiktig
og forpliktande samarbeid med, har valt å satse på å førebyggje
og avhjelpe bustadproblem blant unge. Det blir i meldinga lista fleire
gode døme på strategiar og tiltak retta mot unge som er utsette
på bustadmarknaden.
Husbanken skal støtte opp om kommunar som ynskjer
å intensivere innsatsen overfor utsette unge. Det blir i meldinga
vist til at den nye kartlegginga av bustadlause vil vere klar i
løpet av 2013 og vil gje eit grunnlag for den vidare oppfølginga
som Husbanken må tilby kommunar med unge bustadlause. Det er òg
behov for meir kunnskap om individuelle og strukturelle årsaker til
at unge får store bustadproblem. Det at stadig fleire unge er utan
ein stad å bu er ei utvikling som gjer seg gjeldande i fleire nordiske
land, og det er derfor ei relevant problemstilling for nordisk samarbeid.
Regjeringa har som mål å motverke marginalisering
av utsette unge. Dette er eit felt der mange offentlege instansar
har eit ansvar.
Med ein auka innsats for unge som treng hjelp
til å kome i arbeid eller utdanning, vil det bli lettare for dei
å skaffe seg ein stad å bu og å halde på han. Arbeids- og velferdsetaten
har garantiordningar for ungdom som ikkje er i arbeid eller utdanning.
Garantien for unge under 20 år inneber eit tilbod om arbeidsretta
tiltak til dei utan arbeid eller skuleplass.
Frå 2013 skal oppfølgingsgarantien og tiltaksgarantien
for arbeidslaus ungdom i alderen 20–24 år målrettast mot dei som
treng hjelp til å kome i arbeid eller utdanning.
Barnevernet skal sikre at barn og unge som lever under
forhold som kan skade helsa og utviklinga deira, får naudsynt hjelp
til rett tid. Barn og unge med behov for omsorg frå barnevernet
er særleg sårbare. Vaksenlivet kjem ofte tidlegare enn det som er
tilfellet for dei fleste andre ungdomar, og mange opplever overgangen
som vanskeleg. Ei lovendring i 2009 skal sikre at barnevernstenesta gjev
ei grundig vurdering av om det skal setjast i verk etterverntiltak,
og at vurderingane blir synleggjorde slik at eit eventuelt avslag
kan påklagast til fylkesmannen. Hjelp til å skaffe bustad og hjelp
til å meistre buforholdet er blant dei vanlegaste etterverntiltaka.
For å få til gode tiltak er det særs viktig med godt samarbeid mellom fleire
tenester.
Barne-, ungdoms- og familiedirektoratet har utarbeidd
ei oversikt over kva plikter ulike offentlege tenesteytarar har
overfor utsette unge som står i fare for å bli marginaliserte og
utestengde frå utdanning, arbeidsliv og bustadmarknaden.
I 2010 starta Barne-, likestillings- og inkluderingsdepartementet
opp «Losprosjektet» i 15 kommunar. Dei unge får ein kontaktperson,
ein los, som følgjer dei opp og hjelper dei med å nyttiggjere seg
tilbod som blir gjevne i skulen eller av andre instansar. Målet
er å betre koplinga til skule og arbeid blant særleg risikoutsette
unge i alderen 14–23 år. Ei evaluering av prosjektet skal gjerast
ferdig i 2014.
Kunnskapsdepartementet har ei satsing på auka gjennomføring
i vidaregåande opplæring. Satsinga ber namnet Ny GIV. Målgruppa
for Ny GIV er langt breiare enn berre unge som bur, eller står i
fare for å bu, dårleg. Auka gjennomføring i den vidaregåande skulen
vil føre med seg at færre kjem i ein vanskeleg busituasjon. Ny GIV
skal bidra til ei betre offentleg samordning, der bustadproblem
blir sette i samanheng med andre utfordringar. Som eit bidrag til
Ny GIV har Husbanken, Arbeids- og velferdsdirektoratet og Finansnæringens
Fellesorganisasjon utvikla ein digital simulator som viser korleis
dei unge kan styre økonomien sin inn mot å kjøpe seg bustad.
