Grethe G Fossum (A):
Jeg vil gjerne
få lov å stille følgende spørsmål til barne- og familieministeren:
Barne- og familieministeren har ved
flere anledninger sammenlignet den norske kontantstøtteordningen med den
finske modellen for « stöd för småbarns vård ».
Hvilke forskjeller finner barne- og
familieministeren mellom de to modellene?
Statsråd Valgerd Svarstad Haugland:
Den finske ordninga som representanten Fossum viser til, har eit meir
omfattande regelverk enn den ordninga vi har tilrådd.
I Finland kan familiar med born under
tre år velja mellom kommunal barnehageplass, kontantstøtte - det dei kallar
« hemvårdsstöd » - eller støtte til at private kan ta omsorga for borna - det
dei kallar « Stöd för privat vård av barn ». I fjor haust vart det innført ein
rett til barnehageplass for familiar som ynskjer barnehage, og det er
kommunen som skal legga til rette for dette.
Før eg går inn på sjølve
kontantstønaden, vil eg fyrst seia litt om barnehagesektoren i Finland.
Finnane har tradisjon for kommunale
barnehagar, og berre ein mindre del av barnehageborna har plass i private
barnehagar. Dei kommunale barnehagane får ikkje øyremerkt statleg tilskot
som i Noreg. Den vesle gruppa med private barnehagar er avhengig av stønad
frå kommunen eller at familiane vel den ordninga som gir stønad til privat
pass av born. I Finland har alle barnehagar foreldrebetaling i høve til
familien si inntekt, og nivået på betalinga er jamt over lågare enn hos oss.
Kontantstønaden - eller
« hemvårdsstödet » - kan tingast av familiar med eit barn under tre år som ikkje
nyttar kommunal barnehageplass for dette barnet. Stønaden er sett saman av
ein grunndel som går til alle, og ein tilleggsdel utrekna i høve til
inntekta til familien og storleiken på familien. Store familiar med låg
inntekt får eit høgare tillegg enn små familiar med høg inntekt. I tillegg
til dette kjem eit syskentillegg for eldre born under skulealder dersom dei
heller ikkje nyttar kommunal barnehage. Stønaden er skattepliktig inntekt
for mottakar. Det vert ikkje stilt krav om at ein av foreldra må vera
heime. I informasjonen frå det finske trygdeverket kjem det fram at « Barnet
kan vårdast av någondera föräldern, eller t.ex av en släktning eller annan
vårdare ». I tillegg til stønaden frå staten kan kommunane velja om dei
ynskjer å legga til eigne midlar, slik at stønaden vert høgare.
Familiane kan velja å la eldre born
under skulepliktig alder gå i kommunal barnehage, medan dei tek imot
kontantstønad for den yngste. På den andre sida mister dei det såkalla
syskentillegget, som eg nemnde ovanfor.
Under det siste alternativet, støtte
til privat omsorg for born, blei det løyst ut støtte dersom ein vel å nytta
privat barnehage eller dagmamma for born opp til seks år. Både private
barnehagar og dagmammaer må registrerast, og midlane går direkte til den som
passar borna. På same måten som for « hemvårdsstödet » er stønaden sett saman
av ein grunndel for kvart born og eit tillegg i høve til inntekt og familien
sin storleik. Mottakar betalar skatt av desse pengane. Kommunane kan
sjølve avgjera om dei vil gje stønad i tillegg.
Stønad for « hemvård » av born og stønad
for « privat vård » kan ikkje utbetalast samtidig til den same familien.
I høve til det forslaget til regelverk
som denne regjeringa nett har lagt ut til offentleg høyring, er den finske
ordninga langt meir omfattande og komplisert på fleire måtar. Finnane har
fleire tilskotssatsar - noko av tilskotet er i høve til familien si inntekt,
noko av tilskotet er skattepliktig, og systemet for dagmammaer og private
barnehagar er meir kontrollert enn våre private dagmammaer, slik vi har det
i dag. Systemet verkar likevel noko mindre kontrollert samanlikna med
godkjende private barnehagar med statstilskot som vi har her hos oss.
