Jon Olav Alstad (A): Jeg vil gjerne få stille følgende spørsmål
til barne- og familieministeren:
«Statsministeren uttalte i Nationen
4. november 1998 at det kan være aktuelt å vurdere
om menn bør ta ut en del av kontantstøtten. Denne
ordningen vil som kjent bidra til å undergrave rettigheter
som fedrene har fått de siste årene, presse dem
bort fra omsorgsrollen og tilbake til forsørgerrollen.
Vil statsråden bidra til at statsministeren
får en oversikt over utviklingen slik at det kan innføres
en «fedrekvote» også i kontantstøtten?»
Statsråd Valgerd Svarstad Haugland: Det er kome mange positive tilbakemeldingar
etter mannsrollekonferansen «Nye tider – nye menn?»,
som statsministeren og eg arrangerte. Konferansen understreka behovet
for nytt søkjelys på fleire sider av mannsrolla.
Utsegna frå statsministeren som Alstad trakk fram, vart
gitt i etterkant av denne konferansen, og eg har lyst til å gjengi
svaret statsministeren gav i Nationen den 4. november, for å gi
eit meir dekkande bilete:
«Det
blir vanskelig å knytte betingelser til kontantstøtte,
men vi vil evaluere kontantstøtten. Hvis evalueringen viser
at den brukes av kvinner, kan det være aktuelt å vurdere
om menn bør ta ut en del av tida.»
Kontantstøtta er ikkje ei permisjonsordning.
Kontantstøtte er ei kontantoverføring til familiar
som ikkje – eller berre delvis – nyttar barnehage
til borna sine. Det er ikkje krav om at ein av foreldra er heime.
Slik ordninga er utforma, er det derfor ikkje aktuelt med ein fedrekvote i
kontantstøtta etter modell av fedrekvota i fødselspermisjonen.
Sjølv om det ikkje er eit vilkår
for kontantstøtte at ein av foreldra er heime, er det eit
mål med ordninga at den skal bidra til at småbarnsforeldre
brukar meir tid på omsorg. Regjeringa ynskjer og håpar
at både kvinner og menn vil nytta det høvet som
kontantstøtta gir til å redusera arbeidstida eller
vera heime på heiltid ein periode for å ta seg
av borna sine.
Representanten Alstad påstår
at kontantstøtta vil pressa fedrane bort frå omsorgsrolla.
Eg stiller meg undrande til korleis Alstad kan trekka slike bastante
konklusjonar. Kontantstøtta inneber ein ny valfridom for
småbarnsfamiliane, og vi veit førebels lite om
verknaden av ordninga med omsyn til korleis familiane faktisk organiserer
barneomsorga. Eg reknar med at det i utgangspunktet vil vera fleire
kvinner enn menn som vel å arbeida mindre ute på grunn
av kontantstøtta. Alle ordningar som gjer det mogleg å bruka
meir tid saman med borna, er hittil mest nytta av kvinner. Berre
12,7 pst. – i 1997 – av mennene tar ut
større del av fødselspermisjonen enn fedrekvota.
Ei undersøking som Statistisk sentralbyrå har
gjennomført, viser at berre 7,5 pst. av dei spurde
seier at far vil arbeida mindre enn no eller vera heime på heiltid
når familien får kontantstøtte. Undersøkinga
vart gjennomført på eit tidspunkt då kontantstøtteordninga enno
ikkje var vedtatt av Stortinget. Talet seier derfor ikkje så mykje
om korleis familiane vil innretta seg når det kjem til
stykket. Erfaringane med fødselspermisjonen viser at fedrane
tar meir og meir del i omsorga i barnets fyrste leveår.
Auken har kome gradvis over tid, og eg trur vi etter kvart vil
sjå at fleire fedrar vel å arbeida mindre ute
også mens borna er mellom eit og to år gamle.
Vi vil fylgja utviklinga nøye i form
av statistikk, forsking og evaluering. Mellom anna vil vi legga
vekt på å få fram kva for verknader kontantstøtta
har på yrkesdeltakinga for mødre og fedre og på delinga
av oppgåvene i heimen.
Dersom evalueringa skulle visa at småbarnsforeldre ikkje
brukar meir tid på omsorg for eigne born som fylgje av
kontantstøtta, eller at ordninga forsterkar skilnadene
mellom mødrer og fedrar når det gjeld omsorg og
yrkesdeltaking, må vi ta dette opp til vurdering. Det
er for tidleg å spekulera i kva som i så fall
kan gjerast. Når forskingsresultata og oversikten over
utviklinga kjem til meg, vil eg sjølvsagt sørgja
for at statsministeren får den same kunnskapen.