Helsedirektoratet skal etablere ein strategi
for å sikre den psykiske helsa til barn og unge. Husbanken deltek
i arbeidet med strategien og skal bidra med kunnskap om bustadbehov
for utsette barn og unge, og kva for strategiar og verkemiddel som
kan nyttast for å førebyggje og motverke vanskelege busituasjonar.
leggje til rette
for fleire butilbod til unge som ikkje har ein stad å bu, eller
som står i fare for å miste den bustaden dei har
gjennom Husbanken rette ein spesifikk innsats overfor
kommunar som har utfordringar med unge utan ein fast stad å bu
nytte sosialt entreprenørskap og sosial
innovasjon for å utvikle nye typar butilbod til unge
skaffe meir kunnskap om individuelle og
strukturelle årsaker til at unge kjem i ein situasjon utan ein fast
stad å bu
Kommunane har busett mange flyktningar dei siste
åra. Regjeringa vil sikre rask busetjing av flyktningar, mellom
anna gjennom eit meir forpliktande samarbeid med kommunesektoren,
jf. tiltak i Meld. St. 6 (2012–2013) En helhetlig integreringspolitikk
– mangfold og fellesskap. Meldinga legg òg fram regjeringa sin visjon
om å tette gapet mellom innvandrarar og resten av befolkninga når
det gjeld prosentdelen av sysselsette. Rask busetjing kan verke
inn på kor fort flyktningane kjem seg inn i arbeidsmarknaden.
I 2013 er det behov for å busetje om lag 8 500 flyktningar
i norske kommunar. Integrerings- og mangfaldsdirektoratet (IMDi)
skal formidle flyktningar til busetjingskommunar. Kommunane gjev
tilbakemeldingar om at mangel på eigna bustader til rett tid og
på rett stad ofte gjer at dei ikkje kan ta imot fleire flyktningar.
Husbanken har fleire verkemiddel som styrkjer det
bustadsosiale arbeidet i kommunane, til dømes startlån, tilskot
til etablering, tilskot til kommunale utleigebustader og grunnlån.
Flyktningar er ikkje ei einsarta gruppe. Fleire kommunar
nyttar seg òg av den private leigemarknaden. Hushald med låge inntekter
og høge buutgifter, mellom anna flyktningar, kan få bustøtte anten
dei eig eller leiger bustad.
Verkemidla til Husbanken er viktige for det bustadsosiale
arbeidet i kommunane. Talet på flyktningar som skal busetjast frå
år til år kan variere. Husbanken må derfor samarbeide tett med IMDi
om korleis dei saman kan leggje til rette for at kommunane har føresetnader
for å ta imot flyktningar.
Fleire forskingsrapportar ser nærare på kva
som må til for at kommunane skal kunne ta imot fleire flyktningar.
Her er nokre viktige faktorar: langsiktig planlegging, god forankring
og tydeleg ansvarsdeling, hjelp til bebuarar i kommunalt disponerte
bustader slik at dei kan kjøpe ein bustad eller leige privat, og
profesjonell bruk av den private leigemarknaden.
I tillegg til å nytte seg av verkemidla til
Husbanken på kort sikt, må kommunane òg planleggje langsiktig og
sjå bustøtte, tilskot og lån i samanheng. Husbanken har inngått
eit langsiktig og forpliktande samarbeid med meir enn 50 kommunar
der føremålet er å utvikle eit heilskapleg og strategisk bustadsosialt
arbeid.
Husbanken skal leggje til rette for erfaringsutveksling
mellom kommunar når det gjeld korleis dei kan ta høgde for busetjing
av flyktningar, både i planlegginga og gjennomføringa.
Informasjon, rettleiing, kompetansetiltak og kunnskapsutvikling
er òg verkemiddel som Husbanken gjer bruk av i arbeidet med å leggje
til rette for kommunane sitt arbeid med å busetje flyktningar. Sjå
meldinga for døme.
