Borghild Tenden (V) [13:30:03]: Jeg tillater meg å stille følgende
spørsmål til samferdselsministeren:
«Parallelt med at statsråden
snakker om innføring av rushtidsavgift i de store byene,
så satses det lite på kollektivtrafikken.
Belønningsordningen er redusert ved at den skal omfatte
flere byer uten at midlene økes tilsvarende, og
flere viktige lokaltogstrekninger skyves ut i tid.
Hvilke planer har statsråden når
det gjelder satsing på kollektivtrafikk i de store byene
våre?»
Statsråd Liv Signe
Navarsete [13:30:34]: Innleiingsvis vil eg streke under at både
stat og lokale styresmakter har ansvar for at trafikantane får
eit godt kollektivtilbod.
Eg er ikkje samd i at det vert satsa lite
på kollektivtransport. Regjeringa føreslår
statlege løyvingar på nær 11 milliardar
kr for 2008, der 1,6 milliardar kr går til statlege innkjøp
av persontransport med tog og 5,8 milliardar kr går til
investeringar, drift og vedlikehald av jernbanenettet. Nær
1,5 milliardar kr av dette går til å sikre
rasjonell framdrift av prosjekta Lysaker stasjon, dobbeltspor
Lysaker–Sandvika og dobbeltspor Sandnes–Stavanger.
Om lag 900 mill. kr av vegmidlar er foreslått nytta til
kollektivtransport – av desse er 710 mill. kr bompengar.
Om lag 230 mill. kr går til særskilt tilskot til
kollektivtransport, om lag 1,5 milliardar kr til statleg kjøp
av riksvegferjetenester, om lag 290 mill. kr til statleg kjøp
av sjøtransportteneste Bergen–Kirkenes og om lag
500 mill. kr til kjøp av flyrutetenester. I tillegg til
desse statlege midlane og bompengemidlane kjem fylkeskommunale midlar
til lokal kollektivtransport. I 2006 løyvde fylkeskommunane og Oslo
kommune meir enn 5,5 milliardar kr til kollektivtransport. Den største
kollektivsatsinga skjer i Oslo, Akershus og Bergen.
Fylkeskommunane finansierer kollektivtransport
via rammetilskot frå staten. I 2006 løyvde fylkeskommunane og Oslo
kommune meir enn 5,5 milliardar kr til bilruter, fylkesvegferjer,
båtruter, transport for funksjonshemma og sporvegs- og
forstadsbaner. I Oslo kommune vart det løyvt
meir enn 1 milliard kr til kollektivtransporten i Oslo. Kommuneøkonomien
er kraftig styrkt under denne regjeringa, og fylkeskommunane si
moglegheit til å satse på kollektivtrafikk
er difor betre enn på lenge.
Belønningsordninga for betre kollektivtransport
og mindre bruk av bil vart innført
i 2004 for å få fleire i dei større byane
til å velje kollektivtransport framfor eigen bil. Ei evaluering
av ordninga syner at kollektivtransporten er styrkt i dei aktuelle
byområda i perioden, men ordninga har ikkje ført
til tydelege endringar i den lokale transportpolitikken gjennom
strengare restriksjonar på bruk av bil, t.d. parkering.
I evalueringa vert det føreslått
vidareføring og styrking av ordninga med konsentrasjon
av midlane. Regjeringa har alt slutta seg til at belønningsordninga eller
tilsvarande ordning skal verte styrkt, jf. St.meld. nr. 34 for 2006-2007,
Norsk klimapolitikk. Regjeringa vil kome attende med
ei vurdering av dette m.a. i stortingsmeldinga om Nasjonal
transportplan for perioden 2010–2019.
Det er feil at belønningsordninga
er redusert. Ho er tvert imot styrkt. I St.prp. nr. 1 for 2007-2008
vert det i tråd med evalueringsrapporten føreslått
at også Drammen, Skien–Porsgrunn og
Fredrikstad–Sarpsborg skal få høve til å søkje
på belønningsordninga. Regjeringa vil dele
midlane for 2008 i samsvar med oppnådd vekst for kollektivtransporten.
Avhengig av søknadene er det aktuelt å konsentrere
midlane på færre byar enn i dag, jf. St.prp. nr.
1 for 2007-2008, side 133. Regjeringa føreslår ei
løyving på 161,7 mill. kr til ordninga
for 2008.
Kollektivtransport, særleg i dei større
byområda, er både eit sjølvstendig
og naudsynt transportmiddel for store grupper av folk og eit viktig
verkemiddel for å redusere bruk av eigen bil. Ifølgje
reisevaneundersøkinga 2005 er om lag 20 pst. av daglege
reiser i Oslo kollektive reiser. Tilsvarande tal for Bergen,
Trondheim og Stavanger er om lag 10 pst., og
6 pst. for mellomstore byar.
