Magnhild Meltveit Kleppa (Sp) [12:19:50]: Eg føler behov for spesielt å gjera merksam på forslaget i sak nr. 13, sjølv om eg gjerne kunne ha sagt noko om alle forslaga.

Som representanten Schjøtt-Pedersen og vel òg statsråden var inne på, er dette eit område som er i utvikling. Det har skjedd mykje på kort tid, og det har komme fram ganske mange opplysingar om at byrå som driv med tenester, vil vera ei heilt spesiell utfordring for norske lønns- og arbeidsvilkår. Eg vil visa til at statsråden sjølv no sender rundt eit innlegg som er på trykk i fleire aviser, seinast i Jærbladet den 10. mai, der ho varslar at ho jamleg vil vurdera behovet for generelle tiltak på bakgrunn av utviklinga etter utvidinga. Ho fokuserer på faren for press på lønns- og arbeidsvilkåra når bedrifter frå nye EU-land får kortvarige tenestoppdrag, og bringar med seg eigne arbeidstakarar hit. Det er ein del av innlegget hennar. Ho seier altså at det er ei spesiell utfordring, og at ho sjølv vil følgja utviklinga. På bakgrunn av det meiner eg at Stortinget i dag kan vera føre var – føre var i forhold til opplysingar som har komme fram fleire gonger i media, om firma som no etablerer seg utanfor landet vårt for å tilby tenester her, og føre var i forhold til å be Regjeringa leggja fram forslag til lovheimel. Når forslaget frå Regjeringa kjem, går det an å diskutera om det skal setjast i verk eller ikkje. Dersom ein utarbeider ein slik lovheimel no, vil ein altså vera føre var. Eg synest det er veldig trist dersom det berre er Arbeidarpartiet, SV og Senterpartiet som står bak akkurat det forslaget.

Statsråd Erna Solberg [12:22:23]: Vi arbeider med en proposisjon til Stortinget basert på et ønske fra et flertall i Stortinget og signaler fra den tidligere behandlingen.

Hvis vi kommer i en situasjon hvor vi på 14 dager blir pålagt å legge frem fullstendige reguleringer ut fra at flertallskonstellasjonene forandrer seg her i salen, synes jeg Stortinget skal tenke på at de bør sette andre frister. Det er det teknisk umulig for en regjering å gjøre. Vi har strukket oss langt når vi om 14 dager legger frem et omfattende lovforslag utarbeidet i løpet av to måneder, samtidig som vi bryter enhver instruks som finnes for å ha høring med partene. Det vil bli meget vanskelig for en regjering å forholde seg til det, og praktisk umulig å gjennomføre på så kort tid, hvis dette forandrer seg. Det håper jeg Stortinget også har respekt for. De er mennesker, de som jobber i departementene også.

Magnhild Meltveit Kleppa (Sp) [12:23:45]: I forhold til denne EU-utvidinga er Stortinget i ein spesiell situasjon fordi det lenge har vore avklart at eit fleirtal ynskjer fleire tiltak enn det Regjeringa i utgangspunktet la opp til. Eg registrerer at statsråden sjølv sender innlegg der ho varslar – og på den måten prøver å skapa tryggleik – at ho vil føreta ei stadig vurdering av behovet for tiltak utover det som er blitt sett i verk så langt. Då håper eg òg at ho ikkje legg til side dei forslaga som har vore drøfta i samband med Ot.prp. nr. 44 for 2003-2004, men at ho faktisk tek dei med i si vurdering og er klar over at ho, både når det gjeld forslaget i sak nr. 13, og på andre punkt, faktisk vil ha moglegheit til å vera offensiv.

Presidenten: Da ser det ut til at det får stå igjen som en oppfordring.

Flere har ikke bedt om ordet til sak nr. 13.