Erling Folkvord (RV):
Eg skal få
stille eit spørsmål til utdanningsministeren om skolefritidsordninga:
Aftenposten skrev forrige onsdag om
barna på skolefritidsordningen i Sørkedalen som må bruke helsesenterets
venterom når de skal leke etter skoletid.
Fins det noen nedre grense for hva
skolestatsråden syns er « tjenlige lokaliteter » for skolefritidsordningen?
Statsråd Reidar Sandal:
Representanten
Folkvord bruker uttrykket « tjenlige lokaliteter » på ein slik måte at det
synest å vise til kravet i grunnskulelova § 10, der det heiter: « Kommunane
skal syte for tenlege skolar ». Skulefritidsordningar er ikkje omfatta av
føresegnene i grunnskulelova.
Skulefritidsordning er eit frivillig
omsorgs- og fritidstilbod til barn på småskuletrinnet og for funksjonshemma
barn frå 6 til 12 år som treng opphald ved skulen utover undervisningstida.
Vanlegvis er det kommunen som er eigar og har ansvaret for drifta. Også
private, t.d. foreldreforeiningar eller samarbeidstiltak mellom kommunar,
lokale foreldregrupper og foreiningar i det enkelte lokalmiljø, kan eige og
drive skulefritidsordningar.
Stortinget vedtar i dei årlege
statsbudsjetta satsane for øyremerkte tilskot til drift av
skulefritidsordningar.
Departementet kunngjer i rundskriv
kvart år tilskotssatsar og vilkår for tilskot, jf. rundskriv F-16.
For 1997 er følgjande vilkår sette for
tildeling av statstilskot til skulefritidsordningar:
Skolefritidsordninger
(både private og kommunale) som det søkes statstilskudd for skal være godkjent
av kommunen. Godkjenningen gjelder lokaler, utearealer, finansieringsplan og
vedtekter for det enkelte tiltak. Lokalene skal være i overensstemmelse med forskriftene
i plan- og bygningsloven, og byggeforskriften, kommunehelsetjenesteloven, arbeidsmiljøloven,
brannvernloven og lov om produktkontroll.
Kommunane står som mottakarar av
statstilskotet for både kommunale og private ordningar og er ansvarlege for
at vilkåra er oppfylte.
I det årlege rundskrivet innarbeider
departementet rettleiing og informasjon med sikte på å fremje utviklinga av
kvalitativt gode skulefritidsordningar. I rundskrivet står det m.a.:
En
god skolefritidsordning må ta utgangspunkt i småskolebarnas behov. Omsorg, lek
kulturaktiviteter og sosial læring bør danne kjernen i innholdet i skolefritidsordningene.
Kyrkje-, utdannings- og
forskingsdepartementet har i samarbeid med Barne- og familiedepartementet
gjennom fleire år utarbeidd brosjyrar og rettleiingsmateriell med
informasjon om drift av skulefritidsordningar.
Departementet vil arbeide vidare med
kvaliteten i skulefritidsordningane og kjem tilbake til dette i samband med
kommuneøkonomiproposisjonen for 1998.
Departementet føreset at lokala som
skal brukast til skulefritidsordningar, er i samsvar med dei føresegnene eg
har vist til, og eg ventar at kommunane følgjer opp desse krava.
Eg vil be Statens Utdanningskontor i
Oslo og Akershus undersøkje om lokala i dette tilfellet er i samsvar med
vilkåra for tilskot.
Erling Folkvord (RV):
Eg takkar
statsråden for eit svar som inneheld namnet på mange forskrifter og mange
gode ord, men så vidt eg kunne høyre, null ansvarsvedkjenning. Foreldre har
med god grunn oppfatta skolefritidsordninga som ein heilt fast del av skolen
for dei lågaste alderstrinna, og nå startar statsråden med å peike på at det
ikkje er lovfesta, det er ingen rett, det er eit frivillig tilbod. Eg
synest det er forholdsvis hårreisande å høyre det nokre få månader før det
er meininga at ein for første gong skal sette 6-åringane inn i skolen. Tar
statsråden ansvaret for trygge skolefritidsordningar som tar utgangspunkt i
småskolebarna sine behov frå byrjinga av kommande skoleår?
Statsråd Reidar Sandal:
Det svaret som
eg nyleg gav til representanten Folkvord, er ikkje noka ansvarsfråskriving
frå mi side. Eg har relativt utførleg gjort greie for korleis systemet er,
og at det er kommunane som etter føresegnene har ansvar for at vilkåra er
oppfylte for både dei offentlege og private skulefritidsordningane som
kommunane mottar statstilskot for.
Eg har vidare understreka at her er ei
rekkje føresetnader som må vere innfridde for at tilskot skal gjevast, og
det er eit kommunalt ansvar å følgje dette opp. Dette baserer seg på den
funksjonsdelinga vi har mellom ulike forvaltingsnivå i landet vårt.
Erling Folkvord (RV):
Statsråden er
framleis tvitydig og derfor utydeleg når han startar med å seie at det eg sa
i stad, var ikkje noka ansvarsfråskriving - og så kjem det i neste setning:
men det er nokre heilt andre enn eg som har ansvaret. Det er nettopp det
som er den mest underfundige ansvarsfråskrivinga, som blir så vanskeleg å
forhalde seg til.
Ta Oslo som eksempel. Nå har
kommunestyret vedtatt at ein ikkje skal bruke kommunale pengar på
skolefritidsordninga, slik at det berre blir statstilskotsdelen og
foreldrebetaling. Det vil seie å bruke prismekanismen til å heve prisane og
dermed fjerne køane, slik at ein ikkje treng å skaffe lokale. Er det noko
som statsråden føler at han må ta noko ansvar for?
Bydelslegen i Sørkedalen seier:
Vi
har savnet noen som kan gripe inn og skjære gjennom. Vi opplever at ingen tar
ansvar.
Er statsråd Sandal ein skolestatsråd
som kjem til å gripe inn og skjære gjennom nå når det trengst?
Statsråd Reidar Sandal:
Det overraskar
meg eigentleg at representanten Folkvord kan stå på denne talarstolen i dag
og hevde at svaret eg har gitt, er både tvitydig og utydeleg, for eg har
gjort greie for dei føresegnene som gjeld, og i tillegg har eg varsla at eg
vil be Statens Utdanningskontor i Oslo og Akershus å sjå på det konkrete
tilfellet som representanten Folkvord har tatt opp, med den føresetnaden at
ein skal finne ut om det tilfellet i Sørkedalen som det er vist til, fyller
vilkåra for å få statstilskot. Det synest eg er eit konkret initiativ som
representanten Folkvord i staden for å polemisere mot, burde vere tilfreds
med.
Elles vil eg få lov å understreke at
den prosedyren som eg har gjort greie for skal følgjast i slike saker,
faktisk er ein prosedyre som Stortinget har sanksjonert.