Arne Sortevik (FrP) [12:33:22]: «I forbindelse med mangelfull dokumentasjon
ved bygging og inspeksjon av veitunneler fremkommer
det også spørsmål om hvordan sikkerheten
for trafikantene på eksisterende bruer ivaretas. Det er
et omfattende etterslep når det gjelder vedlikehold av
veinettet i Norge. Som tunnelene utgjør bruene en viktig
del av veinettet og rammes derfor av vedlikeholdsetterslepet.
Vil statsråden sørge for
at rutiner for inspeksjon og vedlikehold av
bruer blir gjennomgått for å sikre trygg ferdsel
for trafikantene?»
Statsråd Liv Signe
Navarsete [12:34:04]: Eg vil fyrst understreke at Statens vegvesen
har lang røynsle med forvalting av bruer, og
har system, rutinar og kompetanse som er bygd opp over lang tid.
Dette er fundert på eigen kunnskap og tilrådingar
frå m.a. OECD.
Vegdirektoratet opplyser at bruer vert utforma
spesielt for å sikre enkel tilkomst
for inspeksjon og vedlikehald. Krav til utforming
i regelverk og kontroll og godkjenning av alle planar
for nybygging og ombygging av bruer er viktig for å få dette
til.
Generelt oppsyn inngår i funksjonsavtalane,
og Statens vegvesen føretek enkel inspeksjon
og hovudinspeksjon med faste intervall. I tillegg føretek
Statens vegvesen spesialinspeksjon etter behov. Kompetanse
vert sikra gjennom krav til fagkunnskap i regelverket
og vert utvikla gjennom kurs og samlingar.
Ved gjennomføring av inspeksjonane
skal det kontrollerast at bruene har den naudsynte tryggleiken,
og vedlikehaldsbehovet skal identifiserast. Kontrollintervall vert tilpassa
kvar enkelt bru innafor gitte rammer. Til dømes skal
eldre bruer med skadar som kan utvikle
seg til fare for tryggleiken, inspiserast oftare enn nye
bruer.
Kvar bru har si eiga arkivmappe med
dokumentasjon frå prosjektering, bygging og vedlikehald.
I tillegg nyttar ein det databaserte bruforvaltingssystemet BRUTUS
for å halde oversikten over tilstand, vedlikehaldsbehov
og prioritering av vedlikehaldsmidlar til om lag 16 000 bruer på riks-
og fylkesvegar.
Ut frå den utgreiinga eg har fått
frå Vegdirektoratet, kan eg ikkje sjå at
det er behov for ein eigen gjennomgang av rutinane for inspeksjon
og vedlikehald av bruene. Gjeldande rutinar skal sikre
trygg ferdsel på bruene.
Arne Sortevik (FrP) [12:35:49]: Takk for svaret.
Vi trodde vi hadde tunnelkompetanse, og vi
trodde vi hadde god dokumentasjon på bygging av tunneler
inntil taket datt ned i Hanekleivtunnelen.
I innspillet til Nasjonal
transportplan 2006–2015 blir det oppgitt fra Statens Vegvesen
at etterslepet når det gjelder bruer og kaier – det
er slått sammen i en stor haug – er på 3,3
milliarder kr. I tunnelsammenheng har vi fått frem tallet
på etterslep når det gjelder vedlikehold på veitunnelene,
ca. 2 milliarder kr. Mitt oppfølgingsspørsmål
er konkret: Har vi noen tall når det gjelder
etterslep på vedlikehold av bruer på riks- og
fylkesveier, med tilleggsoppfølging som følger?
Når det gjaldt tunnelene, sa veidirektøren – som
jeg nevnte i mitt spørsmål tidligere i dag – at
han trodde at tunnelene var ok. Tror statsråden at bruene også er
ok?
Statsråd Liv Signe Navarsete [12:36:50]: Me har god kompetanse på tunnelar
i Noreg. Hendinga i Hanekleivtunnelen er stadfesta som ein kombinasjon
av feilvurdering i den enkelte byggjeprosessen og vanskelege fjellforhold.
Me må ikkje gløyme alle
dei andre tunnelane rundt om i landet som fungerer tilfredsstillande.
Når det gjeld bruer, har me der òg
kompetanse og system. Eg refererte kor mange bruer me har – det
er 16 000 bruer. Me er nøydde til å ha
system som fungerer for overvaking av desse. Verken statsråden eller
vegdirektøren kan ta bru for bru enkeltvis. Me må ha
eit system der ein kontrollerer bruene med faste intervall. Desse
kontrollane skal vere gjorde etter faste kriterium.
Mi oppgåve er å sjå til at det systemet
er godt nok. I hovudsvaret mitt sa eg at det systemet me har for
den kontrollen, er tilfredsstillande.
Arne Sortevik (FrP) [12:37:57]: Igjen takk for svar, og igjen en
oppfølging.
Vi trodde jo at de fleste tunnelene i Vestfold
var sikre inntil nå i alt åtte
blir stengt. I desember 2005 var det fremme i media fra region Østlandet
at 15 bruer var truet av stenging. I februar 2006 kom
det bekymringsmelding fra Midt-Norge med en liste på 35
bruer. Jeg tror nok at kartleggingen kanskje er rimelig bra, men
mitt oppfølgingsspørsmål er fortsatt:
Hvor stort omfang har etterslepet på vedlikeholdet av bruer
som brukes i dag av trafikantene, og hvor mange år skal
vi vente på at vi får mer betryggende og grundig
vedlikehold av bruene, slik at det ikke er frykt for at
de enten blir stengt, eller at de faller ned?
Statsråd Liv Signe Navarsete [12:39:01]: Eg registrerer at representanten Sortevik i
spørsmål etter spørsmål er
særdeles oppteken av etterslepet. Statsråden er
meir oppteken av kva me får gjort, enn av kva etterslep
tidlegare regjeringar etterlét seg.
Eg skulle ynskt at Framstegspartiet
i førre periode, då dei sat med avgjerande innflytelse
over statsbudsjettet, hadde sytt for at noko av det store
etterslepet me har, både på tunnelar,
bruer og elles på vegar, hadde vorte teke
inn. Det skjedde ikkje. Denne regjeringa aukar løyvingane
til veg med milliardbeløp, òg til drift og vedlikehald,
som kjem bruer til nytte. Ja, det er òg etterslep i milliardklassen
på bruer, som av vekslande regjeringar og med vekslande
støtte i Stortinget har fått lov til å vekse.
Me har stoppa veksten i etterslep på vedlikehald,
og me skal gjere jobben vår med å tilføre
midlar til ettersyn og vedlikehald av bruene i framtida.