Når det gjeld det viktige målet om
større valfridom for småbarnsforeldra i høve til omsorgsløysingar for eigne
born, er det derimot lite som skil desse to ordningane. Både den finske
ordninga og forslaget vårt opnar for valfridom ved at familiane får stønad
same kva for omsorgsform dei vel, og det blir ikkje stilt krav om å vera
heime for å få kontantstønad.
Vi har tillit til at folk vel det som
er best for dei, og at mange vel å vera heime og bruka meir tid saman med
borna. Erfaringar frå Finland viser at i nesten 70 % av tilfella er ein av
foreldra, og då som regel mor, heime i den tida familien får kontantstønad.
Statistikk viser vidare at om lag sju av ti familiar med born under tre år
tek imot kontantstønad i delar av tida fram til barnet fyller tre år, medan
berre om lag to av ti nyttar ordninga heilt til barnet fyller tre år. Dette
syner òg at mange familiar vel andre omsorgsløysingar, spesielt når borna
blir noko eldre.
Når eg frå tid til anna har vist til
ordninga med kontantstønad i Finland, er det ikkje fordi eg vil at vi skal
nytta dei same reglane. Føremålet har vore å gje døme på at det finst
ordningar med kontantstønad som fungerer og gjev barnefamiliane valfridom.
Eg har inga tru på at ein berre kan kopiera eit regelverk som er laga med
andre rammevilkår. Men det vil ikkje seia at ein ikkje kan samanlikna,
henta inspirasjon og læra av kvarandre.
Gunnar Breimo hadde her overtatt
presidentplassen.
Grethe G Fossum (A):
Jeg takker
statsråden for det omfattende svaret.
Det er helt klart at statsråden her
ser mer på valgfrihet enn på de begrensningene som finnes i Finland nettopp
for å gi barn et mer kontrollert og bedre tilbud. - Men la det ligge.
Den norske kontantstøtten skal
evalueres kontinuerlig. Det er sendt ut et høringsdokument, samtidig som vi
har fått høre at Fremskrittspartiet ikke på noen måte vil ha innskrenkninger
i den modellen som statsråden har lagt fram. Hva mener egentlig statsråden
med positiv omtale av den finske modellen, uten å ville hente noe fra den,
med en kontinuerlig evaluering av kontantstøtten, uten å ha muligheten til å
forandre noe, samtidig som Fremskrittspartiet sier at slik skal det være og
sånn må det være i garantert fremtid? Hva mener egentlig statsråden med å
sende ut et høringsdokument med en frist på fire uker, slik at folk ikke får
tid til å uttale seg, eller vil ikke statsråden gi mulighet til forandring?
Statsråd Valgerd Svarstad Haugland:
Her var det fleire ting å gripa fatt i, og eg kan begynna med det siste, at
ein berre har gjeve fire vekers høyringsfrist. Eg innser at vi burde ha
hatt to veker til, men det er ikkje fyrste gongen ei regjering sender ut ei
sak med ei avgrensa høyringstid når det hastar å få saka i hamn. Det er
fyrste gongen denne regjeringa har gjort det, men også tidlegare regjeringar
har gjort det. Det er noko som vi eigentleg ikkje ynskjer å ty til, men vi
såg at for at saka skulle bli handsama av Stortinget i vår, var vi nøydde
til å bruka noko kortare høyringstid. Det seier eg meg lei for, men slik er
det.
Så var det snakk om at statsråden
ikkje hentar noko frå den ordninga dei har i Finland. Det er jo ikkje sant,
for Finland har to prinsipp som har vore veldig viktige for meg. Det er at
dei ynskjer å gje støtte til dei som ikkje går i dei kommunalt drivne
barnehagane. Vi ynskjer å gje støtte til dei som ikkje går i barnehagar med
statsstøtte. I tillegg har dei heller ikkje sett krav om at ein av foreldra
skal vera heimeverande heile tida. Det ynskjer heller ikkje eg. Så eg
hentar faktisk inspirasjon òg frå Finland - dersom representanten ynskjer å
høyra etter.