Borghild Tenden (V) [12:46:31]: Jeg har følgende spørsmål
til samferdselsministeren:
«Både ved behandlingen av
Nasjonal transportplan og i valgkampen gikk
de tre regjeringspartiene inn for å øke bevilgningene
til samferdselsformål utover regjeringen Bondevik
II. I innstillingen til Nasjonal transportplan, Innst.
S. nr. 240 for 2003-2004, gikk Senterpartiet
inn for å øke rammen til samferdselsformål
med 30 mrd. kr i perioden 2006–2015.
Hvordan er fremdriften til statsråden
for å nå målet om en økning
på 30 mrd. kr innen 2015?»
Statsråd Liv Signe
Navarsete [12:46:10]: Ved handsaminga av stortingsmeldinga om Nasjonal
transportplan som Bondevik II-regjeringa la fram, hadde dei tre
noverande regjeringspartia kvar sine
framlegg om auke av rammene. Etter at framlegga
frå Senterpartiet og Sosialistisk Venstreparti
var forkasta, røysta dei subsidiært for framlegget
frå Arbeidarpartiet, som fekk fleirtal.
I valkampen gjekk partia naturleg nok inn for å få tilslutnad
til sine program, men gjorde det samstundes klart at dei
ville forhandle om ei sams politisk plattform for eit regjeringssamarbeid.
Resultatet av desse forhandlingane framgår av Soria Moria-erklæringa.
I denne er det uttalt at Regjeringa vil auke satsinga
på samferdsel i tråd med Stortingets vedtak. Dette
inneber ein rammeauke på 22 milliardar kr i høve
til framlegget frå Bondevik II-regjeringa, og er altså det
aktuelle målet for Regjeringa i dag.
Dette betyr ei sterk satsing. I den korte tida
Regjeringa hadde til å endre budsjettframlegget
frå Bondevik II-regjeringa hausten 2005, fekk me til ein
klar auke i løyvingane til samferdsel, men ikkje
så stor som ynskjeleg. I åra framover
vil Regjeringa i sin budsjettpolitikk leggje felleserklæringa
til grunn, medrekna auka satsing på samferdsel.
Som kjent vert budsjettet vedteke for eit år om gongen,
og eg kan ikkje her og no gi noko tal for komande budsjett.
Det er òg ein klar føresetnad
for ein langtidsplan at budsjetta på ein ansvarleg måte
må tilpassast den finanspolitiske situasjonen
for det einskilde året. Lat meg her sitere kva ein samla
komite uttalte i Innst. S. nr. 240 for 2003-2004 om Nasjonal
transportplan, jf. side 8:
«Komiteen
har merka seg at Regjeringa understreker at planen først
og fremst er ein prioriteringsplan, og at oppfylging vil skje i
det einskilde budsjett. Komiteen vil understreka
at planen òg i framtida skal vera ein
plan for framdrift av prosjekt, og at planen på den måten
legg sterke føringar for dei årlege budsjetta.»
Regjeringa vil leggje dette til grunn for sin
budsjettpolitikk.
Borghild Tenden (V) [12:48:12]: Jeg takker statsråden for svaret.
Jeg ser at Senterpartiet ikke
følger opp sine lovnader i forbindelse med NTP,
og det er beklagelig at de reverserer det de har lovet. Det har
jo vært veldig mye skryt av disse 460 millionene som blir
lagt inn i budsjettet for 2006. Sannheten er jo at Regjeringen allerede
ligger etter det de lovet. Jeg forventer da at det kommer
i revidert. Dersom det ikke skjer, hva skal velgerne tro
om den videre framdrift for det som bevilges innenfor
samferdselssektoren?
Statsråd Liv Signe Navarsete [12:48:52]: Veljarane skal uansett tru at med denne regjeringa
ligg me 460 mill. kr framfor det me ville ha gjort dersom Venstre
hadde halde fram i regjering i lag med Kristeleg Folkeparti
og Høgre. Det er iallfall ei klar melding til veljarane.
Veljarane veit elles særdeles
godt – det veit òg representanten Tenden – at
i ei regjeringsplattform og eit samarbeid er
det plattforma som gjeld, og ikkje dei einskilde partia sine
program. Dei ligg der, og dei har me gått til val på.
Me fekk ikkje fleirtal åleine, og det gjorde
heller ikkje Venstre. Så same kven
av oss som hadde kome i regjering, måtte me ha
gått inn i eit samarbeid. Det gjorde me, og me er veldig
stolte av den ambisjonen som ligg i Soria Moria-erklæringa
om ein auke på 2,2 milliardar kr på Samferdselsdepartementet
og Fiskeri- og kystdepartementet sine budsjett. Det er
det min jobb å arbeide for å følgje opp,
og det gjer eg kvar dag.
Borghild Tenden (V) [12:49:53]: Jeg takker igjen statsråden for svaret.
I valgkampen gikk jo som kjent Senterpartiet høyt
på banen når det gjaldt gratis ferger.
Jeg regner med at de ligger innenfor bevilgingene,
og mitt oppfølgingsspørsmål er da: Hvordan
er framdriften for det med gratis ferger, som var en lovnad
i valgkampen?
Statsråd Liv Signe Navarsete [12:50:16]: Regjeringa har sett i gang ei utgreiing om
gratis ferjer. Det er ei stor utgreiing der ein skal sjå på alle
sider, både dei konkurransemessige, dei samfunnsøkonomiske
og sjølvsagt òg verknaden for næringsutvikling
og busetnad i dette landet. Den utgreiinga skal vere ferdig
ved utgangen av 2006 og vil då danne grunnlag for ei vurdering
av om nokre ferjestrekningar skal gjerast gratis, slik det er nedfelt
i Soria Moria-erklæringa. Så det arbeidet er i
godt gjenge, og det er eit spennande arbeid, som me sjølvsagt
skal følgje opp vidare.