Karita Bekkemellem Orheim (A): «Kontantstøtteforeldre» kan
velge en fleksibel oppholdstid i barnehagen for sine barn. Dette
ut fra den firedelte statsstøtteordningen som ligger til
grunn for utbetaling av kontantstøtte. Hva vil
statsråden gjøre for at foreldrene til de 305 120
barn her i landet mellom 2 og 6 år skal få den samme
mulighet til å velge en fleksibel oppholdstid for sine
barn, eksempelvis 75 pst. oppholdstid i barnehage?»
Statsråd Valgerd Svarstad Haugland : Gjennom dei velferdsordningane vi har med fødselspermisjon,
tidskonto, barnehagar og no sist kontantstøtte, føler
eg at småbarnsforeldre har gode sjansar til å velja
når det gjeld omsorgstilbod. Nettopp høvet til
valfridom har jo som kjent vore heilt sentralt i arbeidet med å utforma
ordninga med kontantstøtte. Fridomen til å kunna
velja føreset likevel eit barnehagetilbod av eit slikt
omfang og ei slik utforming at det dekkjer barnefamiliane sine ulike
behov. Statens viktigaste verkemiddel for å få til
ei slik utvikling av barnehagetilbodet har vore, og er framleis,
statstilskotet til drifta av barnehagane. For neste år
har vi difor foreslått endringar i kriteria for tildeling
av driftstilskot. Endringane inneber ei meir finmaska inndeling
av opphaldstidene og ein markert auke av statstilskotet for korte opphaldstider
i barnehagane. På denne måten får barnehageeigarane
betre høve økonomisk sett til å møta
dei ulike behova til barnefamiliane.
Som representanten Bekkemellom Orheim peikar
på, er det eit klart ynske om at fleksibel opphaldstid
i barnehagen ikkje berre er knytt til dei yngste borna. Dette er like
viktig for born over kontantstøttealder. Nettopp difor går
vi i vårt budsjettframlegg inn for at ei meir finmaska inndeling
av driftstilskotet til barnehagar skal gjelda for alle alderstrinn,
og ikkje berre for årskulla som har rett til kontantstøtte.
I kva grad dei foreslåtte endringane
fører til at den einskilde familien får eit tilbod
i tråd med sine individuelle behov, vil likevel vera avhengig
av kva barnehageeigarane vel å tilby. Det er sjølvsagt
ingen garanti for at barnehagane tilbyr t.d. 50 pst. opphaldstid
i barnehagen, sjølv om statstilskotet for slik opphaldstid
blir auka. For å få dette til oppmodar eg difor
alle barnehagane om å planlegga slik at barnehagetilboda
lar seg kombinera med kontantstøtte og andre ordningar
for permisjon og ulike arbeidstider som foreldre ynskjer å gjera
seg nytte av. Til slik planlegging er det viktig at barnehageeigarane
har eit godt grunnlag å bestemma ut frå. Departementet
har utvikla ei rettleiing for gjennomføring av behovs- og
brukarundersøkingar som eg vonar vil vera til hjelp. Dette
går det ut informasjon om i desse dagar, og det vil vera
eit godt verktøy som er tilgjengeleg for alle barnehageeigarar
og kommunar.
Eg og departementet mitt har retta fleire oppmodingar til
kommunane og private barnehageeigarar til å organisera
barnehagetilbodet fleksibelt med omsyn til opnings- og opphaldstider.
Vi har hatt eit utviklingsprogram over tre år, der eitt
av hovudmåla var akkurat dette. Eg veit at mange barnahagar
i dag kjem foreldra sine ynske i møte på dette
punktet, og eg aktar å halda fram med å minna
barnehagane om kor viktig det er å tilby fleksible opphaldstider.
Karita Bekkemellem Orheim (A): Det er positivt at barne- og familieministeren
slår fast at friheten til å velge forutsetter
at barnehagetilbudet er av et slikt omfang og utformet slik at det
dekker barnefamilienes ulike behov.
Innføringen av kontantstøtte
har imidlertid medført at driftsgrunnlaget for mange barnehager
er blitt dårligere – det er svekket en del steder.
