Unn Aarrestad (Sp):
Eg vil få stilla
følgjande spørsmål til fiskeriministeren:
Ifylgje Stavanger Aftenblad den 8.
november 1995 vil det bli kasta 87.000 tonn hyse på sjøen i år. Dette blir
gjort på grunn av EU-føresegner om « gjenutsetting » av småfisk, seier
forskingssjef Odd Nakken ved Havforskningsinstituttet i Bergen.
Kva vil statsråden gjera for å endra
desse føresegnene og dermed få slutt på yngeldrapet og
miljøforureininga?
Statsråd Jan Henry T Olsen:
Noreg og
EU har i løpet av dei siste 20 åra samarbeidd om ressursforvalting.
Arbeidet har gitt resultat, men det er enno viktige område der vi treng
tiltak for å betre fiskeriforvaltinga. Dette gjeld m.a. fisket etter torsk,
hyse, sei og kviting i Nordsjøen, der fiskeinnsatsen har vore for høg i høve
til bestandsgrunnlaget. Det er her eit stadig problem at Noreg og EU har
ulike reglar for utøvinga av fisket. Det er opp til kvar av partane å
fastsetje slike reglar i eiga sone. Vi har i Noreg eit forbod mot utkast av
fisk i vår sone, medan EU i si sone m.a. pålegg fiskarane sine å kaste ut
fisk som anten er under minstemålet, er fiska i strid med gjeldande
bifangstreglar eller er av ein art der kvoten allereie er fiska opp. Dette
utkastet kjem i tillegg til dei kvotane som vert fastsette, og påverkar
totaluttaket av desse bestandane.
Problemet med utkast i Nordsjøen har
m.a. samanheng med at fisket etter torsk, hyse, sei og kviting er eit blanda
fiske, eller « mixed fishery », som vi seier, og at det er særleg vanskeleg å ta
reine fangstar av berre ein art.
Det internasjonale havforskningsråd
reknar med at utkastet av hyse vil bli på om lag 90.000 tonn, slik som
representanten Unn Aarrestad tok opp her, i 1996. Hysebestanden er likevel
etter Det internasjonale havforskningsråds vurdering innafor sikre
biologiske grenser og har vore i vekst. Dei kjende nivåa på utkast er
inkluderte i grunnlaget for dei anbefalingane som vitskapsfolk gjer for
neste års fiske. Noreg og EU har dei siste åra fastsett tiltak som tar
sikte på å minske det totale fisketrykket og auke rekrutteringa til
gytebestandane av m.a. torsk og hyse i Nordsjøen, t.d. ved å sjå på
totalkvotane for desse bestandane i samanheng.
Den forvaltinga som EU i dag har,
resulterer i at det skjer svært store utkast av fisk. Vi har gjennom fleire
år halde fram det uheldige i EU sitt regelverk når det gjeld utkast. Det er
både ressursøydande og miljøforureinande, og det svekkjer grunnlaget for ei
rasjonell forvalting.
Vi fører årlege forhandlingar med EU
på fiskerisektoren. I desse forhandlingane har vi søkt å få i stand ei
harmonisering av regelverket for Nordsjøen. Det vil vi halde fram med i
arbeidet for å påverke EU til å setje i verk ei meir forsvarleg forvalting
av ressursane i Nordsjøen. I dette arbeidet må innsatsen aukast for også å
utvikle fiskereiskap som kan betre selektiviteten i fisket, dvs. utvelginga
av fiskeslag som skal fangast, og dei andre som går ut, og andre tiltak som
effektivt kan verne ungfisken i Nordsjøen, slik at den fangsten som blir
tatt, ikkje blir kasta ut, men blir brakt i land.
Unn Aarrestad (Sp):
Eg takkar for
svaret, som eg følte hadde eit postivt innhald. Bakgrunnen for spørsmålet
mitt er opplysninga om at det vart fiska oppunder 200.000 tonn hyse i
Nordsjøen, og av dette vart altså mest halvparten kasta over bord att. Som
nemnt av statsråden, er det ulike reglar i EU og i Noreg, og det gjer at
EU-flåten kastar ut veldig mykje av småfisken, som dermed går til spille.
Eg er klar over at det vart arbeidd for å få til noko her, men likevel skriv
Havforskningsinstituttet i Bergen i sin ressursrapport for 1994:
Det
norske engasjementet for å få til et ansvarlig fiske i denne delen av vårt havområde
har vært beskjedent hittil og tilsynelatende ganske fruktesløst.
Så til spørsmålet: Kva vil statsråden
gjera for å få fortgang i dette, som må vera under all kritikk?
Statsråd Jan Henry T Olsen:
Jeg tror
at det området vi i våre farvann best kan få en bedret forvaltning på,
nettopp er i Nordsjøen. Befolkningen som sokner til Nordsjøbassenget, går i
dag glipp av betydelige samfunnsøkonomiske gevinster og inntekter fordi
forvaltningen av havområdet er for dårlig. Vi har lenge ønsket at EU skulle
forandre sine regler, men vi har ikke påvirkningskraft nok overfor EU til å
få det til. Senest for en uke siden, da jeg møtte den skotske
fiskeriministeren i Norge, tok jeg opp dette problemet, og jeg oppdaget til
min glede at det er flere land i EU som faktisk har begynt å diskutere om de
må endre på denne regelen, som bl.a. betyr at man hiver masse fisk på havet
- ikke bare småfisk, men også fullverdig fisk - når kvoten er oppfylt. Vi
har gjennom lang tid forsøkt å lage et annet regime, som jeg mener er bedre
enn det EU praktiserer, og vi bruker dette også som grunnlag hver gang vi
møter EU, for å ta opp spørsmålet om man ikke burde endre reglene i EU.
Unn Aarrestad (Sp):
Eg takkar igjen
for svaret. Eg er utolmodig, for denne problematikken går nå ut over minst
to område: Det eine er forureininga som skjer med rotnande fisk i havet,
eller som forskingssjef Odd Nakken ved Havforskningsinstituttet i Bergen sa:
« Dette er et av de største miljøgriseriene på jorden ». Det andre er den
sløsinga med ressursane som dette medfører, noko som også gjer at det vert
vanskeleg å få gytebestanden av særleg hyse og torsk opp for å sikra
biologiske stammer i Nordsjøen. Dette har gått føre seg nå i fleire år, og
forskarane seier òg at desse bestandane er for låge. Eg vil då spørja: Vil
statsråden nå gå aktivt inn på andre område for å få stoppa den verksemda
som nå skjer, som ikkje tener nokon part i denne saka?
Statsråd Jan Henry T Olsen:
Representanten Unn Aarrestad spør på en måte som kunne gi inntrykk av at
Norge egentlig kan styre EU, men det kan vi ikke. Det eneste vi kan gjøre,
er å samhandle med EU på en slik måte at vi kan finne frem til felles
forvaltningsregler i dette bassenget som er bedre enn dem vi har i dag. Det
prøver vi på i hvert eneste møte vi har med EU. Representanten Aarrestad er
utålmodig, og det er jeg også, for det som foregår her, er ikke en korrekt
beskatningsstrategi. Samtidig må man ikke si at denne hysebestanden er
utenfor sikre biologiske rammer, for det er den ikke. Men like fullt er det
som har foregått, ikke en riktig måte å forvalte på, etter vårt syn.