Dagfinn Sundsbø (Sp) [12:05:00]: «Et flyselskap som opererer fra Gardermoen,
avviste nylig en funksjonshemmet fra å gjennomføre
en forhåndsbestilt reise. Funksjonshemmede brukere av Flytoget
opplever at de blir bedt om å vente til senere avganger
fordi det ikke er tid til å trekke ut handikaprampen
på toget.
Hvilke reaksjonsformer er tilgjengelige mot
transportører som ikke legger til rette for at
personer med nedsatt funksjonsevne kan benytte deres tilbud,
og hva vil statsråden gjøre for å fremme
utvikling av et universelt utformet transporttilbud?»
Statsråd Liv Signe
Navarsete [12:05:38]: Eg takkar for at det vert sett søkjelys
på eit viktig spørsmål. Det er svært ille
at reisande med redusert mobilitet eller funksjonshemming
framleis opplever å verte nekta å reise med offentlege
transportmiddel.
Eg er oppteken av å styrkje dei formelle
rettane til passasjerar med funksjonshemming eller redusert
mobilitet, men dei døma representanten Sundsbø nemner,
viser at transportselskapa har ein lang veg å gå med å praktisere gjeldande
regelverk og vanleg skikk for kundehandsaming.
Samferdsledepartementet følgjer nøye
med på tilgjengelegheitspraktiseringa i transporten, og
eg viser til at politisk leiing allereie har kommentert den fyrst
nemnde saka i media på ein svært tydeleg
måte.
For luftfartens del har rettane til denne passasjergruppa så langt
i stor grad vorte ivaretekne gjennom ei frivillig erklæring
som vart utforma i samarbeid mellom
EU-kommisjonen og ECAC, European Civil Aviation Conference, i 2001,
og som ein del store og velvillig innstilte flyselskap har slutta
seg til. Samferdsledepartementet har teke inn desse krava
som eit krav i standardavtalen for anbodsrutene.
For å betre på dette arbeider
eg med å utforme ei ny forskrift som forbyr å diskriminere
reisande ved å vise til redusert mobilitet eller
funksjonshemming. Tilsvarande regelverk er òg utarbeidd
i EU. Forskrifta går ut på høyring i
desse dagar.
Det nye regelverket
vil vere ei klar forbetring av dagens ordning, m.a. ved
at ansvaret vil liggje på lufthamnoperatøren framfor
det enkelte flyselskapet. Vidare vil det verte mogleg
for Luftartstilsynet å kontrollere om flyselskapa og lufthamnene
respekterer forordninga, og å sanksjonere eventuelle brot.
Endeleg vil passasjeren sjølv kunne
klage saka si inn for den nye flyklagenemnda, som er under
etablering.
Når det gjeld å sikre
rettane til passasjerar med redusert mobilitet eller funksjonshemming òg
ved bruk av andre offentlege transportmiddel, syner eg
til arbeidet med ei ny antidiskrimineringslov som Regjeringa tek
sikte på å leggje fram for Stortinget til våren.
I tilfellet Flytoget vil eg ta opp spørsmålet
om manglande bruk av rampe for å ta om bord rullestolbrukarar
i eit eige brev til Flytoget.
Dagfinn Sundsbø (Sp) [12:07:52]: Jeg takker statsråden for svaret,
og spesielt for at det var så vidt konkret
når det gjelder tiltak for å gjøre noe
for å sikre funksjonshemmede universelt utformede
transportsystemer. Det ble her nevnt både forskriftsarbeid
og antidiskrimineringsloven, og det ble nevnt at Flytoget også kan
vente seg et brev om den aktuelle problemstillingen.
Beklageligvis så er ikke
de to eksemplene jeg viste til, de eneste jeg kan vise
til. Når man først reiser et slikt spørsmål,
er det mange som melder seg på. Her står jeg med
et utklipp fra NRK Buskerud, hvor en dame sier
at NSB gjør henne handikappet. Hun viser til at det er
fullstendig umulig for en rullestolbruker å ta seg fram
på Drammen stasjon. Billettluke, undergang, uteområdene
– ingen ting er organisert slik at det er mulig å komme fram. «NSB
gjør meg handikappet», sier hun.
Jeg er redd for at vi er i en situasjon
hvor dette er tilfellet, og mitt oppfølgingsspørsmål
er da knyttet til det som går på hvilke reaksjonsformer
vi må ha for at vi skal kunne stoppe dette.
Statsråd Liv Signe Navarsete [12:09:02]: Når det gjeld det siste spørsmålet
om utforming av stasjonar, er det eit spørsmål
som ligg til staten direkte, der me no arbeider etter
andre retningslinjer enn før, og for at det skal vere fullt
tilgjenge for alle. Dessverre har me framleis
ein lang veg å gå før dette er fullgodt – òg
når det gjeld utforming av stasjonsområdet på eksisterande
stasjonar.
Dei sanksjonsmoglegheitene som ligg her pr.
i dag, er ikkje svært store. Det er ikkje laga
eit eige sanksjonssystem for denne typen åtferd,
og det skulle eigentleg ikkje vere naudsynt
heller. Det burde vere både vanleg
service og god folkeskikk å sikre
at alle passasjerar kjem med, uavhengig av om ein har
ei funksjonshemming eller er rørslehemma på noko
vis. Så det som eg vil gjere inntil me får det
nye regelverket på plass,
er å halde eit større fokus på dette.
Eg vil igjen ta det opp med transportselskapa som ligg under mitt
departement, og sikre at det igjen vert implementert i
deira daglege rutinar, at ein skal ta ut rampar, at ein skal sikre
at folk kjem om bord, og at folk skal få naudsynt hjelp.
På kort sikt er dette svaret mitt. Så viss det
ikkje nyttar, får me vurdere om ein må gå inn
med eigne sanksjonar. Eg håper inderleg at det ikkje
skal vere naudsynt.
Dagfinn Sundsbø (Sp) [12:10:38]: Jeg er helt enig i at vi må håpe
at folkeskikk og serviceholdning er det som skal
sikre oss bedring på området.
Så ser også jeg
fram til at vi får på plass et antidiskrimineringslovverk
som vil formalisere både de plikter transportører
vil ha på linje med andre i samfunnet, og de reaksjonsmuligheter
samfunnet vil måtte ha for å følge opp
sakene fra de enkelte brukerne. Men det er noe vi antakelig skal
få lov til å jobbe sammen om framover
før det legges fram for Stortinget.
Statsråd Liv Signe Navarsete [12:11:18]: Eg er heilt samd i vurderingane til representanten
Sundsbø her, og eg ser fram til eit konstruktivt samarbeid
i tida framover.