Birgit Oline Kjerstad (SV): I Hurdalsplattforma heiter det at regjeringa vil “Lage en ny og forbedret handlingsplan for sirkulærøkonomi med konkrete og målrettede tiltak for å redusere avfall – og for å sikre økt gjenvinningsindustri og handel basert på resirkulerte ressurser i Norge”.
Når kjem regjeringa med ein slik handlingsplan for sirkulærøkonomien?
Begrunnelse
Då Regjeringa Solberg i juni 2021 lanserte sin strategi for sirkulærøkonomi vart denne kritisert frå fleire hald, mellom anna for å vere for vag, og utan konkrete og spissa tiltak for å kome i mål og oppnå ein meir sirkulær økonomi der færre nye ressursar går inn i kretsløpet. Klima- og miljøministeren sjølv, den gong i rolla som stortingsrepresentant, var ei av røystene som sa at strategien ikkje var bra nok.
Både den nye naturavtalen og våre eigne klimamål forpliktar oss til å ta grep og omstille samfunnet. Vi kan ikkje lenger hente ut så mykje ressursar vi vil, utan å tenkje på konsekvensane av inngrepa. Produksjon og transport av stadig nye varar er òg noko som sett preg på klimarekneskapen. Når vi kjenner til alvoret i naturkrisa og klimakrisa er det heilt klart at omstillinga må skje raskt nok.
Det er ikkje meir enn ein månad sidan eit samla Storting vedtok fleire oppmodningsvedtak som gjaldt sirkulærøkonomi. Dette er ein god start, men vi treng meir kraft inn i sirkulærøkonomien, og vi treng eit fokus som er breiare enn materialar og avfall. Sirkulærøkonomien bør òg handle om vedlikehald, reparasjon, lengre varigheit, restaurasjon, deling og byting. Vi må bruke ting fleire gongar, og vi må bruke ting saman. Å få til dette krev endringar i reguleringar, praksisar og økonomiske incentiv. Då oversikta over saker frå regjeringa kom for nokre dagar sidan, var ikkje nokon handlingsplan på sirkulærøkonomi å finne. Dirfor vonar eg statsråden vil gje eit konkret tidspunkt for når denne handlingsplanen kjem.