Tomas Norvoll (A): Jeg vil få stille følgende
spørsmål til kirke-, utdannings- og forskningsministeren:
«Det framgår av en undersøkelse
ved NTNU at norske jenter bruker PC og Internett minst av alle jenter
i Norden.
Vil statsråden foreta seg noe i sakens
anledning for å hindre at norske jenter blir hengende etter?»
Statsråd Jon Lilletun: På oppdrag frå IBM utførte Norsk
Gallup Institutt AS i januar 1999 ei undersøking av IKT-bruken
blant unge i aldersgruppa 16-24 år i dei nordiske landa.
Undersøkinga viser m.a. at norsk ungdom totalt sett faktisk
har noko mindre tilgang til PC enn ungdom i Finland, Danmark og
Sverige. I Finland har 93 pst. av ungdommen tilgang til PC, mens
det er 88 pst. i Noreg. Skilnadene er der, men dei er små.
Undersøkinga viser òg at i Finland og Danmark
har fleire av dei unge tilgang til PC på skulen enn kva
tilfellet er i Noreg, og at norsk ungdom generelt nyttar IKT noko mindre
enn ungdom i Finland, Sverige og Danmark.
Ettersom norsk ungdom totalt sett ser ut til å bruke IKT
noko mindre enn ungdommen i dei andre nordiske landa, er det ikkje
uventa at norske jenter bruker IKT mindre enn jentene i dei andre
landa. Etter dei samanstillingane som er viste i pressa, kan det
sjå ut til at norske jenter nyttar utstyret i mindre grad
enn til dømes finske jenter. Dette kan også henge
saman med at bruken av IKT er meir integrert i skulen i Finland
enn i Noreg. Vi har ikkje hatt tilgang til data som viser detaljar
i IKT-bruken til jenter i dei andre nordiske landa.
Den tilgangen jenter har til og den bruken
dei gjer av IKT, er sentrale element i arbeidet med IKT i norsk
utdanning. Dei nordiske skilnadene som vi ser, vil bli studerte
nærmare.
At jenter bruker IKT mindre og har mindre interesse for
IKT enn gutar, har vi lenge vore klare over, og vi har òg
gjort noko med det. Som ledd i handlingsplanen for IKT i utdanninga
har det dei siste åra vore sett i gang ei rad tiltak for å stimulere
jenter til å interessere seg for og til å bruke
PC og Internett. Det er sett i gang FoU-arbeid i grunnskulen og
i vidaregåande opplæring. Det er etablert eigne
etter- og vidareutdanningstilbod for kvinnelege lærarar.
For å få fleire kvinner til å velje IT-utdanningar
på høgre nivå er det sett i verk spesielle
rekrutteringstiltak ved universiteta.
Etter kvart har vi fått kunnskapar
om korleis IKT kan takast i bruk på ein måte som
stettar behova både til jenter og gutar. Departementet
er no i ferd med å lage ein brosjyre der røynsler
frå prosjektarbeid vil bli samla, og der lærarar
vil få råd og tips om korleis IKT kan integrerast
i undervisninga slik at jenter også får interesse
for bruken.
Departementet vil i haust arrangere den tredje
konferansen i rekkja som rettar seg mot kvinnelege lærarar. Konferansen
Damer og Data set søkjelys på kvinnelege lærarar
sine erfaringar med bruk av IKT i skolen. Målet for konferansen
er også å spreie gode jenteretta tiltak, slik at
erfaringane kan komme fleire elevar og lærarar til gode.
Departementet vil i det vidare arbeidet på IKT-området
fylgje opp og prøve å jamne ut dei skilnadene
mellom jenter og gutar som IBM-rapporten ser ut til å vise.
Tomas Norvoll (A): La meg få takke statsråden
for et fyldig svar.
Det er klart at hvis gapet mellom gutter og
jenter i bruk av og i kunnskap om ny teknologi blir stort, er det
et alvorlig problem. Det er også et problem for oss hvis
norsk ungdom bruker og kan mindre om ny teknologi enn ungdom i de
landene som ligger rundt oss. Uten at vi skal hausse det opp til
en nasjonal katastrofe på kort sikt, er det viktig at vi stiller
den problemstillingen i et visst fokus.
Stortinget har bedt om en gjennomgang av nivået
på IT-utdanningen på alle nivåer i skoleverket.
Jeg kan godt tenke meg å spørre om hvordan statsråden
har tenkt å komme tilbake til Stortinget med dette, og
om Stortinget vil bli invitert til å delta og få informasjon
om de prosessene som departementet driver for å få særlig
jenter i Norge mer opptatt av bruk av IKT.
Statsråd Jon Lilletun: Fyrst vil eg takke representanten Norvoll
for nyanseringa av problemstillinga. For det er ikkje noko dramatikk
i dette i dag. Men det at vi heng litt etter dei andre nordiske
landa, går det ikkje an å avfinne seg med. Så eg
er heilt einig med han i at det bør skjerpe både
statsråden, Regjeringa, oss som nasjon og Stortinget.
Det er heilt rett at Stortinget har vore oppteke
av problemstillinga, og eg har sagt at vi vil kome tilbake i løpet av året
med ei fornying av handlingsplanen. Eg har enno ikkje bestemt på kva
måte eg vil informere Stortinget. Det kan bli i statsbudsjettet,
i eit eige dokument eller saman med noko anna av det Stortinget
har bestilt. Det som er heilt klart, er at eg kjem til å invitere
Stortinget med på vidareutviklinga.