Ingrid Heggø (A): Sogn og Fjordane Fylkeskommune søkte den 05.06.2014 om godkjenning av eit treårig forsøk i fag- og yrkesopplæringa. Søknaden gjeld eit nytt opplæringstilbod innan utdanningsprogram for teknikk og industriell produksjon. Søknad om vg3 frå direktoratet er godkjent 10.10.14. Fylkeskommunen vert stadig lova svar, men det kjem ikkje.
Korleis vil ministeren bidra for å sikre at vg2 innan maritim produksjonsteknikk vert eit søkbart tilbod for ungdom for skuleåret 2015/16?
Begrunnelse
Det er eit mål å utvikle og tilpasse fag- og yrkesopplæringa til arbeidslivet sitt behov. Ein samrøystes KUF-komité sa i handsama av st.meld 20 "på rett vei" at "det er positivt at det åpnes for mer fleksibilitet i opplæringsløpene slik at strukturen tilpasses elevers og fagområders ulike behov" og peika på at det er viktig at skuleeigarane vert stimulert til å bruka mogligheitene for fleksibilitet, komiteen meinte også at yrkesopplæringa best vert utvikla gjennom eit nært samspel mellom skule og arbeidsliv. Dette opplæringsbehovet er i tråd med arbeidslivet sitt behov, søker å ta i bruk fleksibilitet i opplæringa og er utforma i tett samarbeid med næringa sjølv.
Utgangspunktet var at næringslivet i Sogn og Fjordane etterlyser eit nytt opplæringstilbod som gjev fagkompetanse i innreiing av skip og riggar, og bedriftene Maritim Montering og Havyard Ship Technology, Leirvik garanterar for 12 læreplassar kvart år og samarbeidar med Dale vidaregåande skule om prosjektet. Søknaden er forankra i hovudutval for opplæring, fagopplæringsnemd og gjennom drøftingar med dei tillitsvalde lokalt og på fylkesnivå. Det er både fylkespolitisk støtte og påtrykk frå lokale bedrifter som gir sin fulle tilslutnad til søknaden. Dette er likevel ikkje kun ei lokal sak, men vil dekke eit behov langs heile kysten. Forsøket skal evaluerast undervegs i samarbeid mellom elevane, skulen og bedriftene. Forsøket går over tre år, og både opplæringa på skulen og utplasseringa i bedriftene skal evaluerast på slutten av kvart opplæringsår , slik at det kan gjerast justeringar undervegs.
Utdanningsdirektoratet inviterer i brev av 25.04.2014 til utprøving av vekslingsmodellar i fag- og yrkesopplæringa. Dette er svært aktuelt å prøve ut som ein del av forsøket, gjerne frå skuleåret 2015-16. Både skulen og næringslivet er fleksible og ønskjer å prøve ut ulike praktiske tilnærmingar til organisering av timeplanen i forhold til teori og praksis.
Tidsbruken har vore lang i denne saka. Utkastet til læreplan vg2 vart sendt frå skule/næringsliv til fylket 12. sept. 2013.Det vart gjort vedtak i opplæringsutvalget på fylket 30.10.13, og søknadar vart sendt både vedkommande vg2 og vg3. Det har vore mange møter og mykje korrespondanse om saka. Udir. fekk revidert søknad frå fylket den 05.06.14. Den 10.10.14 innstiller Udir. positivt vedrørende vg3. Det er framleis ikkje noko avgjerdsle vedk. vg 2. Dersom ikkje vg2 vert utlyst no før jul, vil ikkje elevane ha høve til å søkje på denne lina for skuleåret 2015/2016.
Dette prøveprosjektet vil også vera ei erfaring å ta med seg i arbeidet kring ein gjennomgang av strukturen i fag og yrkesopplæringa og er såleis ein vinn -vinn situasjon. Det hastar med å få eit svar frå utdanningsdepartementet og ein ønskjer at ministeren gjer alt han kan for å få ein fortgang i dette arbeidet.