I perioden 2009–2011 busette kommunane over 600
einslege mindreårige årleg. I 2012 var det om lag 470 einslege mindreårige
som blei busette. Nokre bur med slektningar eller i fosterheimar,
medan andre får tilbod om å bu i bufellesskap med andre unge. Kommunane
har teke imot mange einslege mindreårige dei siste åra, noko som
har ført til at dei fleste blir busette innanfor målet om tre månader
etter at dei har fått løyve om opphald.
gjennom Husbanken
styrkje kommunane sitt arbeid med å busetje flyktningar. Husbanken
skal synleggjere korleis dei bustadsosiale verkemidla kan støtte
opp om kommunale strategiar for å busetje flyktningar – både på
kort og lang sikt
gje inntil 40 pst. utmåling av tilskot
til utleigebustader til flyktningar og andre prioriterte grupper
Mange kommunar melder om behov for eit større
og breiare butilbod i kommunane. Kommunane disponerer i dag eit
spekter av ulike tilbod.
Det blir i meldinga vist til at det er viktig
at kommunen tek utgangspunkt i den einskilde sine behov.
Personar med rusproblem og psykiske lidingar er
ei gruppe som er overrepresentert i kartleggingane av bustadlause,
og som er bustadlause lengst og oftast. Det er dei siste ti åra
blitt etablert ei rekkje nye butilbod til denne gruppa.
«Housing First» er ein busetjingsmodell som
er nytta i fleire land. Den byggjer på ein tverrfagleg metode som
tek utgangspunkt i at bustad er eit grunnleggjande behov for alle.
Modellen har eit sterkt brukarperspektiv. Fleire norske kommunar
har i dei seinare åra etablert butilbod basert på prinsippa bak
Housing First-modellen.
Ulike undersøkingar tyder på at samlokaliserte bustader
til ulike grupper ser ut til å ha blitt meir vanleg dei siste åra.
Det er viktig at samlokaliserte bustader og bufellesskap ikkje får
eit institusjonsliknande preg. Ulike grupper skal heller ikkje måtte
bu saman dersom dei ikkje ynskjer det. I tildelinga av tilskot til
utleigebustader og omsorgsbustader har departementet og Husbanken
tydeleggjort kor viktig integrering og normalisering er når ein
etablerer samlokaliserte bustader.
Det er truleg at ein del personar og hushald,
som tradisjonelt sett har fått tilbod om kommunal utleigebustad,
er i stand til å kjøpe eigen bustad. Regjeringa vil opne for 50
års nedbetalingstid på startlån, noko som kan gjere det mogleg for fleire
hushald med låge inntekter å kjøpe bustad og betene eit lån.
Bustadutvalet (NOU 2011:15) gjorde framlegg om
ei satsing på 2 500 fleire kommunalt disponerte bustader for personar
med rusproblem, psykiske lidingar og dobbeltdiagnosar. Framlegga
fekk brei støtte i høyringa. Mange meinte at framlegget til satsing
på oppfølgingstenester var for lågt i forhold til behovet.
Tilskot til utleigebustader blir tildelt av
Husbanken, og kommunane og andre aktørar som vil etablere butilbod
med kommunal tildelingsrett kan søkje. Målgruppa er vanskelegstilte
på bustadmarknaden, og butilbod til folk utan bustad, flyktningar,
folk med behov for oppfølgingstenester og barnefamiliar blir prioriterte.
gjennom Husbanken
stimulere til kommunale butilbod til personar med rusproblem, psykiske lidingar
og dobbeltdiagnosar
utvikle modellar for å sikre brukarmedverknad ved
busetjing og utforming av tenestetilbod til vanskelegstilte på bustadmarknaden
kartleggje utviklinga av samlokaliserte
bustader og bufellesskap, både storleiken, samansetjinga av grupper
og lokaliseringa, og etablere indikatorar og rapporteringssystem
som gjer det mogleg å følgje utviklinga over tid
jamleg kartleggje og analysere bustadløyse
I mange kommunar er det lange ventelister for
å få kommunalt disponerte bustader, og tilbakemeldingane frå kommunane
og resultat frå forskinga fortel om eit udekt bustadbehov blant personar
med tilleggsvanskar. For mange som har tilleggsproblem, kan oppfølging
vere ein føresetnad for stabile og føreseielege buforhold. Tenestene
spenner over eit breitt spekter.
