Arne Sortevik (FrP) [12:22:54]: Jeg har følgende spørsmål: «For
en rekke små og store samferdselsprosjekter foreligger
det nå anbud som ligger langt høyere enn byggherrens
eget overslag. Mange forhold kan påvirke prisen, ikke
minst prosjektgrunnlaget. Gjennom ekstern kvalitetssikring er det
gjentatte ganger gitt uttrykk for at veietatens egne kostnadsanslag
må forbedres.
Hvilke tiltak vil statsråden gjennomføre
for å forbedre prosjektgrunnlag og kostnadsoverslag
på prosjekter for å redusere muligheten for kostnadssprekk
når nye prosjekter utlyses på anbud?»
Statsråd Liv Signe
Navarsete [12:23:36]: Marknadssituasjonen i 2007 har vore
særs uføreseieleg, både når
det gjeld interessa frå entreprenørane for å delta
i tilbodskonkurransar, og når det gjeld prisnivået
på tilbod. Årsakene til dette er fleire, men det
synest spesielt å vere to forhold som
har verka inn. Det eine er stor kostnadsauke
på innsatsfaktorar som varer og løn. Det andre
er at anleggsmarknaden har vore labil og prega av overoppheiting.
Sistnemnde forhold har gitt seg utslag i at
det har vore lita interesse og få tilbod
i einskilde konkurransar og høgare prisar enn det auka
prisar på innsatsfaktorane isolert sett skulle tilseie.
Interessa frå entreprenørane har vore
minst og prisane høgast på større og
komplekse prosjekt.
Jernbaneverket og Statens vegvesen er spesielt
opptekne av problemstillinga. Eg vil her trekkje fram at Statens
vegvesen ut frå dette har sett i verk fleire tiltak, m.a:
Det blir ny gjennomgang av kostnadsoverslag
på ei rekkje prosjekt.
Det blir gjennomført opplæring av personell
som skal ha ansvar for å leie prosessen med å utarbeide
kostnadsoverslag.
Det blir skjerpa krav til detaljeringsgraden i kostnadsoverslaga.
Det blir større merksemd mot ein målretta
prosjekt- og kontraktsstrategi tilpassa dagens marknadssituasjon. Dette
betyr at ein søkjer å leggje til rette for at både store
og internasjonale selskap og mindre og mellomstore entreprenørar
kan delta i tilbodskonkurransar om vegbyggingsoppdrag i større
grad enn i dag.
Det er utvikla eit prosess-styringssystem
i Statens vegvesen knytt til hovudprosessen «Gjennomføring av
utbyggingsprosjekt». Dette vil vere eit viktig bidrag
til god prosjektstyring.
Det er vidare etablert ein kostnadsbank som skal
gi betre grunnlag for utarbeiding av kostnadsoverslag basert
på erfaringsprisar.
Det er utarbeidd ein prosjektdatabase som skal gi betre
moglegheit for å føreseie
marknadssituasjonen.
I tillegg til dette blir Statens vegvesen si
handbok 151 «Styring av investerings-, drifts- og vedlikehaldsprosjekt» revidert,
og er snart klar til utsending. Denne vil innehalde meir strukturerte
og spesifikke krav til gjennomføring av prosjekt enn dagens
utgåve. Erfaringar frå gjennomføring
av ekstern kvalitetssikring, KS2, har vore viktige bidrag
i revisjonsarbeidet.
God kvalitet når det gjeld konkurransegrunnlag,
og eintydig rolle- og ansvarsdeling mellom byggherre og
entreprenør, er heilt avgjerande for at arbeidet skal kunne gjennomførast utan
store tilleggsutbetalingar. Statens vegvesen arbeider derfor kontinuerleg
med å vidareutvikle standardiserte malar for
utarbeiding av konkurransegrunnlag samt rutinar for å kvalitetssikre
desse.
Statoil, Telenor, Forsvarsbygg, Jernbaneverket
og Statens vegvesen tek del i forskningsprosjektet «Praktisk
styring av uvisse», der det m.a. blir arbeidd med å utvikle einsarta
rutinar og prosedyrar for å identifisere uvisse i kostnadsoverslag.
Eg meiner at dette skulle vise at Statens vegvesen og
Jernbaneverket arbeider aktivt og systematisk med tiltak og vidareutvikling
av styringssystem, med det formålet å redusere
risikoen for kostnadssprekk.
