Presidenten: På grunn av det høge talet spørsmål som skal svarast på, finn presidenten å måtte meddele at han med heimel i forretningsordenens § 53 nr. 3 siste ledd har bestemt at det berre vil bli gitt høve til eitt tilleggsspørsmål etter at hovudspørsmålet er svara på. Dette er nødvendig for at vi skal kunne bli ferdige med dagens kart innafor den tida som er fastsett for føremiddagens møte.

Vidare vil presidenten meddele at det blir nokre endringar i den oppsette spørsmålslista. Presidenten viser i den samanhengen til den oversikta som er omdelt på representantane sine plassar i salen, og gjer framlegg om at dei føreslåtte endringane i dagens spørjetime blir godkjende. – Presidenten ser det som vedteke.

Endringane var desse:

Spørsmål 13, frå representanten Laila Kaland til landbruksministeren, er trekt tilbake.

Spørsmål 14, frå representanten Per Roar Bredvold til landbruksministeren, vil bli svara på av fiskeriministeren på vegner av landbruksministeren, som er bortreist.

Spørsmål 15, frå representanten Bjørn Hernæs til landbruksministeren, må utsetjast til neste spørjetime, då statsråden er bortreist.

Spørsmål 18, frå representanten May-Helen Molvær Grimstad til justisministeren, er trekt tilbake.

Spørsmål 19, frå representanten Helene Falch Fladmark til justisministeren, vil bli teke opp av representanten Berit Kvæven.

Spørsmål 24, frå representanten Inge Lønning til kyrkje-, utdannings- og forskingsministeren, vil bli svara på av arbeids- og administrasjonsministeren som rette vedkomande. Etter oppmoding frå arbeids- og administrasjonsministeren blir dette spørsmålet flytta og svara på før spørsmål 46, som skal svarast på av same statsråd. Spørsmål 24 vart svara på etter spørsmål 46.

Spørsmåla 43, 44 og 45, frå etter tur representantane Jan Petter Rasmussen, Torbjørn Andersen og Signe Øye til miljøvernministeren, må utsetjast til neste spørjetime, då statsråden har sjukdomsforfall.