Nav-kontoret yter økonomisk stønad til kostnader
til livsopphaldet, der bukostnader utgjer ein vesentleg del, samt
andre typar tenester som kan hjelpe mottakaren til å bli sjølvhjelpen.
Kommunane har eit lovpålagt ansvar for å sørgje for
helse- og omsorgstenester til befolkninga. Etter lov om kommunale
helse- og omsorgstjenester har kommunen og spesialisthelsetenesta
ei plikt til å tilby ein koordinator for pasientar og brukarar med
behov for langvarige og koordinerte tenester.
Det har vore gjort forsøk med ein koordinerande tillitsperson,
og dette var eit viktig tiltak i opptrappingsplanen for rusfeltet.
Følgjeevalueringa viser stor grad av måloppnåing.
For ein nærare omtale av rusmiddelpolitikken
til regjeringa, sjå Meld. St. nr. 30 (2011–2012) Se meg! En helhetlig
ruspolitikk.
Dei som har behov for langvarige og koordinerte tenester,
har rett til å få utarbeidd ein individuell plan. Hjelp til å skaffe
ein bustad og oppfølging i bustad kan vere blant tiltaka i den individuelle planen.
Det er framleis mange som har rett til individuell plan,
som ikkje får det. Undersøkingar viser mellom anna at personar med
rusproblem i lita grad får utarbeidd ein individuell plan.
Ved utgangen av 2011 var det i alt 6 640 personar
som fekk lækjemiddelassistert rehabilitering (LAR). Mange i denne
gruppa har hatt uføreseielege buforhold, og det er sannsynleg at
ein stor del har vore utan fast bustad over tid. Erfaringane viser
at med LAR-behandling, og tilpassa oppfølging, får dei ein betre
busituasjon.
Arbeids- og velferdsdirektoratet gjev tilskot
til bustadsosialt arbeid.
Helsedirektoratet forvaltar tilskot til utvikling
av samhandlingsmodellar, og frå 2012 gjeld dette også for oppfølging
i bustad.
Sidan 2009 har Helse- og omsorgsdepartementet stimulert
til modellar for eit betre og meir samordna tilbod til dei som har
ein alvorleg psykisk sjukdom, gjerne i kombinasjon med rusproblematikk,
og som i mindre grad dreg nytte av dei ordinære tenestene. Ein viktig
del av denne satsinga gjeld etablering av aktivt oppsøkjande behandlingsteam,
såkalla ACT-team («assertive community treatment-team»).
Det blir også gjeve tilskot til etablering av
organisatorisk forpliktande samarbeidsmodellar mellom kommunar og
spesialisthelsetenesta. Bustadperspektivet er eit sentralt element
i dette arbeidet.
Helse- og omsorgsdepartementet er ansvarleg for
ei storbysatsing som tok til i 2005. I tillegg til bustadtiltak
er etablering av mobile oppfølgingsteam i storbyane viktige resultat
av satsinga.
styrkje kompetansen
når det gjeld oppfølging i bustad for personar med rusproblem, psykiske lidingar
og dobbeltdiagnosar
gjere modellar for oppfølgingstenester
i bustad tilgjengelege for kommunane for slik å sikre betre oppfølging
av utskrivingsklare pasientar
Det er mogleg å førebyggje bustadproblem i avgjerande
situasjonar på bustadmarknaden. Spesielt gjeld dette ved frigjeving
frå fengsel og utskriving frå institusjon, ved bruk av mellombelse
butilbod og ved fare for utkasting. Rett hjelp må kome til rett
tid, og for å lukkast må ulike instansar samarbeide på tvers av
forvaltningsnivå og sektorar.
Overgangen frå fengsel og institusjon kan føre
til eit tilvære utan ein bustad.
Kartleggingane av bustadlause viser at ein av fire
bustadlause oppheld seg i fengsel eller på ein institusjon og skal
skrivast ut eller frigjevast innan to månader, men utan å disponere
nokon bustad.
