Karin Andersen (SV):
Jeg vil få
stille følgende spørsmål til sosialministeren:
Folketrygdlovens regelverk reduserer
ytelsene til innlagte på institusjon 2 måneder etter innleggelsen ned til
1.000-1.400 kroner pr. måned avhengig av trygdesituasjon. Beløpet skal
dekke personlige behov, som reiser og fritid. For unge psykiatriske
langtidspasienter kan det bli vanskelig å delta i aktiviteter som kunne bety
svært mye for rehabiliteringen og livskvaliteten.
Vil statsråden vurdere disse reglene
for å hindre at fattigdomsproblemer blir et tilleggsproblem for yngre
langtidspasienter?
Statsråd Magnhild Meltveit Kleppa:
Eg
er særs oppteken av dei problema som representanten her set lys på.
Departementet har ulike alternativ under vurdering. Eg meiner vi må sjå
saka i ein større samanheng og ikkje avgrensa spørsmålet til å gjelda berre
yngre langtidspasiantar. Her er òg ei økonomisk side, som eg må få koma
tilbake til i samband med budsjettet.
Heilt sidan vi fekk våre fyrste
allmenne trygdeordningar har ytingar til livsopphald, som f.eks
uførepensjon, blitt reduserte under langtidsopphald i helseinstitusjonar med
rett til fri forpleiing.
Etter lova blir opphald i meir enn fem
månader å rekna som langtidsopphald. Dersom opphaldet skal vara meir enn
fem månader, skal trygdekontoret redusera pensjonen frå den andre heile
kalendermånaden. Ved ny innlegging innan tre månader blir tidlegare opphald
rekna med.
Etter reduksjonen skal pensjonen
utgjera 25 % av grunnbeløpet i folketrygda og 10 % av særtillegget og/eller
tilleggspensjonen. Det vil i dag seia minst 13.311 kr i året. Etter søknad
kan trygdekontoret likevel yta pensjon med eit større beløp dersom pasienten
er forsytar og/eller har faste og nødvendige utgifter til bustad og anna
under opphaldet.
Då dei somatiske sjukeheimane blei
kommunale frå 1988, blei ordninga med reduksjon erstatta av eigenbetaling
til kommunen frå og med den andre heile kalendermånaden.
I dei fylkeskommunale og statlege
spesialsjukeheimane blir trygdeytingar framleis reduserte på same vis som på
psykiatriske sjukehusplassar.
Frå 1. mai 1997 blei det gjort slutt på
å redusera pensjonen for pasientar i somatiske sjukehus. I somatiske
sjukehus var det etter måten få som hadde lengre opphald enn fem månader.
På grunn av vridingseffektar mellom
plassar i psykiatriske sjukehus, i spesialsjukeheimar og i somatiske
sjukeheimar med eigenbetaling kan det synast lite tenleg å gjera heilt slutt
på ordninga berre for psykiatriske sjukehuspasientar. Som det framgår av
St.meld.nr.25 (1996-1997)
, « Åpenhet og helhet. Om psykiske lidelser og tjenestetilbudene », har
fylkeskommunane ulike tilbod i form av sjukehusplassar og plassar i
spesialsjukeheimar.
Moglege forbetringar kan vera ein
generell auke i fribeløpet som pasientane får behalda, eller å forlengja
perioden før opphaldet blir rekna som langtidsopphald.
Ei anna løysing som òg er
nærliggjande, er å etablera ei ny ordning som gjer unntak for visse
pasientgrupper som er under aktiv behandling. Ei slik unntaksordning har vi
i dag, bl.a for pasientar under psykisk helsevern, når det er inngått avtale
med institusjonen om at pasienten skal dekkja ein del av opphaldsutgiftene
sjølv. Føremålet med ordninga er å øva opp pasientane til å klara seg
sjølve ved å ha ansvar for eigen økonomi, dvs. betala husleige, mat,
personlege utgifter m.m. Det gjer som kjent ikkje pasientar i sjukehus.
Karin Andersen (SV):
Jeg vil takke
statsråden for svaret, som jeg synes var svært positivt. Her var det også
ulike måter å løse problemet på, slik at en kunne gjøre situasjonen litt
lettere for langtidspasientene.
Grunnen til at jeg spesielt har
trukket fram de yngre psykiatriske langtidspasientene, er at jeg tror at
dette er en liten gruppe der man neppe vil få de helt store økonomiske
utslagene om man gjør forandringer i forhold til den. Deres situasjon er
spesiell og kanskje nødvendig å fokusere på.
Statsråden sa at det går an å gjøre
unntak, slik at man kan få dekket utgifter til bosted. Da er det jo et
spørsmål om det f.eks også gjelder etableringskostnader som unge mennesker
kan ha fordi de er i en etableringssituasjon samtidig som de er syke - altså
at man ikke dekker utgifter til en bolig de har, men som de forsøker å
skaffe seg.
Statsråd Magnhild Meltveit Kleppa:
Når regelverket her seier bustad og anna, trur eg at eg i denne omgang skal
vera forsiktig med å tolka kva som måtte liggja i dette « anna ». Men eg har
lyst til å streka under at i 1994 hadde 11 % av pasientane i dei psykiatriske
sjukehusa vore innlagde i meir enn fem år. Vi må i regelverket ta omsyn til
at det for mange er tenleg at opphaldet ikkje varer for lenge, og at
reduserte ytingar i institusjonen kan vera ei motivering til å unngå for
lange opphald. Men på den andre sida er eg heilt einig i at det er uheldig
om nokre pasientar får stansa nødvendig behandling i institusjonen etter fem
månader for å unngå å få reduserte trygdeytingar. Ikkje minst gjeld det dei
som er i etableringsfasen.
Karin Andersen (SV):
Jeg skal heller
ikke gi meg inn på å tolke regelverket. Men jeg har lyst til å si at den
teknikken som statsråden nå snakket om, nemlig å bruke økonomiske
virkemidler i forhold til den enkelte pasient for at den enkelte skal bli
motivert til å komme ut av en innleggelsessituasjon, er ukjent for meg, og
den synes jeg har en del betenkelige sider. Poenget mitt er at kanskje
nettopp den pasientgruppen jeg har satt i fokus her, har behov for å kunne
ha litt personlig økonomi for å kunne delta det de kan i vanlig samfunnsliv.
Et fattigdomsproblem, som vi vel må si at det er når man har så lite penger
som det disse gruppene her har mellom hendene, kan bli et svært tungt
tilleggsproblem for et ungt menneske som lider av psykisk sykdom.
Statsråd Magnhild Meltveit Kleppa:
I
spørsmålet beskriv representanten Andersen ein situasjon som vi begge er
einige om er vanskeleg, og som vi begge ynskjer å betra. Eg vil nødig det
her skal stå igjen eit forsvar for å bruka økonomiske verkemiddel for å
redusera behandlingstida, i forhold til det som for meg er viktig å streka
under, nemleg at det er uheldig om nokre pasientar får stansa nødvendig
behandling i institusjon etter fem månader for å unngå å få reduserte
trygdeytingar. Og det er svært uheldig om den yngre delen av dei
psykiatriske pasientane her skulle oppleva at dei får problem i sin eigen
etableringsfase på grunn av dette.