John I Alvheim (Frp):
Jeg skal få lov
å stille den ærede sosialminister følgende spørsmål:
I helseregion II er det fritt
sykehusvalg. En pasient fra Telemark som valgte behandling ved et sykehus i
Østfold, ble nektet behandling der fordi dette sykehuset ikke fikk
DRG-betaling, da denne skulle betales til Telemark.
Mener statsråden at dette er en riktig
forståelse når det gjelder innsatsbasert finansiering?
Statsråd Magnhild Meltveit Kleppa:
Gjestepasientbetalinga mellom fylka blir for dei fleste fylka sitt
vedkomande regulert gjennom ei kurdøgnbasert oppgjersordning. Mange fylke
praktiserer denne betalingsordninga slik at gjestepasientinntektane går
direkte til behandlande sjukehus. Dette er f.eks tilfellet ved dei statlege
sjukehusa og ved Oslo-sjukehusa. Staten utarbeider årleg ei normert
prissetjing som skal dekkja 100 % av utgiftene til pasientbehandlinga. Fylka
nyttar dette som basis for gjestepasientoppgjeret.
Ordninga med innsatsstyrt finansiering
er ei ordning der staten ynskjer å stimulera til auka sjukehusaktivitet.
Innsatsstyrt finansiering er ei kombinasjonsfinansiering der 45 % av inntekta
kjem fram som ei aktivitetsbasert finansiering og den resterande delen kjem
fram som ei auka rammeløyving til fylka. Innsatsstyrt finansiering er ei
finansieringsordning som blir nytta mellom staten og pasientane sitt
heimstadsfylke. Ordninga er ikkje meint nytta i gjestepasientoppgjera
mellom fylka.
Fylka praktiserer i dag ei ordning der
talet på kurdøgn blir nytta som betalingsparameter. Innsatsstyrt
finansiering nyttar som kjent det såkalla DRG-systemet som grunnlag for
betalinga. Departementet er i ferd med å vurdera om DRG-systemet òg kan
nyttast som grunnlag for betalingssystem knytt til gjestepasientoppgjera
mellom fylka.
Konkret til representanten Alvheim
sitt spørsmål vil eg seie at det altså er slik at systemet med innsatsstyrt
finansiering ikkje kan lastast for at den nemnde pasienten ikkje fekk
behandling i Østfold. Betalinga knytt til gjestepasientoppgjera blir
regulert via gjestepasientordningane mellom dei ulike fylka. Departementet
er kjent med at det i helseregion II på sjølvstendig grunnlag er etablert ei
form for gjestepasientoppgjer som i den konkrete saka det her er vist til,
har hatt klart uheldige konsekvensar når det gjeld pasientane sitt frie
sjukehusval.
Representanten Alvheim er kjend med at
Stortinget har bede Regjeringa etablera ei ordning med fritt sjukehusval
over heile landet i samband med framlegginga av den nye lova om
pasientrettar. I ei statleg ordning med fritt sjukehusval vil det sjølvsagt
vera dei sentrale styresmaktene sitt ansvar å gje rammevilkår som hindrar at
sjukehusa føretrekkjer pasientar frå det eine eller det andre fylket.
Sosial- og helsedepartementet vurderer no korleis ei slik ordning skal kunna
utformast i praksis. Til dette nye lovverket ligg føre må fylkeskommunane
og dei enkelte regionale helseutvala sine system aksepterast når det gjeld
fritt sjukehusval i regionane.
Per Ove Width hadde her overtatt
presidentplassen.
John I Alvheim (Frp):
Jeg takker
statsråden for svaret og har den kommentar at når det gjelder tilfellet i
Telemark, er det nettopp den innsatsbaserte finansieringen som har skapt
problemene i forhold til Østfold og Telemark fylker - og det gjelder ikke
bare én pasient, det gjelder flere.
Ellers er det riktig som statsråden
var inne på, at Stortinget gjorde et enstemmig vedtak under
budsjettbehandlingen i fjor om at det skulle innarbeides fritt sykehusvalg i
hele landet, på samme behandlingsnivå, i den forventede
pasientrettighetsloven. Men min påstand er at så lenge den innsatsbaserte
finansieringsdelen kun skal utbetales til bostedsfylket, vil det ikke være
praktisk mulig å gjennomføre fritt sykehusvalg. Med fritt sykehusvalg må
pengene nødvendigvis følge pasientene.
Mitt oppfølgingsspørsmål er -
statsråden har for så vidt indirekte svart på det, men likevel: Vil
departementet overfor Stortinget ta initiativ til at den innsatsbaserte
finansieringsandelen kan utbetales til behandlende sykehus?
Statsråd Magnhild Meltveit Kleppa:
La
meg fyrst seia at eg sjølvsagt skal syta for at dei synspunkta som
representanten Alvheim her framfører, kjem vidare til helseministeren, som i
desse dagane arbeider med desse spørsmåla. Utbetalinga av den
innsatsfinansierte delen vil òg bli nærare avklart i departementet. Men la
meg òg leggja til at i tillegg til oppgjersordningane må det etablerast eit
informasjonssystem som gjer at pasientar og primærlegar får informasjon til
å kunna gjera sjukehusval på best mogleg grunnlag. Departementet greier
òg i desse dagane ut korleis slike system kan utformast i praksis.
Sannsynlegvis må det etablerast eit system for informasjon om ventetid og
kvalitet ved dei ulike sjukehusa, og elektronisk timetinging er òg til
vurdering i den samanhengen.