Straffedømte har dårlegare levekår enn befolkninga
elles. To tredjedelar av dei innsette har hatt ein oppvekst med
eitt eller fleire alvorlege problem. Ved starten av soninga er ein
tredjedel utan ein bustad, medan talet har auka til to tredjedelar ved
fullført soning.
Tilbakeføringsgarantien blei presentert i St.meld.
nr. 37 (2007–2008) Straff som virker – mindre kriminalitet – tryggere
samfunn. Straffedømte skal få hjelp til å skaffe seg bustad, arbeid,
helsehjelp, økonomirådgjeving og andre tenester som dei treng for
å leve eit lovlydig liv.
Gjennom dei siste åra er det etablert fleire
samarbeidsavtalar mellom kommunar og kriminalomsorga. Avtalane er
eitt av fleire verktøy for å sikre samarbeidsrutinar og klare ansvarsforhold
mellom partane. Husbanken har finansiert prosjekt som skal byggje
opp kunnskapen om korleis kommunen kan sikre innsette ein god og trygg
bustad ved frigjevinga, mellom anna gjennom såkalla bustadkonsulentar.
I samband med tilbakeføringsgarantien tilsette kriminalomsorga 27
nye tilbakeføringskoordinatorar i 2011.
Forsøket «Fra fengsel til kvalifiseringsprogram» er
gjennomført i sju fengsel og sju kommunar i perioden frå 2009 til
2012. Forsøket har vist kor viktig samarbeidet mellom kriminalomsorga
og heimkommunen til den innsette er for å lukkast med tilbakeføringa
til samfunnet.
Samhandlingsreforma tok til å gjelde i 2012.
Reforma skal bidra til meir førebygging og tidleg inngripen, eit
større kommunalt ansvar for helse- og omsorgstenester og meir samanhengande
tenester for brukarar og pasientar.
Førebels er det berre innført økonomiske insentivordningar
for somatiske innleggingar. I Meld. St. 30 (2011–2012) Se meg! En
helhetlig rusmiddelpolitikk har regjeringa varsla at ho vil greie
ut kommunal medfinansiering og betaling for utskrivingsklare pasientar
innanfor rusbehandling og psykisk helsevern.
Risikoen for tilbakefall frå behandling er særleg stor
ved utskriving frå institusjon og fengsel. Det finst ein nasjonal
kampanje for å betre pasientsikkerheita og å hindre pasientskadar.
I 2012 blei det utvikla tiltakspakkar og det blei gjennomført pilotforsøk
som skal førebyggje sjølvmord og overdose etter utskriving frå institusjon.
Det blir i meldinga peikt på at for å redusere bruken
av mellombelse butilbod må det utviklast og etablerast fleire butilbod
til dei som ofte oppheld seg på mellombelse butilbod, slik som utsette
unge og personar med rusproblem og/eller psykiske lidingar. Ein
må òg førebyggje at folk kjem i ein situasjon der dei må be om døgnovernatting.
Alle som ikkje har ein stad å opphalde seg og
å sove det neste døgnet, har krav på eit mellombels butilbod, jf.
§ 27 i lov om sosiale tjenester i arbeids- og velferdsforvaltningen.
Mellombelse butilbod skal avhjelpe akutt bustadløyse og skal ikkje
vare ved over tid. Det mellombelse tilbodet må ha forsvarleg kvalitet
sett ut frå tenestemottakaren sine behov.
Bruken av og kvaliteten på døgnovernattingsstader
blei kartlagd i 2010. Vanleg lengd på opphaldet for personar med
rusproblem og dobbeltdiagnose er meir enn tre månader, medan barnefamiliar
og unge i all hovudsak oppheld seg på mellombelse butilbod i under
tre månader.
Bruken av nattheim er halvert dei siste tre
åra. Samstundes har bruken av andre mellombelse butilbod auka, og
til saman budde 3 885 personar på slike tilbod i 2011. Opphald på
over tre månader har gått litt ned, noko som kan tyde på at kommunane
greier å hjelpe folk over i andre tilbod innan rimeleg tid.
