Kirsti Saxi (SV): «Grunnet meget stram økonomi
i mange kommuner blir barnehager lagt ned når kommunene
skal spare penger. De siste årene har kommunene og foreldrene
måttet betale større og større del av
de faktiske utgiftene fordi statstilskuddene har økt lite.
Tidligere har statens målsetting vært å dekke
40 pst. av driftstilskuddet til barnehagene.
Vil Regjeringen fortsatt gå inn for
denne målsettingen?»
Statsråd Valgerd Svarstad Haugland: Regjeringa ser det som eit offentleg ansvar å sikra
at barnehageplass skal vera eit reelt tilbod til alle. Målsettinga
har vore at det offentlege skal dekka 70 pst. av utgiftene
i sektoren for å halda foreldrebetalinga på eit
rimeleg nivå. Av dette skal staten dekka 40 pst.
og kommunane 30 pst. Regjeringa står sjølvsagt
fast ved målsettinga om at staten skal dekka 40 pst.
av kostnadene i sektoren.
Tal frå Statistisk sentralbyrå over
fordeling av kostnader i barnehagane viser at ein nærmar
seg målet for statleg finansiering. I 1997 dekte staten
meir enn 37 pst. av kostnadene for sektoren samla, 40 pst.
for dei private og 36 pst. for dei kommunale barnehagane.
Det er all grunn til å tru at desse delane har auka ytterlegare
etter dette. I 1999 har satsane for statleg driftstilskot auka to
gonger, fyrst gjennom ei harmonisering med satsane for kontantstøtte,
og i tillegg vart det løyvt ekstra midlar gjennom revidert
nasjonalbudsjett. Samla sett er barnehagane tilførte over ½ milliard
kr.
Eg meiner derfor at staten no nesten har oppfylt
målsettinga om å dekka 40 pst. av utgiftene
i sektoren. Men Regjeringa vil sjølvsagt fylgja kostnadsutviklinga
i sektoren nøye i tida framover. Vi ynskjer at alle barnehagar skal
ha likeverdige økonomiske driftsvilkår, uavhengig av
eigeform, og at foreldrebetalinga skal vera på eit nivå som
inneber at alle har råd til plass dersom dei ynskjer det.
Eg viser elles til den komande stortingsmeldinga om barnehagar,
der desse sakene skal bli grundig drøfta.
I dag er meir enn halvparten av barnehagane
private. Medan staten ikkje skil på eigeform, men gir same
tilskot til alle plassar, er det store variasjonar i den kommunale ressursinnsatsen.
SSB sine tal over fordelinga av kostnader i barnehagesektoren viser
at kommunane sin del har gått ned på 1990-talet.
I 1997 dekte kommunane samla snaut 19 pst. av kostnadene
i barnehagesektoren. Dette er langt frå målsettinga
om 30 pst. I dei private barnehagane dekte kommunane berre
7 pst. av kostnadene, noko som er ei halvering sidan 1991.
Det er òg berre litt over halvparten av plassane i privat
sektor som får kommunalt tilskot.
Det vekker bekymring at kommunane ikkje greier å oppfylla
sin del av målsettinga om kostnadsdeling, særleg med
tanke på konsekvensane for dei private barnehagane. Denne
nedgangen i kommunal medfinansiering inneber at foreldrebetalinga
blir høgare. Satsane for eigenbetaling har auka meir enn
den generelle prisstiginga dei seinare åra, og auken har
vore størst i dei private barnehagane. Her må no
foreldra dekka over 45 pst. av kostnadene.
Private barnehagar har òg i liten
grad økonomisk evne til å tilby graderte satsar
etter inntekt, søskenmoderasjon eller andre verkemiddel
for å sikra at barnehageplass skal vera eit gode for alle
som ynskjer det.
Eg viser igjen til stortingsmeldinga om barnehagar, der
Regjeringa vil drøfta desse spørsmåla
grundigare.
Kirsti Saxi (SV): Jeg takker ministeren for svaret.
Det som bekymrer meg mest, er at foreldrebetalingen har økt
veldig, og at kommunene nå driver og legger ned barnehager
for å spare på barnehagebudsjettene. Da må jeg
spørre: Vil 40 pst. være nok til å stimulere
kommunene til å gå inn for å satse på barnehagene?
Vil man legge opp til det i stortingsmeldingen som legges fram til
høsten, når man nå ser at kommunene er
i ferd med å legge ned barnehager til tross for at man
ligger på nesten 40 pst.?
Statsråd Valgerd Svarstad Haugland: Eg deler representanten si bekymring i forhold
til den høge foreldrebetalinga, spesielt i dei private
barnehagane. Skilnadene frå den eine kommunen til den andre, òg
faktisk frå den eine barnehagen innan ein kommune til den
andre, er veldig store. Det å fortelja kommunane kva prisnivå dei
skal legga seg på, grip veldig sterkt inn i kommunane sin handlefridom.
Men bekymringa deler eg altså.
Så til spørsmålet
som vart stilt med grunngjeving at kommunane driv og legg ned barnehagar.
Vi får no venta og sjå kor mange barnehagar som
reelt blir lagde ned. Vi veit at rådmenn veldig ofte plar
foreslå slike tiltak, men kommunestyra plar retta det opp
igjen når dei vedtar budsjetta sine. Det skjer kvart år.
Dessutan veit vi òg at mange av familiebarnehagane kvart år
blir skifta ut fordi dei er meir ustabile. Dei overlever som regel
berre nokre år før familiane ynskjer andre ordningar.
Dei er ofte kombinerte med at ein passar på sine eigne
born.
Spørsmålet om vi vil legga
oss på 40 pst. i barnehagemeldinga som kjem til
hausten, kan eg sjølvsagt ikkje svara på i dag.
Det svaret vil ein få når meldinga kjem.
Kirsti Saxi (SV): Jeg takker så langt for svaret.
Ifølge et referat fra NRK i går
varierer prisene på foreldrebetalingen veldig fra kommune
til kommune. Det som bekymrer meg nå, er at det er avhengig
av kommunens økonomi og politiske vilje hvor mye man ønsker å satse
på barnehager. Resultatet blir ofte at foreldrene må ta
det største økonomiske trykket. Et resultat av
det kan være at i rike kommuner vil det være billig
for foreldrene å ha barnehageplass, og i fattige kommuner
kan det være veldig dyrt.
Er man villig til å gå inn
og sette et pristak på foreldrebetalingen?
Statsråd Valgerd Svarstad Haugland : Det er klart at satsinga på barnehagar
i kommunane er avhengig av kommunane sin økonomi og politikarane
sin vilje. Slik har det alltid vore, og slik kjem det òg
til å vera i framtida. Eg synest det er viktig at stortingspolitikarane
og Regjeringa ikkje skal overstyra kommunane i alle ting. Den kommunale
fridomen må oppretthaldast òg på dette
området.
Det at det er store skilnader, var ikkje noko
nytt for meg i går. Det har vi visst lenge, så eg
er einig med representanten Saxi i det. At kommunar med dårleg
råd har høg foreldrebetaling, og at dei rike kommunane
har låg foreldrebetaling, er ikkje eit heilt rett bilete.
Det er faktisk store variasjonar der òg. Det er i alle
fall mi erfaring.
Når det gjeld spørsmålet
om vi vil foreslå eit pristak i stortingsmeldinga, kan
representanten Saxi faktisk ikkje få svar på det
i dag. Eg trur eigentleg ikkje ho hadde venta det heller.