Magnar Lund Bergo (SV): Jeg vil gjerne stille følgende spørsmål
til kulturministeren:
«I januar 2003 vedtok styret i NRK å slå sammen
7 distriktskontorer til 3. Hensikten var å effektivisere
ledelse og administrasjon
for å styrke journalistikken. Kulturministeren godkjente
sammenslåingen, men uttrykte til Dagsnytt
9. januar 2003 at det var avgjørende at de journalistiske
ressursene ble styrket. I siste utgave av Journalisten kommer det
fram at disse kontorene i dag har mindre journalistiske
ressurser som følge av sammenslåingen.
Mener statsråden dette er i tråd
med intensjonene for sammenslåingen?»
Statsråd Valgerd Svarstad Haugland: Eg har på vanleg måte
lagt spørsmålet frå representanten Lund Bergo
fram for leiinga i NRK.
NRK sin distriktsorganisasjon
har gjennomgått omfattande omorganisering og effektivisering
dei siste åra. Målet har vore å styrkja
den journalistiske slagkrafta og samstundes få NRK sine
budsjett i balanse.
Ein del av innsparingane i 2002 og 2003 vart
gjord i samband med samanslåinga av distriktskontora i
Hedmark og Oppland, i Trøndelag, i Nord-Noreg og på vestsida
av Oslofjorden. Det var heile tida ein føresetnad
at innsparingane primært skulle skje innanfor
leiing, administrasjon og
støtteapparat. I tillegg skulle etableringa av fleire fellessendingar
frigjera ressursar til auka journalistisk satsing i dei
aktuelle regionane.
NRK opplyser at sjølv om redaksjonelle
ressursar i nokon grad òg er ramma, er hovuddelen av innsparingane
gjord gjennom effektiviseringar i leiing og administrasjon. I tillegg
har etablering av fleire fellessendingar frigjort ressursar, slik
at det i dag står fleire journalistårsverk bak
kvart sendeminutt på dei fire samanslåtte
kontora enn det var tidlegare. Samanslåing av distriktskontora
har òg opna for å oppretta fleire nye
lokalkontor.
NRK opplyser òg at dei no har sett
i gang arbeidet med å flytta ut journalistårsverk
frå Marienlyst til distrikta. Kirkenes, Trondheim og Bergen
har difor fått tilført nye journaliststillingar
frå januar 2004.
Hovudsaka må etter mi meining vera
at kvaliteten på sendingane blir like gode eller
betre. Eg kan her nemna at lyttartalet for 2003 viser auka
oppslutnad om distriktssendingane. I fjor lytta kvar tredje
nordmann dagleg til minst éi distriktssending. Nord-Trøndelag
og Hedmark var to av fylka som hadde størst auke
i lyttaroppslutnad. Dette tyder på at samanslåinga
ikkje har gått utover kvaliteten på det
redaksjonelle produktet.
Magnar Lund Bergo (SV): Jeg takker for svaret.
Som statsråden er også jeg
glad for at NRK befester sin sterke posisjon, og jeg er også glad
for at våre verste antakelser om hva
denne rasjonaliseringen kunne ha ført til, ikke
har slått til. Det ser ut for meg som om dette lykkes i
en slik grad – og det vil ikke overraske meg – at NRKs
ledelse nå ser fram mot å organisere hele
NRKs Distrikts-Norge i fem-seks regionkontor. At det er flere som
hører på sendingene, er nå én
ting, men er disse spurt om de foretrekker de lokale sendingene eller
storregionsendingene? Slike målinger er ikke
gitt.
Det andre er at ledelsen i NRK sier
at det er flere journalistårsverk pr. sendte minutt. Selvfølgelig,
det må det bli, men er det ikke riktigere å spørre
om det er mer journalistisk arbeid pr. lytter?
Statsråd Valgerd Svarstad Haugland: Eg synest det siste spørsmålet
er litt vanskeleg å svara på.
Det som er viktig for lyttarane, er at det er gode program
som blir sende. Det er opplagt at det at ein brukar fleire journalistminutt
pr. minutt som blir sendt, bør i alle fall bety
at kvaliteten blir heva. Med så mange tilbod som vi har
i dag, på ulike radiokanalar, opplever vi at det er fleire som
lyttar på distriktssendingane, og det betyr at det er kvalitet
over dei. Dersom dei ikkje gir oss noko av kvalitet,
lyttar vi heller ikkje på dei. Den norske
befolkninga blir meir og meir oppteken av kvalitet og av kva dei
lyttar til, og dei lyttar til det dei synest er best å lytta
til.
Når dei kontora som har vore
med i ein samanslåingsprosess, får den
største auken i lyttartal, tek i alle
fall eg det som eit teikn på at lyttarane er nøgde.
For meg er det viktige som generalforsamling i NRK å følgja
med på at programma blir betre, og at kvaliteten blir heva,
og så langt har eg ikkje grunn til å bli
uroa.
Magnar Lund Bergo (SV): Etter at det ble kjent at vi ville
ta opp dette spørsmålet i spørretimen,
har vi fått mange henvendelser fra ansatte i NRK, og det
samme går igjen fra alle. Det har blitt kuttet i journaliststillinger
ved alle de sammenslåtte distriktskontorene.
Mener statsråden at de ansatte ved disse kontorene
tar feil, at de ikke kan telle? I Finnmark, f.eks., har
man redusert fra 44 ansatte til 32 i løpet av de siste
tre årene, og ved alle de gjeldende kontor som
er rammet av sammenslåing, er det færre journaliststillinger.
Samtidig har NRK fått 100 flere ansatte i løpet
av et år, og vi er også gjort kjent
med at NRK legger opp til å kutte journalistårsverk
videre ved alle de sammenslåtte kontorene i løpet
av neste halvår. Mener statsråden at
NRK-ledelsen har gitt henne fullgod informasjon i denne saken, og
hva vil statsråden gjøre? Vil statsråden
gjøre noe for å stoppe den reelle nedbemanningen
ved distriktskontorene?
Statsråd Valgerd Svarstad Haugland: Som eg sa i det fyrste svaret mitt, opplyser
NRK at dei har sett i gang eit arbeid med å flytta ut journalistårsverk
frå Marienlyst til distriktskontora. Eg nemnde bl.a. Kirkenes
som eit av dei kontora som har fått auka bemanning
i inneverande år. Talmaterialet som det vart opplyst om
i artikkelen i Journalisten, er feil. Det er ein reduksjon
i talet på journaliststillingar eller redaksjonelle årsverk,
det er rett, men ikkje så stor reduksjon
som bladet Journalisten opplyste om.
Poenget er at når NRK skal få økonomien
i balanse, må dei òg sjå på årsverka.
Det dei seier, er at dei fleste av dei reduksjonane som har skjedd,
har kome på administrative stillingar, tekniske
stillingar og ikkje på journaliststillingar,
for det er noko av det dei ynskjer å hegna om.
At det òg er ein reduksjon der, må vi
godta, men vi må følgja nøye
med på at kvaliteten på programma ikkje blir
dårlegare, og der er eg heilt sikker på at lyttarane
vil gi oss ganske klare signal i forhold til lyttartal.
Så følgjer eg vidare med
i det som skjer i NRK, og ein del av det som representanten antyder
kjem til å skje, er iallfall informasjon som eg ikkje
kjenner til. Den skal eg innhenta for å sjå kva
vi eventuelt skal gjera med det.