I handlingsplanen for barnehager er målsettingen at virksomheten
i barnehagene skal være mest mulig i samsvar med brukernes
behov.
En landsomfattende undersøkelse fra
SIFO viser f.eks. at nesten en av tre brukere har behov for en mer fleksibel
bruk av barnehagen enn det det gis mulighet for i dag, og over 40 pst.
sier at det passer dårlig å betale for en ordinær
heldagsplass på fem dager i uken når behovet er
fire. Flere har fått avslag på 75 pst.
plass grunnet den enkelte barnehages økonomi. De betaler
for en plass de ikke bruker. Jeg synes det er positivt at statsråden
oppmoder kommunene, men dette er ikke nok, og jeg vil utfordre statsråden
til å iverksette langt klarere tiltak overfor barnehagene
på dette området.
Statsråd Valgerd Svarstad Haugland: Eg vil gjerne gjenta det som eg sa i svaret
mitt, at det beste eg kan gjera for at kommunane og barnehagane
skal bli så fleksible, er å sjå på dei
statlege overføringane til barnehagedrifta. Og det er akkurat
det vi har gjort, for vi har òg sett undersøkinga
frå SIFO, som representanten Bekkemellem Orheim refererte
til. Vi veit òg gjennom erfaringane i utviklingsprogrammet
at det å vera brukartilpassa må bety større
fleksibilitet. Om ikkje representanten kan sjå andre positive
ting med kontantstøtta enn akkurat dette, har det iallfall
tvinga fram denne fleksibiliteten i barnehagane. Det har vore viktig
for meg at denne fleksibiliteten òg skal vidareførast
til dei borna som er over tre år, slik at dei skal få det
same tilbodet. Trengst det ein 70 pst. plass, skal ein
få det – og betala for det.
Men så må ein i samarbeid
med barnehageeigarane og dei som jobbar innanfor barnehagane, sjå litt
på kor stor grad av fleksibilitet dei skal legga opp til,
for her kan det vera kryssande interesser i forhold til å gi
borna eit godt tilbod. Dette skal vi drøfta i stortingsmeldinga,
og då kjem vi nærmare tilbake til den problemstillinga.
Karita Bekkemellem Orheim (A): Jeg oppfattet statsråden
slik at ved innføring av kontantstøtten oppfordret hun
også barnehagene sterkt til å tilpasse driften
til den fleksibiliteten det nå legges opp til i kontantstøtteordningen.
Men de samme sterke føringene kan jeg dessverre ikke se
har kommet for de foreldrene som ikke omfattes av kontantstøtten.
Den faktiske situasjon er at det er de vanlige foreldrene – for å kalle
dem det – som må betale for at kontantstøtteforeldrene
kan velge en stor fleksibilitet. Jeg forventer at når den
fleksibiliteten i dag gjelder for kontantstøtteforeldrene,
så må den fra dags dato også gjelde for
alle de andre foreldrene her i landet.
Statsråd Valgerd Svarstad Haugland: Eg har lyst til å streka under det
som eg prøvde å seia på slutten av førre
svar, at fleksibiliteten må ein òg sjå på i
samanheng med stabiliteten for borna og dei som jobbar i barnahagane.
Eg inviterer til ein brei debatt med førskulelærarane og
barnehageeigarane for å få til begge delar.
Det er noko eg har lyst til å minna
representanten om. Eg er heilt sikker på at ho har lese
budsjettframlegget som Regjeringa har lagt fram òg på dette
punktet, og då har representanten sannsynlegvis fått
med seg at frå 1. august har vi lagt opp til akkurat den
same graden av fleksibilitet i overføringane for dei som
er over tre år og dei som er under tre år, for å oppnå det
som vi veit foreldra ynskjer. Det er faktisk ein etter måten
dyr overføringspraksis vi har lagt opp til for å oppnå denne
fleksibiliteten. Eg trur det er viktig for at vi skal oppnå det
som representanten òg er opptatt av, at tilbodet skal vera
foreldretilpassa, brukartilpassa. Det kostar pengar, og det har
vi altså lagt inn i neste års budsjett. Eg vonar
vi får støtte frå Arbeidarpartiet for
det.