Kommunane er tidlegare blitt oppmoda om å inngå
kvalitetsavtalar med alle leverandørar av mellombelse butilbod.
Kvaliteten på tilboda ser ut til å vere god og langt på veg i samsvar
med dei statlege føringane. Mange kommunar ser ut til å ha fått
betre rutinar for å følgje opp tilboda.
Nav-kontoret skal så langt råd er, setje i verk
tiltak med det same for å sikre overgang frå eit mellombels til
eit varig butilbod, evt. i ein individuell plan.
Arbeids- og velferdsdirektoratet og fylkesmannen
gjennomfører i 2012 og 2013 opplæring i lov om sosiale tjenester
i arbeids- og velferdsforvaltningen for alle Nav-kontor.
Dei menneskelege og økonomiske kostnadene ved
utkastingar er store. Erfaringar viser at det er mogleg å hindre
ein stor del av utkastingane, så sant Nav-kontora blir informerte
om situasjonen i ein tidleg fase.
Både varsel om utkastingar og faktiske utkastingar
er reduserte frå 2011 til 2012. Utkastingar er for det meste eit
storbyproblem.
Økonomisk rådgjeving og gjeldsrådgjeving er ein
del av kjerneoppgåvene til arbeids- og velferdsforvaltninga. Det
blir i meldinga peitk på at rådgjevinga er avgjerande for å hindre
utkastingar.
Auka kompetanse i økonomisk rådgjeving er eit prioritert
område for regjeringa. Det har sidan 2004 vore gjennomført fleire
tiltak for å utvikle kvaliteten på dei kommunale tilboda til personar med
økonomi- og gjeldsproblem.
Oppfølging i bustaden hindrar også krav om utkastingar
og gjennomførte utkastingar.
skaffe betre data
for arbeidet med å førebu bustad ved frigjeving frå fengsel og utskriving frå
institusjon. Betre data skal hjelpe kommunar og statlege instansar
til å vurdere måloppnåing, evaluere arbeidet og eventuelt setje
i verk nye tiltak
vidareutvikle den statistikken Politidirektoratet fører
over varsel om utkasting og faktiske utkastingar, for å følgje nærare
utviklinga i talet på hushald som blir ramma
Bustadsosialt arbeid i kommunen krev eit godt fagleg
grunnlag hjå dei tilsette. Bustadutvalet (NOU 2011:15) viste til
at bustadsosialt arbeid må inngå som ein del av velferdsutdanninga.
Både Husbanken og Arbeids- og velferdsdirektoratet
arbeider med å heve den bustadsosiale kompetansen i kommunane, og
har mellom anna vore med på å etablere bustadsosiale studium ved
fleire høgskular.
Husbanken, Arbeids- og velferdsdirektoratet
og Helsedirektoratet legg alle til rette for tilbod om vidareutdanning
i bustadsosialt arbeid.
Bustadutvalet (NOU 2011:15) meinte at den statlege
samordninga ikkje er god nok, og at den statlege innsatsen bør stimulere
til at bustad og tenester blir sette i samanheng lokalt. Regjeringa vil
utarbeide ei ny rettleiing i bustadsosialt arbeid.
Husbanken skal bidra til å heve kompetansen
i kommunar, frivillig sektor, brukarorganisasjonar og hjå andre
som arbeider med bustadsosiale spørsmål. Dette blir dels gjort gjennom
å utvikle kunnskap som er til nytte i tenestetytinga og politikkutforminga,
dels ved å formidle kompetanse og erfaringar.
Husbanken forvaltar bustadsosialt kompetansetilskot.
Tilskotet skal bidra til å heve kompetansen innanfor bustadsosialt
arbeid.