Arne Sortevik (FrP) [12:26:48]: Jeg takker for svaret. Et av de prosjektene
som er varslet tilbakesendt til Stortinget, er ny Kråkerøy-forbindelse,
som Stortinget behandlet våren 2007. Høsten 2006
ble det sagt i kvalitetssikringsrapporten om kostnadsusikkerhet:
«Metier
registrerer at Vegdirektoratet, etter gjentatte anbefalinger
om å iverksette forbedringer
av estimeringsmetodikken i Statens Vegvesen, synes å mangle den
nødvendige forståelsen for problemstillingen og har ikke
tatt de nødvendige aksjonene. Samferdselsdepartementet
må besørge at det etableres rutiner som sikrer
kostnadsestimering i prosjektene i henhold til anerkjent beste
praksis.»
Det skulle vel vise at det er et
betydelig forbedringspotensial hos Statens vegvesen. Statsråden
var innom det i sitt svar. Men det er viktig å understreke
at en viktig grunn til at prosjekter nå sprekker på kostnadssiden,
faktisk er dårlig prosjektgrunnlag. Det bør forbedres.
Statsråd Liv Signe Navarsete [12:27:58]: Dersom representanten Sortevik skulle ha rett
i utsegnene sine, må det i så fall bety
at ein har fått ei særs rask kvalitetssenking i
Statens vegvesen. Den seinare tida har det normalt vore svært
små avvik i kostnadsoverslag mellom
konsulentane som er leigde inn eksternt, og Statens vegvesen. Ein
må òg konstatere at konsulentane i liten grad
har greidd å avdekkje moglege problem. Det beste
eksempelet er Ulven–Sinsen, der konsulentane sitt overslag
faktisk låg i underkant av Vegvesenet sitt. Vi kjenner
til korleis dei kalkylane har vore, og kva for jobb me har hatt
i etterkant av det.
Me opplever heller ikkje at dei eksterne
konsulentane, som er fleire, plukka ut av Finansdepartementet og
frikopla frå Statens vegvesen, i nokon grad har vore gode
til å føreseie prisvekst i marknaden.
Arne Sortevik (FrP) [12:28:57]: Igjen takk for svaret. Det er faktisk
slik at den kritikken som er fremført i det nevnte prosjektet,
er videreført i et av de siste prosjektene som Stortinget
har behandlet, nemlig bompengeproposisjonen om E6 fra Gardermoen
til Kolomoen. Der blir det gjentatt kritikk fra kvalitetssikrerne
for måten prosjektdriver og byggherre beregner og dokumenterer sine
kalkyler på.
Som jeg har gjort før i Stortinget,
har jeg til slutt lyst til å vise til høringen
i forbindelse med samferdselsbudsjettet for 2008, hvor direktøren
i Byggenæringens Landsforening gav et veldig klart svar – er
klart ja på spørsmål om det var mye feil
og mangler ved prosjektgrunnlag for nye samferdselsprosjekt.
Det bekreftet han ganske tydelig. Jeg stiller meg noe
undrende til at statsråden er opptatt av å bagatellisere
dette, når det faktisk ble tungt og tydelig påpekt
i kvalitetssikringen av de store prosjektene.
Statsråd Liv Signe Navarsete [12:30:03]: Statsråden bagatelliserer ingenting.
Eg hadde ei lang liste med tiltak som statsråden og Statens
vegvesen står saman om å gjennomføre
for å få endå betre kvalitetssikring.
Alt kan verte betre, men den stadige svartmålinga og skuldingane
som kjem frå representanten Sortevik mot Statens vegvesen, kan
statsråden ikkje stille seg bak. Statens vegvesen
har vore gjennom ei stor omorganisering. Trass i det er
det høg kvalitet på tenestene. Om næringa
kan ha sine synspunkt på det materiellet som
vert sendt ut, håper eg dei i så fall tek det
opp med Statens vegvesen, eventuelt med statsråden,
så får me gå inn. Eg har så langt
ikkje fått konkrete påpeikingar frå næringa
om feil og manglar i grunnlaget for dei prosjekta som er sende ut.
Eg meiner framleis at det er feil å seie at hovudproblemet
i dag er Statens vegvesen sin metodikk. Hovudproblemet i dag er
ein sterk prisvekst i marknaden, som skriv seg frå fleire
faktorar. Det er som sagt ein prisvekst som heller ikkje
eksterne miljø har evna å føresjå.