Kjetil Bjørklund (SV) [13:07:17]: Dette spørsmålet er til miljøvernministeren:
«Det er bred enighet om at reduksjonene etter
Kyotoprotokollen ikke er nok til å stoppe de
menneskeskapte klimaendringene. FNs klimapanel har sagt at utslippene må ned
med 60–80 pst. i forhold til 1990-nivå. Det er
derfor liten tvil om at det må komme en ny og mer omfattende
klimaavtale.
Vil Norge kreve omfattende reduksjoner
i forbindelse med neste forhandlingsrunde?»
Statsråd Knut Arild
Hareide [13:07:47]: Som representanten Bjørklund peikar
på, er det stor semje om at dei grensene for utslepp som
er sette i Kyotoprotokollen, ikkje er tilstrekkelege for å hindra
menneskeskapte klimaendringar. Kyotoprotokollen, som tek til å gjelda
i dag, er likevel eit første, viktig steg, fordi
det gjennom protokollen for første gong er etablert
bindande utsleppsforpliktingar for ei rekkje industriland. Onsdag
16. februar 2005 er derfor ein merkedag i det internasjonale klimaarbeidet,
og eg har tidlegare i dag delteke i ei markering i regi
av CICERO og Norges Naturvernforbund av at Kyotoprotokollen
tek til å gjelda i dag.
Så til spørsmålet
om Noreg vil krevja omfattande utsleppsreduksjonar. Regjeringa
sin posisjon er klar: Noreg skal arbeida for ein meir
ambisiøs og meir globalt omfattande avtale etter
2012, som avsluttar Kyotoprotokollen sin første
forpliktingsperiode. Utgangspunktet for ambisjonsnivået
i utforminga av langsiktige avtalar må vera målet
i Klimakonvensjonen om å hindra farlege, menneskeskapte
klimaendringar. Ut frå det me veit i dag, synest det å vera
aukande semje om at den globale temperaturauken da bør vera
maksimalt 2 C samanlikna med før-industrielt nivå.
Dette svarar truleg til ein reduksjon i utsleppa
av klimagassar på det nivået representanten
Bjørklund nemner i spørsmålet sitt.
Når det gjeld dei nasjonale utsleppa,
kan eg opplysa om at Regjeringa i førre veke
vedtok å oppnemna eit utval som skal sjå på korleis Noreg
kan redusera sine utslepp betydeleg på lengre
sikt – ein nasjonal klimavisjon for 2050. Utvalet si oppgåve
blir å skissera ulike framtidsanalysar for korleis dei
nasjonale utsleppa skal kunna reduserast med 50–80 pst.
fram mot 2050. Sentrale utviklingstrekk i samfunnet skal analyserast
ut frå korleis dei kan vera med på å skapa
eit «lavutslippssamfunn». Utvalet skal ha hovudfokus
på moglegheitene som ligg i å utvikla og
ta i bruk ny teknologi for å redusera klimagassutsleppa,
men også andre framtidsanalysar baserte
på moglege endringar i produksjons- og forbruksmønster
vil bli vurderte.
Utvalet vil få ei tidsramme på 18
månader, og utvalet sitt arbeid skal vera ein
open og inkluderande prosess der relevante miljø og
aktørar vil bli inviterte til å komma med innspel.
På bakgrunn av utvalet sine
konklusjonar vil Regjeringa leggja opp til ein politisk prosess
med sikte på å utforma langsiktige nasjonale mål
for utslepp av klimagassar.
Kjetil Bjørklund (SV) [13:10:12]: Jeg takker for svaret. Jeg finner det positivt
at miljøvernministeren legger så stor vekt på dette
spørsmålet, som etter de flestes mening
er det mest omfattende miljøspørsmålet
denne kloden står overfor.
Men jeg er litt opptatt av det rent konkrete
i forhold til framtidige forhandlinger. Hvilke alliansepartnere
ser miljøvernministeren for seg at Norge
bør velge i de framtidige forhandlingene? På hvilken måte
ser statsråden for seg at det er mulig å få de
landene som ikke har ratifisert Kyotoprotokollen – f.eks.
USA og Australia – med på omfattende utslippsreduksjoner?
Statsråd Knut Arild
Hareide [13:10:54]: Eg synest representanten Bjørklund
på ein god måte viste nokre av dei utfordringane
me har. Det er ei stor utfordring at nettopp
dei to landa, Australia og USA, som representanten no nemnde, ikkje
er med. Eg har sjølvsagt vore i dialog med
begge mine kollegaer på mitt nivå. Eg
kan seia at eg føler at dei signala som Australia har gitt,
er langt meir positive enn dei som USA har gitt, og eg ser faktisk
på USA som den store utfordringa for å komma vidare
i klimaforhandlingane.
Det som eg trur er viktig, er at sjølv
om me no er nede i ein bølgjedal, må me
offensivt satsa vidare. Me må gjera ein jobb nasjonalt,
som eg la vekt på i svaret mitt. Men denne utfordringa
må jo også løysast
internasjonalt. Eg synest at EU har lagt ein offensiv strategi.
I Buenos Aires var den norske posisjonen tett knytt opp
til EU sin. Slik håper eg òg det vil vera
framover, for eg opplever EU som ei offensiv drivkraft i klimaspørsmåla.
Kjetil Bjørklund (SV) [13:11:57]: Jeg takker for svaret.
Det er en lang veg fram. Norge har
tidligere hatt et nært samarbeid med
nettopp USA og Australia i klimaforhandlingsposisjoner,
og dette er jo land som, som kjent, ennå ikke
har ratifisert Kyotoprotokollen, og som ikke regnes for å være
foregangsland når det gjelder å unngå klimaendringer,
snarere det motsatte. Da er det en stor utfordring å greie å holde
en dialog med disse landene – men vi må tenke
bredere.
Er det slike land Norge skal ha som sine
samarbeidspartnere også i de kommende forhandlingsrunder,
som må nå vesentlig lenger enn det man nådde
i Kyoto? Eller finnes det andre naturlige samarbeidspartnere?
Statsråd Knut Arild
Hareide [13:12:41]: Me har jo Umbrella Group, som bl.a. Australia
og USA er ein del av. Men det er ikkje nokon tvil om at
dei landa som er representerte der, har ulike mål. Eg synest
likevel det er veldig viktig at me gjennom det kontaktnettet
får kontakt inn mot land som Australia og USA. Det er veldig
viktig! Men eg er ikkje i tvil om at når det
gjeld dei politiske måla, ligg vi langt nærmare
EU, og me var heilt einige i den posisjonen som EU inntok
i Buenos Aires. Det må ikkje vera nokon
tvil om at me står for ein offensiv politikk, i tråd
med det som EU har gjort. Eg har lyst til å gi honnør til
EU, eg opplevde dei som ei positiv drivkraft i Buenos Aires. Men
det nettverket me har hatt i Umbrella Group, har gitt oss moglegheit
til å få kontakt inn mot Australia og USA. Ikkje
minst opplevde eg det i Buenos Aires i desember som veldig positivt
når det gjaldt Australia – dessverre
langt meir negativt i den dialogen me har hatt med USA.