KS tilbyr kommunane ein arena for analyse av verksemda
til kommunane, der samanlikning mellom kommunar skal gje læring
om vidare utvikling. I nettverksarbeidet øver kommunane på å utvikle
analysar av tenester. Om lag 170 kommunar deltek kvart år i effektiviseringsnettverk.
gjennomgå utdanningstilbodet
ein har i dag, og i samarbeid med relevante utdanningstilbydarar, vurdere
om det er behov for ein samla utdanningsstrategi innanfor feltet
bustadsosialt arbeid
utarbeide ei ny tverrfagleg rettleiing
om bustadsosialt arbeid
lage ei samla oversikt over dei økonomiske
ordningane som staten tilbyr i det bustadsosiale arbeidet
leggje til rette for at bustadindikatorar
og bustadspørsmål blir tema i effektiviseringsnettverka til KS
Regjeringa stimulerer og støttar opp om frivillige
verksemder på ei rekkje felt.
Sjølv om det er kommunane som har hovudansvaret
for å gjennomføre bustadpolitikken, og som dermed må ha eigarskapet
til arbeidet, vel mange kommunar å løyse oppgåvene i samarbeid med
frivillige organisasjonar.
I tillegg har frivillige organisasjonar og interesse-
og brukarorganisasjonar verdifull erfaring og kan kome med innspel
til den statlege og kommunale politikkutforminga.
Frivillige bidreg til å gje menneske omsorg,
nærleik og ein meiningsfull kvardag.
Brukarane må få den informasjonen dei treng
for å vite om kva for moglegheiter dei ulike statlege ordningane
gjev, slik som bustøtte, startlån, tilskot til etablering i bustad
og tilskot til tilpassing av bustad. Husbanken skal mellom anna
syte for at det finst god og oppdatert informasjon til aktuelle
brukarar på nettstadene sine.
stimulere til frivillig
innsats i det bustadsosiale arbeidet sentralt, regionalt og lokalt
nytte erfaringar frå brukarorganisasjonar
i det bustadsosiale arbeidet
leggje til rette for at dei ulike bustadsosiale
ordningane er godt kjende blant menneske som treng hjelp til å løyse
bustadproblema sine
Den nye nasjonale strategien for bustadsosialt arbeid
skal utviklast i 2013, og regjeringa tek sikte på at han skal gjelde
frå 2014. Strategien vil først og fremst ha administrative konsekvensar som
følgje av auka bustadsosialt samarbeid mellom medverkande departement
og direktorat. Dei tiltaka som blir sette i verk som følgje av arbeidet
med strategien skal dekkjast innanfor gjeldande budsjettrammer.
Eventuelle meirkostnader skal handsamast i samband med dei årlege statsbudsjetta.
Tiltaka om fleire butilbod til personar som
ikkje bur tilfredsstillande skal dekkjast innanfor eksisterande
budsjettrammer. Tilskot til utleigebustader er eit viktig verkemiddel
som regjeringa har styrkt fleire gonger, sist i statsbudsjettet
for 2013. Regjeringa har òg styrkt tilskot til etablering, sist
i statsbudsjettet for 2013, mellom anna for å hjelpe vanskelegstilte
hushald frå leige til eige. Startlån er eit verkemiddel for å hjelpe
vanskelegstilte til å kjøpe bustad. I tillegg til bruk av verkemiddel
frå Husbanken, vil det å hjelpe bebuarar i kommunale utleigebustader
over i eigd bustad krevje administrative ressursar frå kommunane.
Kommunane vil på den andre sida frigjere utleigebustader, som igjen
kan disponerast til andre vanskelegstilte på bustadmarknaden.
Tiltaka som blir fremja i dette kapittelet om
å heve den bustadsosiale kompetansen og å utvikle betre styringsdata
for både kommune og stat, skal gjennomførast innanfor gjeldande
budsjettrammer. Tiltaka vil krevje samarbeid mellom departement
og direktorat, og kommunesektoren må bidra med innspel og deltaking
på eventuelle møte, kurs og konferansar. Det er likevel opp til
kvar einskild kommune å vurdere om, og eventuelt korleis, dei vil
nytte seg av dei økonomiske og faglege tilboda frå staten. Målet
er å vidareutvikle både det kommunale og statlege arbeidet slik
at vanskelegstilte på bustadmarknaden får rett hjelp på eit tidlegast mogleg
tidspunkt. Det er òg eit mål å vidareutvikle arbeidsformer slik
at bustadproblem i større grad kan førebyggjast. Å førebyggje bustadproblem
vil truleg innebere økonomiske og administrative innsparingar for
både kommune, stat og dei personane det gjeld.
