Presidenten: Det blir ei rekkje endringar i den oppsette
spørsmålslista, og presidenten viser i den samanhengen til
den oversikta som er omdelt på representantane sine plassar
i salen. Presidenten gjer framlegg om at dei føreslåtte
endringane i dagens spørjetime blir godkjende. – Presidenten
ser det som vedteke.
Endringane var desse:
Spørsmål 3, frå representanten Kari Lise
Holmberg til kommunal- og regionalministeren, vil bli svara på av miljøvernministeren
som rette vedkomande.
Spørsmåla 5 og 7, frå etter
tur representantane Odd Einar Dørum og Arne Sortevik
til samferdselsministeren, må utsetjast til neste spørjetime,
då statsråden er bortreist.
Spørsmål 6, frå representanten
Per Roar Bredvold til samferdselsministeren, vil bli svara på av
landbruks- og matministeren på vegner av samferdselsministeren,
som er bortreist. Etter oppmoding frå landbruks-
og matministeren blir dette spørsmålet flytta
og svara på før spørsmål 18,
som skal svarast på av same statsråden.
Spørsmål 8, frå representanten
Anders Anundsen til kunnskapsministeren, er trekt tilbake.
Spørsmål 9, frå representanten
Jan Tore Sanner til kunnskapsministeren, vil bli svara
på av finansministeren som rette vedkomande. Etter
oppmoding frå finansministeren blir dette spørsmålet
flytta til etter spørsmål 2.
Spørsmål 15, frå representanten Åse
Gunhild Woie Duesund til helse- og omsorgsministeren, vil bli teke
opp av representanten Kjell Ingolf Ropstad.
Spørsmål 17, frå representanten
Trond Helleland til fornyings- og administrasjonsministeren, vil
bli teke opp av representanten Øyvind Halleraker.