Jon Olav Alstad (A): Det er visse ting i dette samfunnet vi ikke
trenger å forske på og undersøke for å kunne
si hvordan utviklingen blir. En av årsakene her er resultatene
av opplegget for kontantstøtten når det gjelder fedres
deltakelse. Den ene måneden som i dag er avsatt, og som
brukes av nærmere 80 pst. av fedrene, vil bli
satt under press når kontantstøtten blir valgt.
Og den blir ikke valgt av fedrene, det tror jeg vi kan slå fast
allerede nå.
Det tok tre år fra vi startet endringene
av et ganske inngrodd familiemønster, til vi klarte å få det
igjennom. Det gikk veldig fort, men det var fordi fedrene ønsket å ta et
større ansvar i hjemmet. Den politikken det legges opp
til nå når kontantstøtten ikke engang
vil bli prioritert fedrene, vil nettopp innebære at en
stopper endringene i familiemønsteret og presser fedrene
tilbake til forsørgerrollen og overtidsbruken som småbarnsfedre
i dag har.
Statsråd Valgerd Svarstad Haugland: Noko av det som undrar meg i den debatten
som vi no har ført over lengre tid om kontantstøtta,
er korleis dei som er motstandarar av kontantstøtta, så tydeleg
veit – og påstår – at kvinner
blir pressa hit og dit og menn blir pressa hit og dit. Har ikkje
menn og kvinner vilje sjølve?
Som representanten Alstad sa i sitt tilleggsspørsmål
til meg – eller kanskje meir «tilleggspåstand» – var
det ei endring i fedrane sin oppførsel fordi dei sjølve
ynskjer å vera meir heime og ta større del av
oppgåva, samtidig som dei fekk sin eigen fedrekvote. Eg
trur faktisk at fedre ynskjer å bruka meir tid på borna
sine. No legg vi altså til rette for større valfridom,
og det er sjølvsagt då opp til foreldra å velja
kven som skal ta ut den tida.
Så er det sjølvsagt mykje
anna som er med og påverkar vala som foreldra tar. Det
går på permisjonsrettar, det går på skilnader
i lønn og mykje anna. Dette er forhold som vi òg
sjølvsagt vil fylgja nøye, for slike ting trur
eg faktisk vil ha større påverknad ved å gi
større valfridom til foreldra.
Jon Olav Alstad (A): Den som har fulgt likestillingsutviklingen
fra begynnelsen av 1970-tallet og de endringene den har ført
med seg når det gjelder familien, vil se en del mønstre,
bl.a. at dersom vi som er fedre skal ha muligheten til å komme
inn og få en større del av ansvaret, må det
legges bedre til rette for det. For valgfriheten er ikke der i
dag. Det var den ikke for jentene på begynnelsen av 1970-tallet
da de ville inn på mannfolkenes områder, det er
den ikke for karene i dag når de vil inn på kvinnfolkenes
områder.
Det var én ting jeg merket meg i statsrådens
svar som var positivt, og det var at hun ønsket å følge
utviklingen nøye i form av forskning. Og var det noe denne
mannskonferansen avdekket, var det at på det området
er vi for dårlige. Vi vet ikke hva mannfolk tenker, vi
vet ikke hva mannfolk gjør, og vi vet ikke hva det er som
virker inn på utviklingen av verken mannsrollen eller fedrerollen.
Og da regner jeg med som en oppfølging av dette at statsråden
vil ta initiativ til at vi får vite mer.
Statsråd Valgerd Svarstad Haugland: Med all respekt for spørsmålsstillaren
trur eg faktisk eg har fylgt likestillingsdebatten og utviklinga
frå 1970-talet og framover vel så nøye
som spørjaren. Berre på grunn av alderen og på grunn
av det engasjementet eg har hatt i politikken i alle desse åra,
har eg hatt betre høve til å fylgja den ganske
nøye.
Analysen som representanten hadde, er ganske
riktig. Det må bli lagt meir til rette for at òg
fedrane skal ta ut rettane sine. Når det gjeld mannsforsking,
ynskjer vi òg å prioritera dette. Derfor er eg
iallfall glad for at vi, førebels på nordisk nivå,
har avsett ei forskarstilling som skal koordinera all mannsforskinga
i Norden, og så får vi koma tilbake til korleis
vi skal finansiera meir direkte mannsforsking på norsk
nivå, noko som eg absolutt ynskjer at vi skal prioritera.