Ågot Valle (SV):
Jeg har følgende
spørsmål til barne- og familieministeren:
Barnevernet i flere fylker rapporterer
om store vansker med å få tak i fosterforeldre, særlig til barn over 10 år
(« Fosterhjemstørke »). I Hordaland står 37 barn i kø, og flere tvangsvedtak om
plassering i fosterhjem er blitt kjent ugyldige fordi barnevernet ikke har
klart å finne fosterhjem innen fristen. Dette får store konsekvenser for
barn som allerede har opplevd for mye vondt over for lang tid.
Hva vil statsråden gjøre for å styrke
fosterhjemsarbeidet?
Statsråd Valgerd Svarstad Haugland:
Det beste for borna når dei ikkje kan vera heime, er å få vera i ein god
fosterheim. Spørsmålet som representanten Ågot Valle reiste, om desse borna
blir tekne godt nok vare på, er derfor eit veldig viktig og alvorleg
spørsmål.
Dei fleste borna som ventar på ein
fosterheim, gjer det medan dei bur i eit anna fylkeskommunalt tiltak. Det
kan vera ein beredskapsheim, ein institusjon eller eit anna omsorgstilbod.
I meldingane som departementet får frå
kommunane gjennom fylkesmennene, blir det rapportert at det ikkje er mange
born som ventar på fylkeskommunale tiltak eller fosterheimar i meir enn seks
veker - for heile landet var det ca åtte kvart kvartal i 1997. Ut frå dei
opplysningane eg har, er det òg svært få vedtak som er blitt oppheva fordi
den lovfesta ventetida ikkje har blitt fylgt. Det gjer ikkje saka mindre
alvorleg, og eg vil fylgja nøye med i utviklinga for dei borna som må venta
på å få koma i fosterheim.
Vi får rapportar om at borna som ikkje
kan bu heime, er meir skadde og har fleire problem enn tidlegare. Det krev
at barnevernet og andre har eit godt samarbeid. Det krev òg at
fosterheimane får god oppfylging frå barnevernstenesta. God oppfylging er
òg ein føresetnad for å lukkast med rekrutteringa.
Departementet utarbeidde ein eigen
handlingsplan for dette området som blei lagd fram den 25. august 1997,
altså for berre eit halvt år sidan. Føremålet med planen er å skaffa gode
nok fosterheimar. I planen er det sett opp fylgjande mål:
- sikra
regelmessig oppfylging av fosterborn og fosterforeldre
- avklara
framtida og oppfylginga av fosterborn i god tid før dei fyller 18 år
- auka
kompetansen og styrkja opplæringa av fosterforeldre
- auka
rekrutteringa av fosterheimar
- avklara
og betra samarbeidsforholda
- auka
kunnskap og forsking om fosterborn og fosterheimar
- revidera
dei fylkeskommunale fosterheimsplanane innan 1. mai 1998
Ein handlingsplan treng òg oppfylging.
Det er særs viktig når det må vera høg innsats på fleire forvaltnings- og
fagområde. Fylkesmannen vil vera sentral i dette arbeidet. Fylkesmennene
og departementet utarbeider no ei eiga form for rapportering for å sjå til
at tiltaka i handlingsplanen vert sette i verk.
Eg håpar at tiltaka i planen vil sikra
nok fosterheimar i framtida.
Ågot Valle (SV):
Jeg takker for
svaret og er glad for at barne- og familieministeren tar dette arbeidet på
alvor. Det som egentlig var kjernen i mitt spørsmål, var hva man skal gjøre
for å få flere fosterhjem. Det er ulike forhold i de forskjellige fylkene.
I noen fylker mangler det flere fosterhjem enn i andre, og i Hordaland er
situasjonen slik vi ser det, alvorlig.
Når vi skal se på rekrutteringa, er
det viktig å høre på hva fosterhjemsforeldre sjøl sier. De har i hvert fall
fortalt meg at det handler om mangel på rettigheter, spesielt
pensjonsrettigheter når de er nødt til å gå ut av ordinært arbeid, og, som
barne- og familieministeren snakket om, oppfølginga de kan få av
barnevernet, og hvorvidt de blir tatt på alvor som rettmessige medarbeidere
i barnevernet. Det handler også om kompetansen og stabiliteten i
barnevernet. Jeg vil spørre statsråden: Vil statsråden gjøre noe med
rettighetene til fosterforeldre, og vil hun se på kompetansen som trengs i
barnevernet for å følge fosterhjemsforeldre opp på en skikkelig måte?
Statsråd Valgerd Svarstad Haugland:
Eg føler faktisk at ein del av dei spørsmålsstillingane som representanten
reiser i tilleggsspørsmålet, er dekte inn i den planen som blei lagd fram
for eit halvt år sidan, og som no har begynt å fungera. Ein skal m.a fylgja
opp fosterforeldre, og ein skal òg prøva å auka rekrutteringa. Eg har hatt
besøk frå Norsk Fosterhjemsforening og vore i dialog med dei, og det vil
koma til nytte. Dei har reist mange av dei same problemstillingane. Eg
trur at det arbeidet vi no har sett i gang, òg vil føra til at barnevernet
får heva kompetansen sin.
Når det gjeld pensjonsrettane, har eg
ikkje vurdert det i denne samanhengen, men det signalet som blei gitt, skal
eg ta med meg. Men eg trur, som representanten, at fosterforeldra har ei
kjensle av at desse rettane er viktige, og at dei treng eit godt samarbeid
med barnevernet for at dei skal kunna tora å ta på seg den viktige oppgåva
det er å vera fosterforeldre. Min intensjon er at etter denne
oppfylgingsplanen skal akkurat desse problemstillingane bli teke opp i
samarbeid med foreininga og fosterforeldra.
Ågot Valle (SV):
Statsråden refererer
til handlingsplanen. Nå er det det med den handlingsplanen at det faktisk
ikke følger penger med den, slik jeg har blitt informert. Statsråden sier
også at hun har vært i kontakt med Norsk Fosterhjemsforening. Det har jeg
også vært. De er opptatt av at hele det komplekse feltet som dette
fosterhjemsarbeidet er, blir gjennomgått skikkelig, og at vi får enda mer
kunnskap om forskningen, undersøkelsene og det arbeidet som er gjort rundt
det.
Vil statsråden ta et initiativ til en
grundig gjennomgang - til noe mer enn handlingsplanen - f.eks gjennom en NOU
og en etterfølgende stortingsmelding?
Statsråd Valgerd Svarstad Haugland:
Spørsmålet om statsråden vil ta initiativ til eventuelt ein NOU med ei
oppfylgjande stortingsmelding, er noko Regjeringa ikkje har drøfta. Sjølv
har eg stor sympati for den tanken. Eg har ikkje teke endeleg standpunkt
enno. Eg føler òg at det er viktig å få evaluert og sett om handlingsplanen
slår til på ein positiv måte, slik at ein del ting blir retta opp og gjort
betre gjennom at handlingsplanen får verka ein periode. Men tanken om å få
ein NOU og ei stortingsmelding er absolutt ikkje framand for meg. Eg kan
ikkje stå her og lova at det kjem til å skje i næraste framtid, for
Regjeringa har ikkje drøfta det. Men eg veit kva som står både i mitt eige
partiprogram og i andre sine program, så vi får koma tilbake til det. Vi
kjem iallfall til å fylgja feltet veldig nøye. Vi ser at det er eit av dei
områda som er særs viktige. Det er ein av grunnane til at denne Regjeringa
styrkjer barnevernet ein del meir enn den førre regjeringa gjorde, fordi
barnevernet òg må inn i samarbeidet med bl.a fosterforeldra.