Det vil ikkje vere mogleg å dempe
veksten i biltrafikken utan å bruke både
positive og restriktive tiltak. Verkemidla er vel kjende:
betre kollektivtilbod, særleg auka
frekvens og betra framkomst
køprising i store byar med kapasitetsproblem
tilrettelegging for gåande
samanhengande hovudnett for syklande
universell utforming
restriktiv parkeringspolitikk, særleg
ved arbeidsplassar
arealbruk som minimerer behov for bruk av privatbil
Dei fleste av desse tiltaka rår ikkje
staten over direkte. Staten har likevel det overordna
ansvaret for nasjonal transportpolitikk, også der
ansvaret for verkemiddel og budsjett ligg til andre
forvaltningsnivå. Dette ansvaret vert utøvt m.a.
gjennom å styrkje kommunane og fylka sin økonomi,
ved statlege føringar gjennom pålegg, lover og forskrifter,
tilskots- og belønningsordningar og direkte statleg finansiering
av tiltak og prosjekt.
Transportetatane og Avinor vil i sitt framlegg
til Nasjonal transportplan 2010–2019
ha ei brei omtale av utfordringar og forslag til tiltak
for dei store byområda. Dette vil vere eit viktig
grunnlag i Regjeringa sitt arbeid med å fremme ei eiga
stortingsmelding om Nasjonal transportplan 2010–2019,
med sikte på handsaming i Stortinget våren 2009.
Borghild Tenden (V) [13:35:21]: Jeg takker for et langt og innholdsrikt svar.
Statsråden er jo hyppig ute i media og snakker om rushtidsavgift
og fullroser trengselskatten i Stockholm. I den grad det er en suksess – det
diskuteres jo, som vi begge kjenner til – så var
et av suksesskriteriene at det var bygd opp et svært
godt kollektivtilbud i forkant.
Slik jeg ser det, går statsråden
motsatt vei. Hun følger ikke opp den evalueringen
som sier at man må satse mer på belønningsordningen,
og jeg forstår det slik at hun nå har bestilt
en utredning om køprising fra Transportøkonomisk
institutt – TØI.
Så mitt spørsmål
til statsråden er da: Ville det ikke være
smart, mens man venter på denne utredningen fra TØI,
som jeg har lest om i media, å satse mer på kollektivtrafikk?
Statsråd Liv Signe Navarsete [13:36:32]: Som eg gjorde greie for i hovudsvaret mitt,
satsar denne regjeringa meir på kollektivtrafikk enn det
som har vore gjort av noka regjering til denne
tid.
Me satsar sterkare på jernbane, som
kanskje er det aller viktigaste – å få bygd
ut dobbeltspor i intercitytriangelet og ved dei store byane, altså Bergen,
Stavanger, Trondheim. Me kjøper tenester på jernbane
for 1,1 milliardar kr årleg, og me investerer som sagt
i ein raskare takt enn før.
Me har òg ein god dialog
med lokale styresmakter, ikkje minst her i Oslo, gjennom
arbeidet med Oslopakke 3, for å leggje til rette for ei
sterkare satsing på kollektivtransport under
det som då er fylkeskommunen og i dette tilfellet Oslo
kommune sitt ansvar.
Borghild Tenden (V) [13:37:28]: Jeg takker igjen for svaret.
Både Stoltenberg
I-regjeringen og begge Bondevik-regjeringene benyttet alternativ
bruk av riksveimidler til kollektivtrafikk. Jeg har fått
signaler fra Oslo om at denne regjeringen ikke
fortsetter denne praksisen. Ett konkret eksempel
er Bogstadveien, som er en riksvei, der det kun brukes penger til
asfalt og ikke til trikkeskinner, i motsetning til hva
Bondevik II-regjeringen gjorde. Er dette en ny praksis,
og er det klokt sett i lys av de miljøutfordringene vi
står overfor?
Statsråd Liv Signe Navarsete [13:38:07]: Som eg gjorde greie for i hovudsvaret, vert
det brukt ein stor del vegmidlar til kollektivtransport i dag. Det
har vore gjort tidlegare, og der har eg ikkje
lagt om politikken. Eg sa vel òg det same ganske
så tydeleg i hovudsvaret mitt, så eg trur ikkje
me treng å kome nærare inn på det.
Det arbeidet gjer me sjølvsagt i nært samarbeid
med lokale styresmakter. I dei store byane handlar dette ofte
om bypakkar, som Oslopakke 3 og Bergenspakken, der ein ser heile
transportsystemet i samanheng, både utbygging
av veg, baneløysingar og ulike former for tiltak som skal
betre framkomsten for dei kollektive reisemidla.