Komiteens flertall, medlemmene
fra Arbeiderpartiet, Sosialistisk Venstreparti, Senterpartiet og
Kristelig Folkeparti, viser til at regjeringen varsler en
ny nasjonal strategi for boligsosialt arbeid, der flyktningboliger
blir et av innsatsområdene. Regjeringen viser i den forbindelse
til nødvendigheten av et mer forpliktende samarbeid med kommunesektoren
for å få til en raskere bosetting av personer som har fått innvilget
opphold i Norge. Bosetting av flyktninger som har fått opphold er
et nasjonalt ansvar, ikke avgrenset til en statlig oppgave.
Flertallet mener en av hovedutfordringene
i dagens boligmarked er at det bygges for få boliger, herunder boliger
til personer som ikke har mulighet til å kjøpe sin egen bolig.
Flertallet viser til Bosettingskonferansen 22. januar
2013 på Gardermoen, i regi av IMDI, der et av målene var raskere
bosetting (http://www.regjeringen.no/nb/dep/bld/aktuelt/nyheter/2013/alle-ma-ha-en-kommune-a-bo-i.html?id=712988).
Av materialet fra konferansen fremgår det at
KS vil be kommunene vurdere muligheten for å bosette flere i 2013
og 2014 og arbeide for bedre rammer innenfor flyktningfeltet. Flertallet viser
også til NTNU-rapport 2013, Tidsbruken i bosettingsarbeidet. En
studie av prosessen fra positivt vedtak til bosetting (Thorshaug,
Paulsen og Berg), som er bestilt av KS. Ett av formålene med rapporten
er å svare på hvordan en kan oppnå en raskere bosetting fra asylmottak,
fortrinnsvis uten at kommuners selvråderett i bosettingsarbeidet
reduseres. Rapporten inneholder en rekke anbefalinger, både til
KS og kommunene og til statlige myndigheter. Flertallet ser
svært positivt på den dialogen som er opprettet mellom partene i
bosettingsarbeidet, og har forventninger om at dette arbeidet vil
munne ut i en dugnad for å få bosatt dem som nå har ventet lenge
i mottak, og en avtale som gir en forutsigbar vei videre, der bosetting
av flyktninger blir en enda viktigere del av den løpende planleggingen
i stat og kommune.
Komiteens medlemmer fra Fremskrittspartiet mener
at bevegelsene og forholdene på leiemarkedet påvirkes av reguleringer
som iverksettes i boligpolitikken.
Disse medlemmer mener reguleringene
i boligmarkedet fører til at det bygges for få boliger, og at dette
påvirker alle ulike gruppers og individers muligheter til å finne
gode boliger som dekker disses behov. Det vil etter disse
medlemmers oppfatning også påvirke bosettingsarbeidet av
flyktninger negativt, i tillegg til at andre utsatte grupper som
sliter med dårlig økonomi og utilfredsstillende boforhold, heller ikke
får en tilfredsstillende bosituasjon.
Disse medlemmer mener at boliger
for flyktninger er viktig, men at det ikke bør medføre en konsentrasjon
av slike boliger, da dette kan virke integreringshemmende.
Disse medlemmer mener at meldingen
på en god måte omtaler viktige boligsosiale spørsmål, og bidrar
til løsninger på utfordringer som er alvorlige for mange. Disse
medlemmer mener imidlertid at boligpolitikken er et stort
område, som henger sammen med andre viktige politiske spørsmål. Disse
medlemmer ønsker derfor at disse spørsmålene kan behandles
i en egen sak, som har et bredere perspektiv enn det som legges til
grunn i denne meldingen. Disse medlemmer ber derfor
regjeringen komme til Stortinget med en sak om hvordan boligbyggingen
kan økes for å dekke fremtidig behov for boliger og sikre bolig
for alle.