Åge Starheim (FrP): Eg viser til spørsmål nr. 985 vedrørende tollregler på import av metervarer til eit EU-land, som er avgiftspliktige.
Eg viser til nye moment i problemstillinga i begrunninga for mitt nye spørsmål, og stiller statsråden følgjande spørsmål; vil statsråden på bakgrunn av nemnde grunngjeving i tidlegare spørsmål nr. 985 og ytterlegare grunngjeving i noverande spørsmål vurdere om det bør føretakast endringar av gjeldande regelverk, slik at verksemder unngår store økonomiske kostnadar p.g.a. ufornuftige reglar?
Begrunnelse
Eg viser til problemstillingar grunngjeve i mitt tidlegare spørsmål nr. 985.
Eg forstår av svaret på mitt spørsmål nr. 985 at dette er reglar som i utgangspunktet har sin opprinnelse i EØS-avtalen. Det framstår likevel for meg som eit problem på følgjande bakgrunn:
Import av metervarer til eit EU-land er avgiftspliktig, men import av metervarer til Noreg er i dei fleste tilfelle ikkje avgiftspliktig.
Når metervara vert vidaresendt til eit EU-land for vidareforedling, vert heile produktet tollpliktig ved import til Noreg. Dvs. at ein betalar toll på meirverdien som metervara vert tilført i eit EU-land.
Vert vara vidareseld i EU-området er det KUN metervara som er tollpliktig. Satsen varierer, men eg meiner at det ligg mellom 6,8 % og 12 %.
I dei aller fleste tilfelle utgjer metervara ein vesentleg mindre andel av den totale produktprisen enn det tilførte arbeidet. Dermed vert den eksakte
same vara rimelegare i EU-sona enn den vert ved import til Noreg.
Verksemder som er i denne situasjonen meiner at dette er i strid med EØS-avtala, som skal sikre fri flyt av varer og tenester.
Ein stiller seg også undrande til at dette skulle vere intensjonen med EØS-avtala.